Blader door transcripties » Stadsarchief Mechelen

archieftoegang 2, inventarisnummer 937, pagina 160

Walterus de
Voesdonck
Baerdeghem Bossche, Wouter van Voesdonc, heeft verreyct
de erffelike goeden metten gronde etcetera, die wylen Henricken
de Moor toe plagen te hoeren ierst een woeninge metten huysen
schueren, hove bogaerde ende met eenen stuc lants daer aen gelegen
houdende tsamen omtrent anderhalff buender gelegen inde prochie
van Muysene inde Vennestrate tusschen wylen Jans Langen erve
aen deen zyde ende Henricx tSerboudens erve aen dander zyde
streckende achterweerts tot des voerscreven wylen Henricx erve toe
Item een stuc lants houdende omtrent anderhalff buender geheeten
Couwenblock, gelegen aldaer, tusschen Gheerd tSerboudens erve
aen deen zyde ende de voerscreven wylen Janne Lange erve aen dander zyde
Item een stuc lants houdende omtrent twee buenderen, geheeten
tHooghblot gelegen aldaer, tusschen desselfs wylen Jans erve aen
deen zyde ende Petere vanden Broeke erve aen dander zyde. Item
een stuc lants houdende anderhalff buender geheeten dWouwelic
gelegen aldaer byde Wyelenbrugge, tusschen dierste Wyelenberge
aen deen zyde ende den Broech, aen dander zyde. Item een stuck
lants houdende omtrent een halff buender gelegen aldaer opte
Werfheyde, tusschen Willem Schoofs erve aen deen zyde ende der
infirmarien erve vanden crancken beghine, aen dander zyde. Item
twee stucken lants, houdende omtrent vyf vierendeel daeraf
deen aldaer op tot ende dander oic aldaer op Muysendervelt
gelegen syn, tusschen Peter vander Cammen erve aen deen zyde ende
de voerseyde wylen Jans Langen erve aen dander zyde. Item een stuck
lants houdende omtrent vyf vierendeel, gelegen aldaer opte Leemputte
tusschen des huys van Pitsenborch erve aen deen zyde beyde zyden, inde
een stuc lants geheeten doot, houdende omtrent een buender gelegen
aldaer op Hanswyckervelt, tusschen wylen Jacops Lanen priester erve
aen deen zyde ende de Heerstrate aen dander zyde. Item een stuck
geheeten opte Berct houdende omtrent een halff buender gelegen aldaer
achter Hanswyck, tusschen desselfs heer Jacops erve aen deen zyde
ende der kynderen sVos erve aen dander zyde. Item een stuc lants
houdende omtrent anderhalf vierendeel geheeten de Keerselere gelegen
aldaer op Hanswyckervelt, tusschen meester Janne van Boechem
erve aen deen zyde ende de voerscreven Peters vander Cammen erve
aen dander zyde, Item een stuc lants houdende omtrent een half
vierendeel geheeten inden Wyngaert gelegen aldaer tusschen
des goidshuys van Hanswyc erve aen deen zyde ende de strate aldaer
aen dander zyde. Item een stuc lants houdende omtrent een half buender
gelegen aldaer in Muysenderbroeck tusschen Claes de Leeuw erve
deen zyde ende de Ryffstrate aen dander zyde. Item een stuc lants
geheeten Zwinnegemerlant, gelegen aldaer, tusschen des voerscreven huys
Pitsenborch erve aen deen zyde ende de goidshuys van Gruenendale
erve aen dander zyde. Item een stuc lante houdende omtrent een
vierendeel, gelegen aldaer op Hanswickervelt, tusschen der voerscreven
Jacops erve aen deen zyde ende Jans Cuypers erve aen dander zy
Item een stuc eenssele, houdende omtrent een buender gelegen aldaer
voer de voerscreven woeninge inde voerscreven Vennestrate, Ende drie stuck
eeussele, daeraf deen deen vyf houdende omtrent twee buen
dander den nederham houdende omtrent een buender lande
