Blader door transcripties » Stadsarchief Mechelen

archieftoegang 2, inventarisnummer 937, pagina 25

betalen, Twee pond grote Barbaerts gelts
Soe heeft de voirgenoemde Margriete van Campenhout
metten voirscreven Adriaen haeren man, gelooft voir haer
hair hoir ende nacomelingen, Te geven ende te betalen van
ende vut haeren gedeelte, der voirscreven goeden, der voirscreven
Lysbetten van Campenhout haerer zuster ende oic
haeren hoir ende nacomelingen alle jare ten eeuwigen
daigen, altyt tot Kersmisse, dairaff den yersten termyn
van betalingen syn sal, tot Kersmisse naestcomende
Twee ponde grote Brabants gelts jaerlicx ende erffelicx
chys, de welke de voirscreven Margriete ende haren
nacomelingen, zelen moegen lossen ende quyten, altyt
als hen dat gelieven sal, tot eenen male ende elken
penning daeraf met seventhien geliker penningen
ende met vollen chyse. Behoudelic dien datmen de metten
penningen van dier quitingen comende, sculdich
sal syn, te belegen aen gelike erfrenten, die weder
te coepen, op goede vaste ende zekere erffelike panden
gelyke erfrenten, die vander selver condicien syn
ende wesen zelen, dat de voirscreven twee pond groten
erffelic syn, Ende dat insgelycx de voirgenoemde Lysbeth
van Campenhout, metten voirscreven Janne de Wyntere
haren man, voir haer deel paert ende porcie der voirgenoemde
goeden, hebben houden besitten ende gebruyken sal, Een
stuc lants metten vorlen ende allen anderen synen
toebehoirten, houdende twee buenderen, op Nyenenvelt
jairlic
onder deeden van Duffle, gelegen, opten last ende
commer dier sculdich es vut te gaen, Ende daer toe
te de voirgenoemde twee pond grote Brabants gelts erffelicx
chys, die deselve Lysbeth ende oic haer hoir ende
nacomelingen, jaerlycx ende eeuwelic ten voirgenoemde termyne
van ende vut der voirgenoemde Margrieten van Campenhout
haerer zuster deele voirscreven hebben ende heffen sal
alle, Opte voirscreven condicien, twee argelist vutgesceyden
welke scheydinge ende deylinge der voirgenoemde goeden, hebben
de voirgenoemde Margriete van Apenhout ende Lysbeth van
Campenhout gesusteren, met haeren voirgenoemde mannen ende
momboiren, gelooft ende elc van hen besunder, te houden
vast gestentich onverbrekelic ende van weerden, ten
eeuweliken dagen ende daer tegen nemmermeer te
doen te seggen, te comen, oft te allegeren, by hen
Leemant
selven, noch by niemande andere, noch oic malcanderen
dair om de moegen, noch quellen voir gheene
gheestelike min oft weerlike gerichten, in gheender
manieren, Alle argelist vutgescheyden
XXVIIIa february
Johannes vanden
Byest
Dale, Warbele. De voirgenoemde Margriete van Campenhout
metten voirgenoemde Adriaen Persoens haren man, Ende oic Lysbeth
van Campenhout haer zuster, metten voirscreven Jan de Wyntere
oic haeren man, hebben opgedragen ende overgegeven, tot
behoef vanden voirgenoemde Janne vander Byest wylen Jacop
vander Byest soon, alle haer recht ende deel, dwelc hy
hadden ende hen byder doot vanden voirscreven wylen Henricken
van Campenhout ende van wylen Lysbetten vander Berct
synen wive haeren onderen verstorven syn in een huys metten
he gronde etcetera inde over de Grootbrugge inde Steenstrate
gelegen, tusschen Steven Obbrechts erve aen deen zyde ende
Joes van Voesdonck erve aen dander zyde. A Domino Mechliniensi, Waranderende. Opten
ende last
Mich
last commer daer jaerlicx vutgaende, Rommond Boom
ende Rommond vander Berct, als momboiren ende tot behoef
vanden voirscreven Janne vander Byest, waren daerinne gegoet
XXI february tempore simile
Item de voirgenoemde momboiren inden name vanden voirscreven Janne vanden
Byest, onder me jaeren wesende, die sy in hen vervingen hebben, by
bywesene wetene wille ende volcomen consente van
vercocht Adriaen Persoone
ende Margrieten van Campenhout synen wive, acht Seven
scellinge grote Brabants gelts van Sesse gouden Peters vanden
munten etcetera gronde etcetera te wetene XXXVI groten Vlaems gelts voir
elken der selver Peters gerekent erffelicx chys, die de voirscreven
tvierendeel van
Jan vander Byest heeft, Op zeker erffelike goeden, metten
gronde etcetera, die de voirscreven momboir van desselfs Janne vander
Byest wegen ende in sinen name, tanderen tyden, te wetene opten
dach van Augusto lestleden, den voirgenoemde Adriaen
ende sinen wive Terve gegeven hebben opten voirscreven erffeliken
chys van Sesse gouden Peters voirscreven gelyc dat clairliken
byder scepenen brief dair op gemaect byde. A Domino Mechliniensi, Waranderende etcetera.
Johannes
Beckere
Wynkele, Duffle. Joes Vrancx heeft Terve gegeven, by bywesene
ende volcomen wetene wille ende volcomen consente van Margrieten
Vrancx synder dochter Terve gegeven Janne de Beckere, wylen
Vrouwen de Beckere soon, Een huys metter plaetsen, gronde dat
wylen Gielis van Expoele toe plach te hoiren, gelegen inden Vettersham
inde Corttewemingstrate tusschen Henricx van Guylke erve aen deen
zyde ende wylen Jacop Caluwaerts erve dat nu Rommonden
Caluwaerts synen soon toebehoirt aen dander zyde, twelf staeck ende
achterweerts totter Mylanen toe. A Willem Schoef, Te besitten
op eenen jaerlike ende erffeliken chys van thien chysgulden ende
eenen halven, Ende die te betalen altyt tot twee terminen
Te wetene deen helft dairaf tot Kersmisse ende dander helft