Blader door transcripties » Stadsarchief Mechelen

archieftoegang 2, inventarisnummer 937, pagina 24

eeniger
Lysbetten vander Berct haeren onderen in eeniger
manieren, gebleven ende verstorven syn ende die sy oic
tegen de momboiren ende inden name van Janne vanden
Welke wylen Jacop oic
Byest wylen Jacops vander Byest soon, de wettich soon
oic was doen hy leefde, vanden voirscreven wylen Lysbetten
vander Berct van haeren yersten bedde, op zekeren
erffeliken chys, terve genomen hebben, boven ende buyten
de
der vryheyt vander voirscreven van Mechelen gelegen
mynliken ende vriendeliken gescheyden ende gedeylt hebben
inder vuegen ende manieren, hier na volgende ende bescreven
Alsoe dat by crachte vander selver scheydingen ende
deylingen, de voirgenoemde Margriete van Campenhout metten
voirscreven Adriaen Persoens haeren man voir haer deel part
ende porcie van allen den voirgenoemde goeden, hebben, houden
besitten ende gebruyken sal, ierst Een stuc lants den
s Flogien geheeten, houdende omtrent neghen vierendeel
gelegen buyten der Oeversterpoirten, by Vrybroeck
aende Gemeynstrate, tusschen Jan Rabboots erve aen
deen zyde ende Jans Beyens Flogieken, aen dander zyde
Item een stuck beempt, houdende omtrent anderhalff
buender, gelegen aldaer, tusschen den voirgenoemde yersten logien
aen deen zyde ende tvoirscreven Vrybroeck aen dander zyde
Item Een steynen huys metten hove schueren ende met
eenen stuc lants daer aen gelegen buyten der voirgenoemde
ter een
Oeversterpoirten gels by dancsel aldaer gelegen, tusschen
des gasthuys van Onser Vrouwen erve aen deen zyde ende
Gielis Putteman erve, aen dander zyde. Item een stuck
lants, houdende omtrent seven vierendeel, gelegen buyten
de voirgenoemde poirte op Barbleghemervelt, tusschen desselfs
gasthuys ende Gielis Puttemans erven, aen beyde zyden
Item een stuc lants, houdende omtrent een vierendeel
gelegen aldaer byden Cruyswech, tusschen den wech
gaende tot Barblegheem weert, aen deen zyde ende Jans
de Beckere erve aen dander zyde. Item een stuc lants
houdende omtrent een half vierendeel, gelegen aldaer op
Wynkelgeemervelt, tusschen jouffrou Kathelinen sHeelts erve
aen deen zyde ende wylen Gheerde vander Loe kynderen erve
aen dander zyde. Item een stuc lants houdende een
luttel van van anderhalf vierendeel, gelegen aldaer
op tvoirscreven Barblegemervelt, tusschen des gasthuys vanden
Heyliger Drievuldicheyt by Sinte Kathelinen poirte gelegen
aen deen zyde ende Henricx Goeyheers erve aen dander zyde
Item een stuc lants geheeten thouddeken, houdende omtrent
anderhalf vierendeel, gelegen aldaer opt voirscreven Wynkelgeemvelt
tusschen der weduen van wylen Gielis sHertogen eenen
aen beyde zyden. Item een stuc lange houdende omtrent
een halff buender gelegen aldaer op tvoirscreven Wynkelgeemervelt
tusschen heer Anthonis vander Aa Riddere erve aen deen zyde
ende Rommond tSerghysele erve aen dander zyde. Item een
stuc lants houdende omtrent een vierendeel, gelegen opt
voirscreven Barblegemervelt, tusschen der voirscreven gasthuys van
Onse Vrouwen erve, aen deen zyde ende de voirscreven wylen
Gheerde vander Loe kynderen erve aen dander zyde. Item
een stuck lants, geheeten tsculdeken, houdende omtrent
een vierendeel, gelegen op tvoirscreven Wynkelgeemervelt
tusschen der taflen ene des Heylichs Geests erve erve van
Sinte Janne, aen deen zyde ende de strate aldaer, aen dander
zyde. Item twee stucxken beempts buyten de voirscreven poirte
in Hombekerbroeck gelegen, Te weten, deen dairaf
tusschen Aert Mergaerts erve aen deen zyde ende Jan
Keermans erve aen dander zyde, Ende dander dairaf tusschen
der weduen van Rephem erven, aen beyde zyden. Item
Een huys metten hove, gelegen buyten der voirscreven Oeversterpoirte
inde strate daer men gaet ter Ziekerlieden weert, tusschen
Janne vanden Eynde Smeets erve aen deen zyde ende Rommond
Gherys erve aen dander zyde, Ende een huys metten hove
aldaer oic inde selve strate gelegen, tusschen Machielen
van Cortbeke erve aen deen zyde ende der weduen ende
kynderen erve van wylen Jan Balen erve aen dander zyde
Ende dat insgelycx by crachte vander voirscreven deylingen
eenen scheydingen der voirgenoemde goeden, Ende dat op alle den
last ende commer gaende jaerlicx vut allen den voirscreven
parcheelen van goeden, Ende oic opten last van twintich
scellinge groten Brabants gelts, die de voirscreven Magrieten
van Campenhout, metten voirscreven Adriaen Haren man
hoir ende
ende haere nacomelingen, jaerlicx ende eeuwelic gulden ende
betalen zelen, den voirgenoemde Janne vander Byest ende oic me hoirende
nacomelingen vut zaken vanden voirscreven goeden, tegen syne voirscreven
momboiren terve genomen, gelyc dat inden Scepenbrief
van Mechelen, daerop gemaect, claerlik begrepen staet
Ende dat insgelycx de voirgenoemde Lysbeth van Campenhout
metten voirgenoemde Janne de Wyntere haeren man voir hem
Ende om dat der selver Margrieten van Campenhout
bevonden Peter de boven den commer ende last dair
deel vanden voirscreven goeden bedde van des voirscreven
jaerlicx
vutgaende
Lysbetten van Campenhout haerer zuster deel vanden
selven goeden hier na bescreven soe sal deselve Margriete
sone erfgenamen
wel voirscreven Adriaen Hannen man der selver Lysbetten
ende allinge
haer zuster van een oic haer erfgename ende nacomelingen
voir van deele der selver goede geven ende jaerlicx