Blader door transcripties » Stadsarchief Mechelen

archieftoegang 2, inventarisnummer 937, pagina 47

A Domino Mechlinienis, besittene, Op eenen jairliken ende erffeliken
chys van Seven gouden Peters vander maten etcetera
goede etcetera, te wetene sessendertich groten Vlaems gelts
voir elken der selve Peters gerekent, Ende die te
betalen altyt tot twee trien, Te weten deen helft
daeraf tot Kersmisse ende dander helft tot Sinte Jansmisse
daeraf den yersten termyn van betalinge syn sal tot
Kersmisse naestcomende, Ende opten voirchys, van
viventzeventich oude groten Turnoyse vander munten etcetera
ende vier gouden gulden, daer jaerlicx voer erffelic
ende van thien gouden Peters vanden voirscreven pryse dairaf
de vive staen ten live van Gregoris Borreman, wylen
Peters Borremans soon ende dander viere, ten live van
Margrieten Borremans, desselfs Gregoris zuster vuten
voirscreven huyse metten plaetsen jaerlicx gaende, met alsulke
condicien, dat de voirgenoemde Gielis Rootman ende syn wyf
zelen moegen lossen ende quyten, de voirgenoemde Seven gouden
Peters des voirscreven chys, altyt als hen dat gelieven sal
tot twee malen ende met andere ende elken van dien
Petere, met zestien gelyker Peter met vollen chyse
supra tempore simile
XXVIIa may tempore simile
^
Andreas Adelien
es et uxor
ende
binne staen
Hamme, Duffle
Item de voirgenoemde Gielis Rootman ende Margriete syn wyf
hebben gelooft ende elc van hen besunder ende voir al
voir hen hair hoir ende nacomelingen dat sy van nu
voertaen gelden ende jaerlicx betalen zelen, alsulke
thien gouden Petere vander maten zegoede etcetera de
wetene XXXVI groten Vlaems gelts voir elken van dien
gerekent jaerliker lyfrenten, dair af de viere Peters
staen ten live van Gregoris Borreman, wylen Peters
Borremans soon ende dander ve Peters dairaf, ten
live van Magrieten Borremans desselfs Gregoris zuster
tot alsulken terminen, als die jaerlycx na vutwysen
der brieve dair op gemaect vallen ende verschinen
als de voirgenoemde Gregoris ende Margriete Borremans
ende Coelberch geheeten
tot haeren liven, hebben, Op tvoergenoemde huys ^ metten
plaetsen, den voirscreven Gielis ende Magrieten me wive
de
toehoerende, gelegen, Ende dair dat deselve Gielis
ende syn wyf der voirgenoemde jouffrou Lysbetten sMoor
ende Andriesen Hanen, Ende oic man ende oic haer
haeffelike
boven gescreven
alle haere erffelike goeden, bynnen van heyt
vander stad van Mechelen wesende ende gelegen ende
oic van allen costen ende lasten, die den selve Andries
vander betalinge der voirgenoemde lyfpensien ende
altyt scadeloos quyt te houden ende tontlastene
hove nacomen
ende jouffrou Lysbette daeraff soude moegen comen
sonder eenich wederseggen, Om welke gelooften
alsoe onderhoudene ende om der meerder zekerheyt
alle der voirscreven Andriesen jouffrou Lysbetten synder
huysvrouwe daeraf te doene, hebben de voirscreven Gielis ende
Margriete syn wyf daervoir der selver jouffrou
Lysbetten, tot haere ende desselfs haere mans behoef
voir verbonden ende te pande geset haer voirscreven
huys metter plaetse den Caelberch geheeten, Ende daer
toe alle dandere haere haeffelike ende erffelike goeden
metten gronde etcetera die sy nu ter tyt hebben ende namaels
hebben ende vercrigen zelen, bynnen etcetera wesende ende gelegen

ende oic op alle
Barbele
de erffelike goeden
metten gronde etcetera
den voirscrevende
Adelien ende jouffrou
Lysbetten syne wive
toebehoerende
binnen der Verheyt
vander stad van
Mechelen gelegen
XXVIa may tempore simile
Else Vrancx es
de Valkene
Winkele, Hamme, Philips de Wintere, tot behoef van
Lysbetten Vrancx ende van Jan de Valkenere, heeft verreyct
de erffelike goeden metten gronde, die wylen Jans
scoteleren kynderen toe plagen te hoiren, hier na bescreven
ierst Een huys metter plaetsen, gelegen inde Nieustrate
tusschen Gheerde de Wachter erve aen deen zyde ende Anthonis
vander manden erve aen dander zyde. Item een huyse
geheeten Lymborch, gelegen opten hoeck vander voirscreven
Naustraten, tusschen de selve strate aen deen zyde ende
thuys den Creeft geheeten, toehoirende Meester Jan vanden
Broeke corugge aen dander zyde, een huys metten
hove gelegen tot Neckerspoele opten hoeck vander Scheffoortstrate
tusschen wylen Gielis vander Lynde diemen heet Mustere
erve, aen beyde zyden, Ende een huys metten hove, gelegen
inde Scipstrate, tusschen Ymbrecht de Roeve erve aen
deen zyde ende wylen Willem Scholiers erve aen dander
zyde. Ex vitali pensien quade et Johannes Valkene, et
Ex cepste. A bout hebben doot
IIIa juny tempore simile
Yngelbert
Musschen
Wynkele, Hamme, Yngelbrecht vanden Broeke, diemen
heet Musch, heeft verreyct
hic hen loven tot hooten vieren misse de
Battele, van XXXII may positum
ut supra tempore simile