Blader door transcripties » Stadsarchief Mechelen

archieftoegang 2, inventarisnummer 937, pagina 37

Te wetene de drie pond grote dairaf opten yersten dach
van meye naestcomende. Item de drie pond goet dairaf tot
Sinte Jansmisse Baptisten dair na volgende, Ende de vier
pond grote dairaf tot Sinte Martensmisse alsdan dair naer
ter stont vervolgende, oft bynnen vyftien daigen tyt na
elken van dien drie termynen, Ende dat oic aen dander
zyde, de voirscreven Jan Fransman, hebben houden ende aenveerden sal
alle de goeden in Vlaenden gelegen, sonder dat de voirscreven
wedue oft executeur, daer aen eenich recht hebben selen
oic op alsulken condicie, dat hy alle de sculden ende lasten
die de voirscreven wylen Cristoffel aldaer sculdich ende tachter was
tot synen overlyden, gulden ende betalen sal, alsoe verre
die voir scepenen van Mechelen ende naer coustume deen
sterfhuyse alhier, moegen blyken ende passeren. Item dat
deselve Jan Frayman, tot synen laste ende coste gelden ende betalen
sal, der weduen, der weduen van wylen Wouteren van
Barbeke, al tgene dat hair de voirscreven wylen Cristoffel
syn vader in synen testamente gemaect ende gelaten heeft
Behoudelic oic dien, oft gebuerde dat de voirscreven goeden
in Vlaenden gelegen beter bevonden worden, dan de
sculden legaten ende lasten, die hy van syne voirscreven vadere
weghen gulden ende betalen moet dat hy oic in dien gevalle
die beteringe ende tSuple dairaf geven ende distribueren
sal deen aemen, om de myne goeden sonder eenich wederseggen
Ende hebben daer toe de voirgenoemde Jan Fransman, Ende oic de
voirscreven wedue ende executeurs ende elc van hen besunder ende
soe verre hem dat aengaet, gelooft, de voirgenoemde quitancie ende
oic de voirgenoemde mynlike vereeninge verlykinge ende Coucort
te houden vast gestentich ende van weerden, ten eeuwigen
daghen ende daer tegen nemmermeer de te doen te seggen
oft te comen in gheender manieren alle argelist vutgescheyden
Om welke gelooften alsoe tonderhoudene ende om der meerder
zekerheyt malcanderen dairaf te doene, hebben de voirscreven
Jan Fransman, Ende oic de voirscreven wedue ende executeur, dair
voir in titule van gewarigen pande verbonden, hem
selven ende oic alle haere haeffelike ende beruerlike goeden
waer die bevonden zelen worden, die sy nu hebben
ende namaels hebben ende vercrigen zelen, in kennissen etcetera
III aprilis tempore simile
Johannes
Wynkele, Expoele. Rommond Muyl, heeft vercocht Janne Muyl, synen
brueder, twaelff scellinge grote Brabants gelts jaerliker lyfpensien
die hy syn leven lange geduerende hadde ende die hem inder scheydingen
ende deylingen vanden goeden, hembeyden, byder doot van wylen Claes
Muyl haven vader ende van wylen Wouteren Muyl, haven oem
gebleven ende verstorven sy onder andere goeden negende, gevallen
ende toegedeylt syn, Op een huys metter plaetsen ende met eenen
anderen huyse daer nevenstaende ende oic metten gronde, de voirscreven Jan
Muyl, toehoirende, geheeten den Roscam inde Scipstrate gelegen
tusschen Rommond Quaeyvoere erve, des jongen aen deen zyde ende
Antwerpen
een plaetse, de goidshuyse van Sinte Machiels toehoirende, aen dander
zyde, Ende op desselfs Janne, Twee stucken lants metten gronde etcetera
dairaf deen geheeten is den Wolfbempt ende dander calverblocx
gelegen deen neven dander op Zellaer, tusschen der heeren van Zellaer
erve aen deen zyde ende Wouters sBruynen erve aen dander zyde
A Domino Mechieni, Waranderende etcetera.
Va aprilis tempore simile
Johanne et
toe
Andries
Jan van de Byn diemen heet Fierens
Ghoeten, Expoele. Henrick de Byn diemen heet Fierens heeft vercocht
Jan Andries voir wylen Jan Andries soon ende Jan Andrie
wylen Henrick Andries soon tot haeren live ende tot des langhstlevende
live van hen beyden, twee gouden Peters vander munten etcetera goeden
Te wetene XXXVI groten Vlaems gelts voir elken van dien gerekent
jaerlike lyfpensien Te heffene altyt tot Kersmisse daeraf den yersten
termyn van betalingen syn sal tot Kersmisse naestcomende, Op ende aen
de voirscreven Henricx huys metten hove gronde, gelegen byde Coepoirte
opten hoeck vanden Stompaerts hoeck, tusschen Henricx vander
wylen
Moelen erve aen deen zyde ende Augustyn de Wytte erve aen
dat dat nu synder weduen ende kynderen toebehoirt aen dander
zijde. A Domino Mechliniensi, Waranderende. Opte weerde van vyf vier scellingen seven
penningen groten Brabants gelts daer jaerlicx voir vutgaende
Cale den van Recien, Ende
om der meerder zekerheyt den voirscreven Janne ende Janne Andries
van tgene vander betalinge der voirscreven lyfpensien te doene
heeft de voirscreven Henrick daervoir, de selve verbonden alle sine
haeffelike goeden, waer die bevonden zelen worden, die hy
nu heeft ende namaels hebben ende vercrigen sal ende al onden
penningen Johanne Andries, filio quondam Johannes levabit et inde disponet
VIa aprilis