Blader door transcripties » Stadsarchief Mechelen

archieftoegang 2, inventarisnummer 937, pagina 45

Judoenis Vrancx
Dale, Duffle. Aert Cleynaerts, tot behoef van
Joosen Vrancx heeft verreyct, alle derffelike goeden
metten gronde etcetera die Janne Breugelman haren wever
toe plagen te hoiren, bynnen de gelegen. Ex debier
alle om Johanne den oudenen de
inde obligabate
XIXa may tempore simile
Plaes vanden
Bossche et uxor
Hamme, Duffle. Johanne Belianen, wettige dochter van Janne
Belyanen, met Janne van Hoevorst haeren man, heeft by
bywesene ende consente vanden voirscreven Janne Belyanen, haeren
vader Terve gegeven Philips vanden Bossche tot sinen ende
Magrieten van Falshout synder huysvrouwen behoef
haer elfstedeel, van eenen huyse metten hove gronde etcetera
dat wylen Steven Belyanen toe plach te hoiren, gelegen
achter Onser Vrouwe kerke van Mechelen inde Milzestrate
tusschen der taflen des Heylichs Geest erve vander selver
Onse Vrouwen Beckere, aen deen zyde ende Claes vander
Heyden erve aen dander zyde, comende achterweerts tot
inde Nuwestrate. A Domino Mechliniensi. Te besittene, op eenen erffeliken
chys van Eenen gouden Ryns gods guldenen, goet etcetera te
wetene, veertich groten Vlaems gelts voir dien gerekent
Ende die te betalen altyt tot twee terminen, Te wetene oic
deen helft daeraf tot Sinte Jansmisse ende dander helft, tot
Kersmisse, Ende opten voirchys vander weerden van vier
groten Brabants gelts vuten voirscreven geheelen huyse jaerlicx
gaende. Behoudelic den voirscreven Janne Belyanen, den
vader inden voirscreven erffeliken chys van eenen Ryns
gulden, synder tocht paysselic ende vredelic te gebruyken
ut supra
Johanne Gast, et
erve uxor
Dale, Wynkele, Jan Gast ende Lysbeth vander Broecstraten syn
huysvrouwe, Seggende dat sy gheen wettige kynderen en hadden
Ende hebben dairom voir ons gewilt ende openbairlic geordineert
dat de langhstlevende van hen beyden soe lange die alsdan leven
sal paysselic ende vredelic sal gebruyken, alle der haeffeliker ende
erffeliker goeden, met allen haeren toebehoirten, bynnen ende
buyten der stad ende verheyt van Mechelen, wesende ende gelegen
die sy nu ter tyt hebben ende oic namaels hebben ende vercrigen
zelen. Behoudelic dien, dat alle de voirgenoemde goeden, na de
langhstlevende doot vanden voirgenoemde Janne Gast ende Lysbetten
synder huysvrouwen blivende, toecomen ende versterven
zelen haeren gerechten erfgenamen, dien sy na den rechte
vander voirscreven stad van Mechelen ende vanden steden, ende
plaetsen, daer onder Resorteren ende gelegen syn, sculdich
selen syn toe te comen ende te versterven, oft den ghenen dien
sy die goeden samentlic met testamenten, oft anderssins
geven ende maken zelen welke ordinancie wy ende oic
Hamme, Ghoeten ende Expoele, onse medescepenen by crachte vanden
statute daerop tanderen tyden gemaect, geconfirmeert ende
approbeert hebben ende by onser ordinairder macht confirmeren
ende approberen, Alle argelist vutgescheyden
XXIa may tempore simile
XVIII stuvers
Johanne
Dyeghem
Dale, Hamme, Margriete Scamelaerts wylen Anthonis Scamelaerts
dochter met Jehan de Labbe haeren man, heeft vercocht
heer Jan van Dyegheem priester, vyf gouden Peters vander Mantenere
goede etcetera te wetene XXXVI groten Vlaems gelts voir elken van
dien gerekent de jairliker lyfpensien, die de voirgenoemde Margriete
tot haeren live hadde, op ende aen des voirscreven heer Jans huys metten
hove plaetsen gronde etcetera gelegen opte Tyechelrye tusschen Aert
gepaert
Waramen erve aen deen zyde ende thuys van Aa, dat Florys
de Bock ende synder huysvrouwe toebehoirt, aen dander zyde
Ende op des voirscreven heer Jans twee huysen, metten hoven gronde
gelegen deen neven dander inde Moelenstrate, tusschen des
voirscreven Florye ende synder huysvrouwen erve aen deen zyde
ende wylen heer Vrancx de Beckere priesters erve aen dander
zyde, al ende de Muysene, Waranderende etcetera
XXIa may tempore simile
Recepe prio
quita assisia
stuver, soe
pra
uxor
erve
hen vander
Heyden eens
Item de voirgenoemde heer Jan van Dyegheem, heeft vercocht Johanne
van have Henricke vander Heyden ende Jehannen van
Hanchy synder huysvrouwen, Een huyse metten plaetsen
hove ende met eenen wege ende doergange, gaende achterweerts
te doer een cleyn doene, tot inde Moelestrate ende oic
metten gronde ende allen anderen sinen toebehoirten, gelegen
opte Tyechelene, tusschen thuys van alia, dat Floere de Bock
ende synder huysvrouwe toebehoirt aen deen zyde ende thuys
dat wylen heer Janne Stockaert priester toe plach te hoiren
ende dat nu toebehoirt Wilram Grymaer, aen dander zyde
Ende een huys metten hove gronde etcetera gelegen inde voirscreven
Moelenstrate, tusschen Jan van Assche erve aen deen zyde ende
de voirscreven Florys de Bock ende synder huysvrouwen erve aen
dander zyde, streckende ende comende achterweerts metten selve
hove, tot aenden voirscreven yersten hof vanden voirscreven yersten huyse
Johanne
aldair. A mond de Muysene, Waranderende opte weerde van
tweentwintich scellinge acht penninge grootenen vier myten
Brabants gelts vuten voirscreven yersten huyse mettenen voirscreven
toebehoirten, Ende op acht pond payments vuten voirscreven anderen
huyse metten hove jaerlicx gaende
ut supra
Dane, Duffle. Katheline vander helft weduwe van wylen
Henricken Raes, met eenen momboir, heeft opgedragen ende overgegeven
opt Hof
tot behoef van eender erffeliker missen, de welke sy wilt ende
voir haven lesten ende vutersten wille, ordineert ende begheert
dat de gesworene ende de goede mannen onderen vanden Dorpe
van Battele, die altyt by tyden wesen zelen ende nyemant andere
behoirende, zelen doen doen ende celebreren inder kerken vanden
van nu voertaen alle weken ten eeuwigen dagen, tot alsulke
dage inde weke als hen dat duncken sal vast dienende, ende
voirscreven Dorpe van Battele, ter eenen vanden Heyligen Cruce van
malen, dat daer vast, Ende oic voir de zalicheyt van haer
zielen ende vanden zielen van haven onderen, in alsulken de nooten