Blader door transcripties » Stadsarchief Mechelen

archieftoegang 2, inventarisnummer 937, pagina 163

haeren onderen in eeniger manieren gebleven ende verstorven
syn, Alsoe dat by crachte van desen deylingen ende
scheydingen, de voerscreven Wouter muekene voer syn
deel ende paert der voerscreven goeden hebben houden es
besitten sal, Twee Rynsgulden erffelic chys, op
een huys metten hove gronde ende sinen
toebehoerten, tot Rymenam gelegen, toehoeren ende
Janne vander Hagen, Ende twee chysgulden oic
erffelic chys, op een huyse metten hove gronde etcetera
de Hergracht
gehoeren van Reyne, tot Neckerspoele buyten de
Schoelblocpoirte gelegen. Item dat oic de voerscreven Katheline
Annekens voer deen helft ende Margriete Enckens
haer zuster, voer dander helft voer haer deel paert
ende porre, den voerscreven goeden, hebben houden ende besitten
den mottoenen
zelen, vyf Petere erffelic chys, Op een huys
inde prochie
metten hove lande gronde ende sinen toebehoerten
toebehoerende, Willem de Beer syn gelegen opte
de
vander voerscreveyde, telken, ter een huyse metten hove
gronde ende inne toebehoerten, gelegen op Neckerspoele
inde Mandenstrate, tusschen Henricx Lauwaerts erve
aen deen zyde ende Jan vander Spreet erve aen dander
Hericx
zyde, dat de voerscreven Goes ende van Eeken
Ende oic Sesse veertelen rogs lyfpacht die sy
tot haeren liven ende tot des langhstlevende live van
hen beyde hebben, Op een stede met huysen hove
lande gronde ende haere toebehoerten houdende tsamen
omtrent drie dachmael toehoeren zegheren
Vleminge gelegen tot Keerbergen aen douwe
moelen, Ende op omtrent anderhalff buender lants
metten gronde ende syne toebehoerten, de selve Zegeren
oic toehoerende, aldaer in twee stucken twegen
deen neven dander gelegen. Item dat de voerscreven
Gregorre, oic hebben houden ende besitten sal voir
bate van desen
syn deel der voerscreven goeden drie veertelen
Rogs goede etcetera Mechelscher maten erfpachte
op een huys metten hove ende met veerthien buenderen
lant gelegen inde prochie van Sinte Jans inden
Scrieck, dat wylen Jan Smet toe plach te hoeren
Ende dat oic de voerscreven Jan Eekene, by crachte
van deser scheydingen oic hebben houden ende besitten
sal, voir syn deel ende part der voerscreven goeden, drie
veertelen rogge, oic erffelicx pachte, Op Seven
vierendeel beempt geheeten den Mylaert toebe
Janne de Neve inde prochie van Rymenam gele
welke scheydinge ende deylinge der voerscreven goeden
hebben de voerscreven Wouter Annekene, Katheline
Luekens, met haeren voerscreven man ende Magriete
Vekene, Ende oic de voerscreven voirscreven momboiren
inde name vanden voerscreven kynderen erve gegoeden
ende Jan Eekene ende oic mede deselve gegoeden
gelooft ende elc van hen besunder, te houden goet
vast gestentich ende van weerden, ten eeuwigen
dagen ende daertegen nemmermeer te doen oft te seggen
by hen selven noch by innemande andere in gheender
manieren, Alle argelist vutgescheyden
XXVII July
Willem vanden Bloke, heeft vercocht Janne
vanden Bloke, wylen Jans vanden Bloke soon, tvierendeel
van Twee huysen, metten hove plaetsen gronde etcetera gelegen
deen neven dander over de Coremarct inde Hooghstrate
tusschen Wouter Hermans erve aen deen zyde ende Jacoppen
van Gavere erve aen dander zyde
Johannes
Hamme
Gestelle, Haerdegem Gielis van Hanswyck, aen een tochtenere
Ende heer Henrick Borchaert priester van des vaders weghen, ende
meester Aert van Beth oic priester vander moeder wegen, als momboiren
ende inden name van Willem ende Heylwych van Honswyck, de voerscreven
Gielis kynderen, onder haere jaeren te wesende, die sy by bywesene ende
volcomen consente van wille vanden Wynkele, coningmeester
vanden voerscreven stad in hen vervangen hebben, als erfgenamen hebben
terve gegeven, Jan de Haer metsere, Een huys metten hove ende
metten gebruyke van eenen wege totten water toe aldaer ende oic
metten gronde etcetera geheeten tVosken, gelegen in Sinte Kathelinenstrate
tusschen thuys tSweert geheeten, toehoerende Henricken Yngele, aen
deen zyde ende thuys den Gulden Cop geheeten, toehoerende Claes Ghysels
aen dander zyde streckende achterweerts metten voerscreven hove totten
egge vanden muere van des voerscreven Henricx huyse voerscreven geheeten
tSweert, A beneficiaten de Zellaer, Te besittene, op eenen jaerliken
ende erffeliken chys van vier chysgulden, Ende die te betalen altyt
tot Sinte Jansmisse, Ende opten voerchys, van twee capuynen
ende vander weerden van Acht scellinge groote Brabants gelts daer
jaerlicx voer vutgaende, erffelic ende van sesse gelike scellinge
groete jaerlick lyfpensien, staende ten live van Lysbetten van Yerssele
beghinen jaerlicx voer vutgaende
XXVIIIa july tempore simile
curatus
Capellaen
sColaren
curte
Gestelle, Rossche, Jan vander Heyden, wylen Peters vander Heyden
soon voir de twee chysgulden ende elf groeten ende sesse myten Brabants
gelts ende jouffrou Barbel vander Heyden syn zuster met eenen momboir
weerde oic voer eenen chysgulden ende drie groeten ende achtien
myten oic Brabants gelts, hier na bescreven, hebben vercocht Meester
Aert van Reth priester, tot behoef vanden prochiaen, capellanen
ende scholieren vander kerken vanden beghynhove, staende by deser stad
drie chysgulden ende vyftien der voerscreven grooten Brabants gelts, die
sy hadden, Op eenen hof met eenen huyse ende duyfhuyse daerop
staende ende oic met drie anderen huysen oft cameren in deynde vanden
selven hove staende ende streckende inden Nuwensteenwech, gelegen
buyten der Coepoirten inde Coepelstrate, tusschen Katelinen van
Hoevorst erve aen deen zyde ende den weduen Janne van wylen Gielis
de Wolf, aen dander zyde. A Domino Mechliniensi, Waranderende etcetera.
IIa augusti