Blader door transcripties » Stadsarchief Mechelen

archieftoegang 2, inventarisnummer 937, pagina 170

Lysbeth Stalle, tot haere ende
haer pond Kelderman, debet Godevaert vander
Gestelle vaerdige
Stege drientzestich gouden Rynsgulden goede etcetera te weten
veertich groote Vlaems gelts voer elken der selver Ryns
gulden gerekent Te betalene, totten terminen hier naer volgende
Te wetene, de sesse gouden Rynsgulden daeraf tot ons
Liever Vrouwen dach ficacio nu naestcomende, Ende
soe voertaen, dan tot elken drie maenden tyt
alsdan deen na dander ter stont vervolgende, Sesse gelike
gouden Rynsgulden, tot dier tyt toe dat de voirscreven
Godevaert vander voirscreven scult, geheelic ende al betaelt
sal syn, Ende daer voer sal hy verbinden, alle sine haeffeliken
goeden waer die bevonden zelen worden die hy nu
heeft ende namaels hebben ende vercrigen sal
XVII novembris
Gestelle, Expoele, Gielis van Duffle, diemen heet Berthouts
debet Janne Barbier, tot behoef van Gheerde vander Mere
Twintich pond groten Brabants gelts Te betalen tot sinen
Jansmisse naestcomende, Ende daer voer heeft hy verbonden
ende te pande geset, alle sine haeffelike goeden waer die
bevonden zelen worde ende oic syne erffelike goeden metten
gronde etcetera die bynnen et gelegen, die hy nu heeft
ende namaels hebben ende vercrigen sal
XIIIIa decembris
Baerdegem Duffle, Peter vander Hoeven, debet Janne Barbier
tot behoef van Sebastiaen, Wouteren ende Steven Viermans
wylen Jan Boermans kynderen twintich gouden Peters
vander munten etcetera goede, te wetene XXXVI groten Vlaems gelts
voer elken der selve Peter gerekent Te betalen bynnen
Sesse jaeren tyt naestcomende, Ende soe lange heeft de
voerscreven Peter gelooft, alle jare elcx Janne van dien
sesse jaeren, altyt opten sesten dach van octobry, te
geven ende oic te betalen, den voirscreven kynderen vermans
den thienden penning vander voirscreven scult sonder
mindernisse nochtan vander selver scult, Ende daervoersre
heeft hy verbonden, alle syne haeffelike ende erffelike goeden
bynnen etcetera wesen ende gelegen, die hy nu heeft ende namaelen
hebben ende vercrigen sal, sunderlinge syn twee huysen metten
plaetsen hove gronde etcetera gelegen deen neven dander, byde
inden pam
Heymeysbrugge, tusschen wylen Claes Wechtere erve
aen deen zyde ende Jan Zelle erve aen dander zyde
XV decembris
Gestelle Ymbrecht Rommond Gheens ende Jannen van Boesschot
syn wyf debent Mathys alle veerthien ponden vier scellinge
groten Vlaems gelts Te betalen totten termynen hierna volgende
Te wetene, de drie pond gen daeraf, tot Paesschen
naestcomende, Ende soe voertaen telken Paesschen, alsdan
deen na dander, terstont vervolgende, die der selver
ponden groten over, Ende daervoer hebben zy verbonden
ende te pande geset alle haere haeffelike goeden waer die
bevonden zelen worden ende haer erffelike goeden bynnen
de gelegen, die hy sy nu hebben ende namaels hebben ende vercrigen
zelen
Pet retro
solist
debit et tract
delet ex Relate Rele
Johanes de Muysene, qui van
septimo anno LXXXVIII dat
Comme Breen
XXX decembris
decima die meeste prie, Anno LXIII Sint Pascha
Gestelle, Baerdegeem, Godevaert Vrancx, debet voir synen vutersten
wille, Janne Ghysele van Onser Vrouwen Wavere, synen neve
Eenendertich gouden Peters vander munten etcetera gronde etcetera. Te
wetene XXXVI groten Vlaems gelts voer elken der selver Peters
gerekent, Te betalen, ter stont, na des voerscreven Godevaerts
ende Kathelinen vander Hoeven syns wyfs doot ende met een
Ende daervoer heeft by verbonden ende te pande geset alle met
haeffelike goeden waer die bevonden zelen worden, die hy
nu heeft ende namaels hebben ende vercrigen sal
XXIIIa decembry
Visschen
Gestelle, Baerdegem Henrick Ghooten, Gielis Ghooten ende Margriete
Ghootens syn dochter den Mathysen alle, zessentwintich gouden
Rynsgulden goede etcetera te wetene XL groten Vlaems gelts voir elken
gulden gerekent Te betalen vyff Rynsgulden dairaff tSinte Jansmisse
naestcomende. Item vier der selver Rynsgulden tot Kersmisse dair
naer volgende, Ende alsoe voirtaen, telken vanden voirscreven tween
termynen vive der selver Rynsgulden vutgenomen de lasten
termyne ende aldair heffender selver gulden ove etcetera van obligalle
huer have ende die sy de voirgenoemde Gielis ende syn dochter provisit
den voirscreven Henricken hier af scadeloos tontheffene
XIa January
Baerdegem, Expoele, Wouter Daems, debet Peteren Roegemont
coopman van Pase de Novan twee van geleenden gelde
ende van Vrachten, Twee hondert ende twintich gouden Peters
vander munten etcetera goede etcetera. Te wetene zessendertich groten
Vlaems gelts voer elken van dien gerekent Te betalen
totten terminen hier naer volgende, Te wetene de twintich Peters
daeraf tot Paesschen naestcomende. Item de vyftich Peters daeraf
tot Ompenen daer naer volgende. Item de vyftich Peters
daeraf tot Sinte Machiele dage daer naer oic volgende, Ende
soe voertaen tot tot elken vanden selven twee lesten terminen
van Sinxenen ende van Sinte Machiele daghe alsdan deen na
dander ter stont vervolgende, vyftich der voergenoemde Peters
tot dier tyt toe dat de voirscreven scult geheel betaelt zy, Ende
daervoer heeft hy verbonden, syn sesse huysen, metten hove
gronde etcetera gelegen deen neven dander inde Jeudenstrate tusschen
Janne van Roeden erve aen deen zyde ende Henricx van Nokenborch
ve
erve aen dander zyde, opte weerde van vivendertich grooten
Brabants gelts daer jaerlicx voer vutgaende, Ende daer toe alle dander
syne haeffelike goeden waer die bevonden zelen worden ende oic
alle dander syne erffelike goeden metten gronde etcetera bynnen
gelegen, die hy nu heeft ende namaels hebben ende vercrigen sal
lichte locum debet Margariete Spaen
in laten seven positum
XXIIIIa jaer