Blader door transcripties » Stadsarchief Mechelen

archieftoegang 2, inventarisnummer 937, pagina 40

Mathias de Bove
Winckele, Hamme, Margriete Ses wedue van wylen Henrick Bellens
met haeren momboir, heeft opgedragen haer tocht, die sy hadde
int derdedeel van eenen huyse metten hove oft plaetsen
ende oic metten gronde etcetera, comende achterweerts met eender
waerderen, tot opten vlyet aldaer, gelegen achter mach
dat wylen Willem Troe der voirscreven Margrieten vader toe
plach te hoiren, gelegen achter Mathys van Boen hof van
synen huyse, dat opte dekene, gelegen is, byder infermarien
vanden aen beghinen, buyten den beghynhove van Mechelen
welck vercochte huys metten voirscreven hove oft plaetsen
de oic gelegen aldaer, tusschen tkerchof van Sinte Kathelinen
aen deen zyde ende der voirscreven Mathys erve aen dander zyde
ende den selven hof oft plaetse, tusschen desselfs Mathys erve
aen deen zyde ende eenen ganck oft Steenwech met eender
poirten, tot gaende tot opt voirscreven kerchof, dat dien oic
den voirscreven wylen Willem Croes toehoirde ende die nu een
kynderen toebehoirt aen dander zyde. A Domino Mechliniensi, Waranderende etcetera, tot
behoef van Rommond Bellene, des voirscreven wylen Henricx Bellens
soon ende der voirscreven Magrieten soon, dier yerst inne gegoet
Ende dair na hebben de selve Rommond voir op tvoirscreven derdedeel
Ende Barble Croes, oic des voirscreven wylen Willems dochter
voir dander derdedeel
met Aerd Mathys haeren man, ende Katheline de Moinck
Anthonis de Moinck ende wylen Kathelinen Croes syns wyf
dochter, die der voirscreven Margriete ende Barblen Croes zuster
was doen sy leefde, met heere Jan vander Hulst haeren man
voir tderdedeel derdedeel, hen vercocht, den voirgenoemde Mathys
van Boonen, tvoirgenoemde geheel huys, metten hove oft plaetsen
gronde etcetera achter desselfs wylen Mathys hoff van synen
voirscreven huyse opte dekenye, gelegen, tusschen de voirscreven
Temtgenoeten, Waranderende etcetera opte weerde van drie groten
Brabants gelts dair jaerlicx vutgaende
Assignavit XXVII Rinsgulden
XIII aprilis
executores
quondam Peters
vanden loepe et
et uxor
Duffle, Zoeten. Laureys Roelands, heeft geapprobeert geconfirmeert
vuten vryen wille
ende van weerden gehouden, alsulken testament ende vutersten
wille, als wylen Peter vanden Loepe ende Lysbeth Roelants
wylen
syn wyf ende des voirscreven Laureys zuster, doen sy leefde tanderen
tyden, Te wetene opten neghentienden dach van Septembry
int jair ons heeren dusent vierhonder tzeventich lestleden
voire Willem vanden Wyele priester, als notaris ende voir
de getuygen inden voirscreven testamente begrepen, gemaect ende
geordineert hebben, Ende oic alsulken condicille, als de voirscreven
wylen Peter ende wylen Lysbeth syn wyf daer naer, Te wetene
opten twaelfsten dach van Augusto, nu last overleden, oic
voir den voirscreven notaris ende voir de getuygen inde selve condicille
begrepen oic gemaect ende ende geordineert hebben, Ende heeft
Anno XIIII XXIII denaert die mense Aprilis
fuit Pascha
daer toe deselve Laureys Roelands gelooft voir hem
syn hoir ende nacomelingen, te houden, tvoergenoemde testament
ende vutersten wille ende de voirscreven condicille ende oic alle
pointen ende acticulen daer inne bescreven ende begrepen voir
goet vast, onverbrekelic ende van weerden, ten eeuwigen
daghe ende daer tegen nemmermeer te doen, te alleggen oft
te seggen, geheel, oft oic te doen doen inghe, noch
oic den Janne Rabboots ende Rommonden de Grote als executeurs
vanden voirgenoemde testamente oft haeren nacomelingen
nemmermeer daer om voir geestelike oft weerlike
gerichten quellen oft moegen in gheender manieren
Quytscildende mede de voirscreven Laureys, den selven
executeur ende allen anderen dien dat aengaen mach
de vry ende ledich van allen den somme van penningen
eene sculden, die hy de voirscreven wylen Peteren ende wylen
Lysbetten Roelants, in eeniger vuegen, soude moegen
heysschen, geheelic ende al, Om welke gelooften alsoe
tonderhouden ende om der meerder zekerheyt, den voirscreven
executeurs daeraf te doene heeft de voirscreven Laureys, de
selve executeur, daervoir verbonden ende te pande geset
alle sine haeffelike goeden waer die bevonden zelen worden
die hy nu heeft ende namaels hebben ende vercrigen sal
XIIIa aprilis tempore simile
Johannes Ghoeten
Hamme, Expoele, maen Gommaers wylen Henricx Gommaers dochter
met Jacop de Beckere haren man, heeft vercocht Janne
Ghoeten, onsen medescepen, Eenen hof metten gronde etcetera
die wylen Jan de Hertoge, toe plach te hoiren, gelegen tot
Neckerspoele in Sinte Peters prochie opte Hergracht tusschen
lande
desselfs Jan Ghoetens ander erve, aen twee zyde ende Janne
van Hevere erve aende derde zyde, streckende, tot opte totten
voirscreven heergracht, A Domino Mechliniensi, Waranderende. Opte weerde van neghen grooten
Brabants gelts dair jaerlicx vutgaende
ut supra
de Gregorinne
de Rumpst pre
Wynkele, Duffle. Jan van Rumpst ende Lysbeth Romas Reysevaelden
hadden inde name van hen selven ende oic inde name van Rommond
syn wyf, die inde lyfpensie hier na bescreven hair heffen ende disposicie
ende Magdaleenen van Rumpst haven kynderen, infra, des
in hen vervingen, hebben opgedragen ende overgegeven tot behoef van
heer Gregoris van Rumpst priester, de voirscreven Jans brueder, vier
gouden Rynsgulden goede etcetera te wetene veertich groten Vlaems
gelts voir elken van dien gerekent jaerlike lyfpensien, die de
voirscreven Rommond ende Magdaleene tot have ende tot de langhstlevende
live van hen beyden hadden, op alle de erffelike goeden metten
gronde etcetera die den voirscreven Janne van Rumpst toe plagen te hoiren
ende die hem byder doot van synen ouden ende van wylen Jacoppe
van Rumpst synen brueder, verstorven ware ende die nu tertyt deen
voirscreven heer Geere toebehoiren, bynnen etcetera gelegen. A Domino Mechliniensi, Waranderende voertaen
hebben de voirscreven Jan ende Lysbeth syn wyf, Quytgesconden de voerscreven heer
gegonne van alle de haeffelike goeden die hen de selve Janne
by synden voirscreven onderen doot in eenige manieren verschenen mogen syn
XXIIIIa aprilis