Blader door transcripties » Stadsarchief Mechelen

archieftoegang 2, inventarisnummer 937, pagina 172

Hamme, Duffle, Henrick Ghoeten ende Katheline Alaerts syn wyf
tot ende Kathelinen Storms zyns wyf behoeven
debent Wouteren Moens tweentwentich pond acht
scellinge ende zesse penninge groten Vlaems gelts Te betalen
totten terminen hier naer volgende, Te wetene vyf pond groten
dairaf tot Sinte Jacops ende Sinte Cristoffele dage naestcomende
Ende soe voertaen, telken Sinte Jacops ende Sinte Cristoffele
dage alsdan deen na dander ter stont van Janne te
jare vervolgende, tderdedeel vanden Seplis oft
overwyfel vander voirscreven scult, tot dier tyt toe dat
de selve scult geheelic ende al betaelt sal syn, Ende
daer voir hebben sy verbonden ende te pande geset alle
haere haeffelike goeden waer die bevonden zelen
worden, ende haere erffelike goeden bynnen etcetera gelegen
die sy nu hebben ende namaels hebben ende vercrigen
zelen, Ende sunderlinge haerlieder huys den Stuer geheeten
metten plaetsen huysen stalle gronde ende alle anderen sinen
toebehoirten, opten visch werf, gelegen tusschen thuys
den pellaen geheeten, toehoerende Peteren Gheerde, aen
deen zyde ende Kathelinen Paridaens erve aen dander zyde
XIX may
Winckele, Hamme, Rommond, Mathulden, debet Cornelie van
Nyspen vyf pond twee scellinge groten Brabants gelts Te betalen
tot Bamisse naestcomende, Ende daer voir heeft hy verbonden
ende te pande geset alle sine haeffelike goeden waer die
bevonden zelen worde ende oic inne erffelike goeden metten
gronde etcetera binnen etcetera gelegen, die hy nu heeft ende
namaels hebben ende vercregen sal
Va Juny tempore simile
Gorter, Expoele, Boels, Expoele. Henrick van Zwaene ende Willem
van Papenbroeck, debet Henricken vander Heyden
voer veerthien pond thien scellinge grote Brabants
gelts, Te betalen, totten terminen hier na volgende, Te
wetene, deen helft daeraf tot Kersmisse naestcomende
ende dander helft, tot Kersmisse daer man ter stont
heeft hy
vervolgende, Ende daer voir, hebben verbonden ende
soe
te pande geset alle haer haeffelike goeden waer die
bevonden zelen worden, Ende oic van erffelike goeden
A
bynnen etcetera gelegen, die sy nu hebben ende namaels hebben
heeft
ende vercrigen zelen den pat alle
Xa Juny tempore simile
Hamme, Ghoeten, Henrick Blieck de jonghe, debet Cornelie
van Nyspen vyff pond vier scellinge grote Brabants gelts Te
betalene, tot Bamisse naestcomende, Ende daervoir heeft hy verbonden
ende te pande geset alle inne haeffelike goeden waer die
bevonden zelen worden ende oic syne erffelike goeden metten
gronde etcetera die hy nu heeft ende namaels hebben ende vercrigen
sal bynnen etcetera gelegen
XXVIIIa Juny tempore simile
Baerdegen, Expoele. Symoen Huens, heeft voir synen vutersten
wille bekent sculdich wesende, Henricken Huens synen brueder
als een vanden executeurs van des voirscreven Symoens testamente
en vutersten wille, tot behoef vander execucien ende
volbreydingen vanden selven testamente ende vutersten
wille, thien hondert gouden Rynsgulden goede oic oft
Twee hondert ende vyftich pond grote Brabants gelts
Te betalen ter stont naer syn doot, Ende daervoir heeft hy
verbonden ende te pande geset, alle sine haeffelike ende
beruerlike goeden waer ende tot wat plaetsen, die bevonden
zelen worden, die hy nu heeft ende namaels oic hebben
ende vercrigen sal. Behoudelic den selven Symoen daer
inne synder volcomender macht, om dese scult te meerderen
te minderen, ende te nieuwte te doen, alsoe dicke, als hem
dat goetduncke ende gelieven sal
XXV augusti
Vranck de Pape ende Paulyne vander Roost
syn huysvrouwe, debet Gielis de Pape, haven soon
Gestelle, Duffle. Jan Godevaert, debet Ancelmus Roelants
veerthien gouden Rynsgulden goedere, te wetene
veertich groten Vlaems gelts voir elken van dien
gerekent, Te betalen tottene de termyne, hier
naer volgende, Te wetene, de vier Rynsgulden dairaf
tot Paesschen naestcomende, dander vier Rynsgulden daeraf
Kermisse
tot Paesschen daer naer volgende, Ende dander sesse Ryns
gulden daeraf tot Paesschen daer naer oic ter stont vervolgende
Ende daer voir heeft hy verbonden alle sine haeffelike
goeden, waer die bevonden zelen worden, die hy nu heeft
ende namael hebben ende vercrigen sal
XXIII septembris
VI groten
Willemaker
Jan Crabbe, debet Janne Smet, diemen heet
Staefmaker, Sesse gouden Ryns goeden, te wetene veertich
groote Vlaems gelts voir elken van dien gerekent ende vyf
soude, Te betalen tot twee termynen Te wetene deen helft daer
af tot Sinte Martensmisse naestcomende ende dander helft, tot
tot half vasten, daer naer volgende, Ende daervoir heeft hy
verbonden alle sine haeffelike goeden waer die bevonden
zelen worde, die hy nu heeft ende namaels hebben ende vercrigen
sal