Blader door transcripties » Stadsarchief Mechelen

archieftoegang 2, inventarisnummer 937, pagina 171

Gestelle, Baerdegen. Jan van Orssaghen wylen Reymerssoon
wyngaerde, heeft voir synen vutersten wille ende in
Recompensatien van vele ende getrouwer diensten, die
hem Digne vanden Woelputte, syn maerte, den tyt
van viventwintich jaeren ofte ende meer gedaen
heeft ende oft gewilt noch doen sal daeraf sy ongevoort
was ende oic in restitucien ende wederkeeringen van zeker
haeren haeffeliken goeden, die de voirscreven Jan in synder noot georboir
ende daer mede gedisponeert heeft bekent sculdich wesende
der selver Dignen vanden Woelputte vyftich veertich
gouden Peters vander maten goede, te wetene
sessendertich groote Vlaems gelts voir elken, der selver
Peters gerekent, Te betalen terstont naer syn doot
Ende dair voir heeft hy verbonden ende te pande geset
alle syne haeffelike goeden waer die bevonden zelen
worden ende oic syne erffelike goeden metten gronde etcetera
bynnen etcetera gelegen, die hy nu heeft ende namaels hebben
ende vercrigen sal, met alsulker condicien, oft gebuerder
dat de voirscreven Digne storve voir den voirscreven Janne van
Orssagen, dat in dien gevalle, deen helft vander voirscreven
scult de voirscreven Dignen erfgenamen, oft den ghenen dien
in die helft geven ende maken sal, Ende dander helft dair
af des voirscreven Jans van Orssagen gerechten erfgename
toecomen ende versterven sal, na desselfs Jans doot
sonder wederseggen
XXVIIIa septembris
Baerdegem Duffle, Segghen vanden Brande, debet Aerde
van Tryt dertich scellinge groten Brabants gelts Te betalen
deen helft daeraf tot Vastelavent naestcomende ende dander
men
helft, tot Paessche daer naer volgende, Ende daervoir heeft
hy verbonden alle syne haeffelike goeden, waer die bevonden
zelen worden, die hy nu heeft ende namaels hebben
ende vercrigen sal
ut supra tempore simile
Baerdegeem, Duffle. Jan vanden Hellegate, wylen Wouters vanden
Hellegate soon, debet Meester Jacop Muet secretaris ons
genadigen heeren stogen van Borre van Brabant etcetera, hondert
ende elf gouden Rynsgulden ende etcetera te wetene veertich
grote Vlaems gelts voir elken van dien Rynsgulden
e
gerekent, Te betalene, tusschen dit ende Onser Lieven
Vrouwen dach, halffoeghst naestcomende, Ende om der
meerder zekerheyt den voirscreven meester Jacoppen, daeraf te
doene, hebben de voirscreven Jan vander Hellegate, Ende oic
Gregorie, Katheline ende Margriete vanden Hellegate
syne kynderen, die daerom oic voir ons gecomen waren
den voirscreven Meester Jacoppen, int voir dair voir verbonden
ende te pande geset, ierst de voirscreven Jan vanden Hellegate
syn neghen Rynsguldene erffeliker renten, die hy
heeft opte stad van Mechelen vallende jaerlicx, deen
helft dairaf opten yersten dach van decembry ende dander
helft, opten yersten dach van Junio. Item de voirgenoemde Katheline
vanden Hellegate, haer sesse Rynsgulden jaerliker lyfpensien
die sy tot haeren live heeft, opte voirscreven neghen Rynsgulden
erffeliker renten, staende opte voirscreven stad, Ende de voirscreven
Magriete Gregoris ende Margriete haer drie Rynsgulden
oic jaerliker lyfpensien, die sy tot haeren ende tot des langhstlevende
live van hen beyden, hebben, opte selve neghen Rynsgulden
erffelic, Ende daer toe alle haere haeffelike goeden, die
de voirscreven Jan vander Hellegate ende syne voirscreven drie kynderen
nu ter tyt hebben ende namaelle hebben ende vercregen
ende Duytsel
zelen. Behoudelic dien, dat dekennen van deser scult
soe verre de voirscreven meester Jacop daeraf ten voirscreven termyne
niet en wordt betaelt, gheen achterdeel, noch pondicie
syn en sal den selve Meester Jacoppen, tegen de condempnacie
ende opter daer in de voirscreven Jan vander Hellegate
tot hem weerte, byden voirscreven onse genadigen heer gecondempneert
in ende oic tegen deexecutorral, daer op verleent den voirscreven
inden
selve Meester Jacoppen Verleent, maer sal inde gevalle
dat hy inde voirscreven manieren met betaelt ende worden moegen
by crachte vander voirscreven condempnatien ende executore
#
moegen
voert proederen, opten voirscreven Janne vander Hellegate
ende syne goeden, in sulker manieren, oft dat niet geschiet
en ware, Ende van desen verbande, heeft de voirscreven Jan
vander Hellegate, de voirscreven synen drie kynderen gelooft altyt
scadeloos quyt te houden ende tontlasten, Ende Jan Reyers diemen
heet Delssene, als rentmeester ende inde name vander
voirscreven stad, behouden oic der selver stad, daer inne haer
heeft tot desen
rechte syn consent gegeven
als trest van eender
meerder sommen, die
hy de voirscreven Janne
in syne noot ende oic
hen vuter vangenissen
daer hy tot tocht
inne waer, te lossen
dueghdelic geleent
ende voir hem betaelt
heeft
alsoe hij begeert
heeft ende soe
hy nu tertyt
soude moegen
doen
XXII octobris
Kathelyne Spoelen weduwe van wylen
Willem van Beveren
Wynkele, Duffle. Henric van Zype diemen heet van
Beringen, wylen Aerts soon, debet Janne van Eyndoven
diemen de Eertstekere, drie pond grooten Vlaems gelts
Te betalen, totten termyne, hier naer volgende, Te wetene
deen helft daeraf van Ompen naestcomende bynnen
eenen jaere, daerna volgende, Ende dander helft daeraf
tot Ompen oic daer naer ter stont vervolgende
Ende daer voer heeft hy verbonden ende te pande geset
alle syne haeffelike goeden waer die bevonden zelen
worden ende oic alle sine erffelike goeden, metten
gronde etcetera bynnen wesende gelegen, die hy nu
heeft ende namaels hebben ende vercrigen sal
Va novembry