Transkripte durchsuchen » Stadtarchiv Mechelen

Archivzugang 2, Inventarnummer 937, Blatt 41

Johanne vander Hayct
et Johannes vander Beke
Hamme, Duffle. Maer vander Hayct, wylen Gabriels vander
Hayct dochter met Jan Marten halven man, Ende oic Jan
ende Gabriel Steven Jans, wylen Stevens Jans ende wylen Lysbetten
vander Hayct syns wyf ende der voirscreven Marien suster, deen
sy leefde, wettige kynderen seggende ende oic de kennen
gevende, hoe dat sy alle de goeden, hen gebleven ende verstorven
byder doot vanden voirscreven wylen Gabriel vander Hayct
mynliken, met haren brueder ende zuster soon, hierna bescreven
gedeylt ende gescheyden hebben ende dat den selven haer beve
ende zuster soon, voir haer deel toecomen ende toegescheyden
gescreven
syn de erfgoeden, hier naer volgende, Ende om dat sy
vier goeden paysselic ende vredelic sonder stoot, souden
moegen gebruyken voir hen haer hoir ende nacomelingen
hebben de voirscreven man, met haven voirscreven man ende oic
de voirscreven Jan ende Gabe jare, daerom by bywesen ende
volcomen consente van Magrieten princen, weduen deen
voirscreven wylen Gabriele, opgedragen ende overgegeven, tot
behoef van Janne vander Hayct, oic desselfs wylen
Gabriele soon ende van Janne vander Beke, als wettich soon
van Claes vander Beke ende van wylen Goedelen vander
Hayct syns wyf, die deselfs Janne vander Hayct vast
alle trecht deel dat hy hadde
was doen sy leefde, ierst Een huys metten hove
gronde houdende omtrent drie buenderen, gelegen tot Hevere
byde Byest, tusschen Willem Tymmermans erve aen deen zyde
ende Katheline van Calsterbroec erve aen dander zyde
Item een stuc lants, houdende omtrent een buender, gelegen
aldaer, opte Baerle, tusschen Wouter Bogaerts erve aen
deen zyde ende der Zielmisse erve van Hevere, aen dander zyde
in
Item een stuck eeussele, houdende omtrent een vierendeel
gelegen aldaer int Loebroeck aende Vekenstrate tusschen
de selve strate aen deen zyde ende Peter Godevaerts aen dander
erve
zyden. Item een stuck bosch, houdende om omtrent twee
buenderen, gelegen aldaer, opte Lange heyde, tusschen Jan
van Houthem erve aen deen zyde ende Anthonis van Heffene
erve aen dander zyde. Item aen een gedeelte
van
op eenen stuck bosch, ende geheeten de Ketele heydde oft
den Block gelegen aldaer, tusschen der voirscreven Anthonis
van Heffene erve aen deen zyde ende des goidshuyse van
Bethanien erve, aen dander zyde ende Item een stuc
in
bosch houdende omtrent, een vierendeel, gelegen aldaer, tusschen
der voirscreven Anthonis erve aen deen zyde ende Jan Molleene
aen dander zyde, Ende in een stuck lants houdende omtrent
een halff buender, gelegen aldaer opte Brande, tusschen
Jan vander Hayct erve, aen deen zyde ende Reyners de
Heelt erve aen dander zyde. A Domino Mechliniensi, Waranderende. Opten chys ende
commer dair jaerlicx vutgaende
XXII aprilis tempore simile
Johannes vander
Hayct
Hamme, Duffle. De voirgenoemde maer, metten voirscreven Jan Martens haere
man, Ende oic de voirscreven Jan ende Gabriel Jan ende de voirscreven Jan
vander Beke, hebben gewilt ende openbairlic voir ons geconsenteert
dat de voirscreven inder deylingen ende scheydingen, die na de doot
vander voirscreven Margrieten, den wedue geschieden sal van
ende erffelike
allen den haeffelike oic erffelike goeden, na dessel haer doot
van ende
bliven, de voirscreven Jan vander Hayct, vut allen den selven goeden
voir vut hebben ende aenveerden sal, elf gouden Peters vander
munten etcetera goede etcetera, Te wetene XXXVI groten Vlaems gelts
voir elken van dien gerekent, eenen ende dat hy niet te min
int Supplie oft overlyffel van allen den selve goeden
eenegelyc
voirt ende gelyc hen deylen sal, sonder eenich wederseggen
XXIIIIa aprilis
fabrica Rumoldo
Hamme, Duffle. Barthelmeeus Trabuker als ontfangen
ende inde name van onsen genadigen heer, den hertoge van
borgen van Brabbe t voir deen helft, Ende Anthonis
Boom ende Jan Delssene, als rentmeester ende inde name vanden
stad van Mechelen, voir dander helft, hebben Terve gegeven
Gielis Vrancx tot behoef vander fabrike van Sinte Rommonts
Beckere, Eenen aenwoir zele metten gronde etcetera gelegen
tot Battele, tegen tHoot van Battele, over, tusschen de
gasthuys vander Heyligen Drievuldicheyt erve, aen deen zyde
der jouffrou van Bynnen erve aen dander zyde ende de Dele
aende derde zyde. A Domino Mechliniensi. Te besittene op eenen erffeliken chys
van twee Turnoysen, Ende die te betalen altyt tot Kersmisse
ut supra
Item Katheline Waelpoyt by bywesen ende volcomen consente
van Peteren Waelpoyt haren vader ende van Aerde van Dyest
commoingmeesters van deser stad, heeft vercocht, Eenen gouden
Peter vander munte van vier gouden Peters vander muntene
goede etcetera. Te wetene XXXVI groten Vlaems gelts voir elken van dien
gerekent erffelic renten, die sy heeft, Op een huys metten
gronde etcetera toehoerende Aerde van Eynden, gelegen inde Scipstrate
byden stroostegen aldaer, tusschen den selven Stegen aen deen zyde
ende Jan Quadevers erve aen dander zyde. A Domino Mechliniensi, Waranderende.
ut supra tempore simile