Blader door transcripties » Stadsarchief Mechelen

archieftoegang 2, inventarisnummer 937, pagina 173

decimaerta die mense Aprilis Anno
XXIII fuit Pascha
Hamme, Duffle. Anthonis Ruelens ende Katheline van Rykenrode
syn wyf debent Peteren van Waerloes tot sinen behoef, als
voir deen helft ende tot behoef van meester Thomaes
Machiel, Katheline ende Marien soe van Waerloes
synen ve nakinderen voir dander helft, achtien gouden
Rynsgulden goede etcetera te wetene veertich groten Vlaems
ende drie stuyns
gelts voir elken van dien gulden gerekent, Te betalen
totten termynen hier naer volgende, Te weten, de sesse Ryns
gulden daeraf tot men naestcomende, Item de twee
Rynsgulden dairaf tot Bamisse oic naestcomende
Item de vier Rynsgulden dairaf tot Simoen daer
na volgende. Item de vier Rynsgulden daeraf
tot Bamisse dair naer oic volgende, Ende de twee
Rynsgulden dairaf tot ende de drie stuvers
tot Smpen, dair naer ter stont vervolgende
Ende daervoir hebben sy verbonden, alle haere haeffelike
goeden waer die bevonden zelen worde ende haer
erffelike goeden, metten gronde etcetera bynnen etcetera wesende van
gelegen, die sy nu hebben ende namaels hebben ende vercreghele
XXI marty tempore simile
Dale, Wynkele. Ghysbrecht Oeden ende Katheline Premans
syn wyf debent Wouter Breugelman, vyftich gouden Ryns
gulden goede etcetera, Te wetene veertich groten Vlaems gelts
voir elken van dien gerekent Te betalene, totten termyne, hier
naer volgende, Te wetene, Seven Rynsgulden, dairaf
tot Sinte Jansmisse naestcomende. Item de Seven Ryns
gulden, daeraf tot Kermisse daer naer volgende, Ende soe voertaen
tot elken Sinte Jansmisse ende Kersmisse alsdan deen na
dander ter stont vervolgende, Seven der voirscreven Rynsgulden
tot dier tyt toe dat de voirscreven vyftich Rynsgulden
geheel ende al betaelt selen syn, Ende daervoir hebben
sy verbonden, alle haere haeffelike ende erffelike goeden metten
gronde, bynnen wesende ende gelegen, die sy nu hebben
ende namaels hebben ende vercrigen zelen
opten XXVIen dach van
ont oppen, heeft
Wouter Breugelman bekent op dese scult ontfangen te hebben vanden voerscreven
Ghysbrecht, XXXII Rynsgulden in presenta Rud ilia et met
X aprilis tempore simile
Item de voirgenoemde Ghysbrecht ende syn wyf debent Janne
Spaen, sessentwintich gouden Rynsgulden vanden
voirscreven pryse, Te betalen tot desen termyne, Te weten
de vier Rynsgulden daeraf tot men naestcomende
Item de vier Rynsgulden daeraf tot Bamisse daernaer
volgende. Item de vier Rynsgulden daeraf tot Kersmisse
daer naer oic volgende. Item de vier Rynsgulden
tot Paesschen, dair naer vervolgende. Item de vier
Rynsgulden daeraf tot Smpen oic daer naest volgende
ende de Sesse Rynsgulden daeraf tot Bamisse alsdan
daer naer soude middel vervolgende, Ende daervoir hebben
verbonden alle haere haeffelike ende erffelike goeden
ut supra
op dese scult heeft van staen bekent ontfangen te hebben
vanden voirscreven Ghysbrecht VIII Rynsgulden oft
al voirt. Item noch III gulde van
ut supra
decimarten die mense Aprilis Anno XIII fuit Pascha
Winckele, Duffle, Lanceloot Hoenderman, debetten Vleeschouwere, debet
Janne Pauwels Peter van Loeven, viventwintich pond groten
Brabants gelts Te betalen, tot oppen naestcomende te daer voir
heeft hy verbonden ende te pande geset alle sine haeffelike goeden
waer die bevonden zelen worden, die hy nu heeft ende namaels
hebben ende vercrigen sal
X aprilis
Barbele, Hane. Jan Bollaert, debet Cornelie van Nyspen vyff
pond ende acht scellinge groten Brabants gelts Te betalene, tot Onser
Liever Vrouwen dage half oeghst naestcomende, Ende daer
voir heeft hy verbonden ende te pande geset, alle syne haeffelike
goeden waer die bevonden zelen worden ende oic met
erffelike goeden, metten gronde etcetera bynnen etcetera wesende ende
gelegen, die hy nu heeft ende namaels hebben ende
vercrigen sal
XIIIa aprilis
Winckele, Hamme, Claes van Yndevelde ende Lysken vander Lynden
syn wyf debent Mathys allen tot behoef van Janne van
Muysene, vierentwintich veertelen rogs goede etcetera Mechelscher
maten, elke veertele daeraf op eenen groten Brabants gelts, na de
besten, Te betalen, tot synen huyse tot Sinte Martensmisse naestcomende
Ende daervoir hebben sy verbonden, alle haere haeffelike goeden
waer die bevonden zelen worden, die sy nu hebben ende namaels
hebben ende vercrigen sal
dese rogge, heeft hem de voirscreven Jan van Muysene van
synen voegen solder geleent
ut supra tempore simile
Winkele, Expoele. Jan de Zelarte ende Margriete Bruermans
syn wyf debet Janne Barbier, tot behoef van Matheusen
ende Lysbetten vander Putte, wylen Jans vander Putte kynderen
vyftich gouden Rynsgulden goede etcetera oft de weerde daervoir
Te betalen, terstont na haer beyder doot, Ende dair voir
hebben in verbonden ende te pande geset haerlieder huys geheeten
de Wytte have, metten hove gronde etcetera streckende achterweerts
tot Jacop van Axele erve toe, gelegen over de Corenmarct
inde Hooghstrate opten hoeck vander Cuyperstrate tusschen
de selve Cuyperstrate aen deen zyde ende Jans vander Beke
erve aen dander zyde. A Domino Mechliniensi,
II may tempore simile