Blader door transcripties » Stadsarchief Mechelen

archieftoegang 2, inventarisnummer 937, pagina 165

Johanne
vander
Borch
Vriends, Bossche, Margriete Aerts met Gielis Nooten haer
man heeft vercocht Janne vander Borch, wylen Jans vanden
borch soon, hovenere, de helft van eenen stuck lants
metten gronde etcetera houdende int geheel omtrent een halff
vierendeel, dat wylen Janne vanden Eynde ende Marien vander
Eynde, syne wive toe plach te hoeren, daeraf dander helft
Janne vander Moelen toehoert gelegen buyten de Oeverstepoorte
tusschen Gielis Vrancx erve aen deen zyde ende Jan Spykers erve
aen dander zyde. A Domino Mechliniensi, Waranderende. Opten chys ende last daer jaerlicx
vutgaende
Assignavit XVI Peters
VII augusti tempore simile
Johanne
Sarens
Heelt, Gestelle. Heer Daneel Sarens priester ende Machiel Yswyns van
des vader weghen ende Jacop vander Beke ende Cornelis vanden
Beke vander moeder weghen, als momboiren ende inden name
van Janne, Anthonis ende Lysbeth vander Beke, Lysbetten Sarens
Jan Sarens diemen heet in Spaengien ende wylen Margrieten
vander Beke syns wyf, wettigen kynderen, onder haere jaeren
wesende, die sy in hen vervingen, hebben quytgesconden los van
ende ledich, den voergenoemde Janne Sarens, weduere vander voerscreven
den den voerscreven kynderen der
wylen Margrieten vander Beke van allen den haeffeliker
selve
goeden, die den voirgenoemde kynderen Sarens byder doot vander
wyf
voerseyde wylen Margrieten haerer moeder, die van waer doen
by leefde vanden voerscreven weduere in eenige manieren gebleven
ende verstorven moegen syn
VIII augusty
Twee hondert ende
Sarens
Liberi Johannes
Item de voergenoemde Jan Sarens, heer Anthonis Ysendyn priester ende Lodewyc
van Heffene, wylen Vrancx van Heffene soon, debent, den voerscreven
momboiren, totter voerscreven kynderen sakens behoef, hondert ende
tzeventich gouden Rynsgulden goede etcetera, Te wetene veertich
groote Vlaems gelts voer elken van dien Rynsgulden gerekent
Te betalen den voerscreven kynderen ende eenenyegeliken van hen voer
syn voerscreven deel, alsoe gedinge, als sy ende elc van hen tot noch
jaeren van discrecien gecomen zelen syn, Ende soe lange, heeft
de voergenoemde Jan Sarens, der gelooft de voerscreven syne kynderen
met hem bynnen synen huyse houden ende hen eten drincken
cleederen schoenen ende al tgene dat haeren leven noot zyn
sal, tamelic te geven ende hen ende elken van hen, ter schoelen
oft tot eenighen ambachte, na der voerscreven momboiren ende synen vi
te vueghen, sonder mindenisse oft afslach vander voerscreven
principaelde scult, Ende daer voer hebben de voerscreven Jan
Anthonis ende Lodewyck, de voerscreven momboiren tot voerscreven kynderen
behoef verbonden ende te pande geset alle haere haeffelike
goeden waer die bevonden zelen worden ende oic haer
erffelike goeden metten gronde etcetera binnen gelegen
die sy nu hebben ende hier namaels oic hebben ende
vercrigen zelen, de voerscreven Jan Sarens heeft voert
gelooft, den selven heer Anthonis ende Lodewyck van
dat voerscreven staet altyt scadeloes quyt te houden ende
tontlasten, Ende daervoer heeft hy hen verbonden, alle syn
haeffelike goeden waer die bevonden zelen worden, die
hy nu heeft ende namaels oic hebben ende vercrigen sal
ut supra