Blader door transcripties » Stadsarchief Mechelen

archieftoegang 2, inventarisnummer 937, pagina 38

Johanne de
Eyghen
Schoof, Welle, Cornelis van Boxhem, heeft vercocht Jan van Eyghen
Een huys metten hove gronde etcetera dat Jan Ruelens toe plach
te hoeren, gelegen inden Ouden Bruel tusschen Wouter
Robbyns erve aen deen zyde ende wylen Jan van Barblegen
erve aen deen zyde. A Domino Mechliniensi, Waranderende. Op drie chysgulden
neghenendertich scellinge paymente, Sesse grote Brabants
ende twee gouden Rynsgulden goede, te wetene veertich
goet tote Vlaems gelts voir elken van dien gerekent
daer jaerlicx vutgaende
VIIa aprilis tempore simile
Cornelis de
Boxhem
Item de voirgenoemde Jan van Eyghen, debet den voirscreven Cornelie
van Boxhem, tzestich gouden Petere vander munten etcetera goede
Te wetene XXXVI groten Vlaems gelts voir elken van dien
gerekent, Te betalene, ten termyne ende inder manieren hier
na volgende, Ende in betalingen van dier scult heeft
des voerscreven Cornelis
de voirscreven Jan van Eygen, overgegeven ende bewesen, alsulke
twee pond vier scellinge, thien penninge groote ende acht
myten Brabants gelts erffelick Renten, als Margriete Belyanen
synen wive, te deele gevallen syn ende in haer jaerlicx heeft
opte stad van Mechelen vallende jaerlicx, totten termyne
inde brieve dair op gemaect begrepen, willende ende
consenterende de voirgenoemde Jan van Eygen, dat de voirscreven
Cornelie van Boxhem, de voirgenoemde erffelike rente jaerlicx
van nu voertaen
hebben van worden, hebben ende heffen sal, tot die
tyt toe, dat hy mede den heffene van dier, geheelic
ende al vander voirscreven scult, betaelt sal wesen van welken
Heffene, den yersten termyn ingaen ende beghinen sal, tot
van meye naestcomende, bynnen eenen jaere dair nae volgende
Ende om der meerder zekerheyt den voirscreven Cornelis vander
betalingen der voirscreven scult te doene, heeft de voirscreven Jan van
Eyghen, den selven Cornelis daervoir verbonden ende te pande
geset syn voirscreven huys metten hove inde voirscreven Onde bevel
gelegen opten voirscreven chys daer jaerlicx voir vutgaende ende tot
sesse heeft van Delssene rentmeester ende tot behoef
vander voirscreven stad behoudelic der selve daer in haven rechte
synsent gegeven
ut supra
ville
Dale, Schooff, voer wagen, diemen heet de Zaghere
Ende Cristine van Rommenen syn wyf, hebben vercocht
Lodewyck van Heyst, Anthonis Boom ende Jan Delssenere
alle rentmeester ende tot behoef vander stad van Mechelen
twee twee pond ouder groote Turnoyse vander me etcetera
jaerlike lyfpensien, die sy tot haren liven, hadden, opte
selve stadt, Ende die jaerlicx, totten termyne, inde twee
brieven, daerop gemaect begrepen vallen ende verschinen
Ac Renunciavit et promisit, Waranderende. ut in forma
t supra tempore simile
et uxor
Peter Nouts
Dale, Duffle. Henrick Boom, heeft Terve gegeven Peteren Nouts
Jan Nouts soon ende Barblen Smeets synen wive, Een huys metten
Rode
hove plaetsen gronden allen anderen sinen toebehoirten, dat den
voirscreven Janne synen vader toe plach te hoiren ende gelyc hy dat te
buyten
besitten plach, gelegen den Wykete, opte Dele tusschen Machiele
van Muysene erve aen deen zyde ende des Heeren strate aen dander
zyde, aen dwelc de voirscreven Henrick tanderen tyden voir achtstelligen
chys, van twaelf chysgulden die hy daer op hadde, wettelic
vutgewonnen ende verreyct heeft. A Domino Mechliniensi. Te besittene op eenen
jaerliken ende erffeliken chys van acht gelike chysguldene
Ende die te betalen altyt tot Kersmisse, Ende op alle den chys
die jaerlicx vuten voirscreven huyse met synen voirscreven toebehoirten
voir des voirscreven Henricx yersten chys van twaelff chysgulden
jaerlicx, die met desen te nieuwte ende gesolgen sal syn
ende bliven, jaerlicx voir vutgaet, Om welken chys van
acht chysgulden, alsoe den voirscreven Henricken, ten voirscreven termine
te betalene ende om der meerder zekerheyt wille, den selven
Henricke daeraf te doene, heeft, van Smet, der voirscreven Barblen
vader, die daerom oic voir ons gecomen waer, den selven Henricken
daervoir verbonden ende tonderpande geset, Syn huys metten hove
gronde etcetera, houdende omtrent een half vierendeel, gelegen tot
Gheerdegen opten sch, tusschen Jans van Duffle erve
aen deen zyde ende anderdeel van Achele erve diemen heet vanden
straten, aen dander zyde, op eenen chysgulden ende vyff scellinge
Loevene, dair jaerlicx voir vutgaende, met alsulker condicien
dat de voerscreven Peter ende syn wyf zelen moegen lossen ende quyten
altyt als hen dat gelieven sal, de voirscreven acht chysgulden des
voirscreven chys, tot twee male ende andere niet ende elken gulden
dairaff met sestien gelike gulden ende met vollen chyse
Ende vanden voirscreven verbande des voirscreven onderpante, hebben
de voirscreven Peter ende syn wyf, den voirscreven Jans niet, gelooft altyt
scadeloos quyt te houden ende tontlasten
VIIIa aprilis ende dat
al
^
et Johanne
Damman
Hamme, Duffle. Cornelis van Berthem, heeft opgedragen, tot
behoef van brueder Jan Damman priester Religieux vanden goidshuyse
vanden Augustinen, tvierendeel ende alle trecht dat hy hadde in
drie chysgulden erffelicx chys, op een huys metten gronde etcetera
dat wylen Peteren van Rykenrode, toe plach te hoiren, gelegen
achter tvleeschuys van Mechelen, opten hoeck vander tweede
Vleeschouwersstrate, tusschen de selve strate aen deen zyde
ende Peters Rivere erve aen dander zyde. A Domino Mechliniensi, Waranderende etcetera.
Xa aprilis tempore simile
Hane, Expoele. Jan de Cleertbaghere, wylen Daneelssone, heeft
opgedragen syn tocht, die hy hadde inde helft van vier gouden Peter
vander muer goedere, te wetene sessendertich groten Vlaems gelts
voir elken van dien gerekent jaerlicx ende erffelicx chys, opte helft
van eenen huyse metter dLam geheeten, metter plaetsen gronde etcetera
toehoirende, Wouteren vander Varent gelegen opte Marct van Mechelen
tusschen dander helft vanden selven huyse geheeten dam toebehoirende