den Steenham houdende omtrent een buender aldaer oic, allo
der sonder deelen aldaer, gelegen syn. Ex censu
XXVIII Juny
Egidius de
gestelle et uxore
heeft Baerdeghem, Custane Tybout wylen Ostane Tybouts
van heeft opgedragen ende overgegeven, voer zeker lyfpenen, diemen
hem bewesen ende synder huysvrouwen bewesen heeft, tot behoef van
Gielis van Gestelle ende van jouffrou Lysbetten Wyncx synder huysvrouwe
de helft die hy hadde inde drie vierendeelen vanden erffeliken
goeden metten gronde ende allen haeren toebehoerten hier na bescreven
daeraf dander helft vanden selven drie vierendeelen den voerscreven Gielisen
ende synder huysvrouwen toebehoerten ierst van ons anderhalff buender
wynnents lant gelegen buyten de Hanswycpoorte opt Cuvelt aende
Zeurstrate, tusschen deselve Zeurstrate aen deen zyde ende de goidshuyse
eene van Hanswyck, aen dander zyde. Item van eenen halven buender
lant gelegen inde prochie van Muysene, opte Werfheyde, tusschen der
huys van Pitsenborch erve aen deen zyde ende des gasthuys erve van
Onse Vrouwen aen dander zyde. Item van eenen eenssel houdende
omtrent vyf vierendeel gelegen tot Hanswyck, opte Leemputten
tusschen Willem Campens erve aen deen zyde ende Jan vanden
ende erve aen dander zyde. Item van eenen cleynen eeussel houdende
omtrent een vierendeel gelegen aldaer achter vondershem aende strate
tusschen desselfs Willeme Campioens erve, aende drie zyden, ende de
voerscreven strate aende vierde zyde, Ende van eenen bempde, houdende
omtrent een halff buender, gelegen tot Hofstaden, tusschen Jan de
Cuyper erve aen deen zyde ende den bempt geheeten de Oevenvondele
aen dander zyde. A Domino Mechliniensi. Item van eender hoeven, metten huysen schueren
hove ende met eenen blocxken, houdende tsamen int geheel omtrent
een half buender gelegen buyten de voerscreven Hanswycpoorte, opten
Hanswyckerdesch tusschen Thomaes de Raeymaker erve aen deen
zyde ende der weduen van Coudenberge erve aen dander zyde. Item
van eenen halven buender lants gelegen inde voerscreven prochie van
Hanswyc achter vettershem opten Evenacker, tusschen de voerscreven
Willems Campioens erve aen deen zyde ende Peters vander Cammen
erve aen dander zyde. Item van drie vierendeel lants gelegen tot
Hanswyc aen tSteenken, tusschen des voerscreven Jan Cuypers erve ende
de voerscreven Willem Campere erve aen dander zyde, Ende van drie
vierendeel lants, gelegen aldaer, aen tGansvelt, achter Henricx
vander wyen erve, tusschen tselve Gansevelt aen deen zyde
ende Henricx van Houte erve, aen dander zyde. A Domicello Willem
de Merode, waranderende op sesse scellinge vyf penninge Loevens, driendertich
scellinge payments twee oude groote Turnoyse, eenen chysgulden
eenen capuyn ende vyf veertelen rogs ende een halve vuten voerscreven
geheelen goede, jaerlicx gaende
Ultima Juny
state
Tybout
Item. De voergenoemde Gielis ende jouffrou Lysbeth syn huysvrouwe, hebben bewesen
den voerscreven statis, tot synen ende jouffrou Jehanne van Loenhoven synder
huysvrouwe live ende oic tot behoef ende ten live van jouffrou Jehannen
van Scoenhoven synder huysvrouwen ende tot des langhstlevende
live van hen beyden drientwintich gouden Peters vander munten
goede etcetera de wetene sessendertich grooten Vlaems gelts voer elken
der selven Peters gerekent jaerliker lyfpensien Te heffene altyt
tot Kersmisse, daeraf den yersten termyn van betalingen syn sal
tot Kersmisse naestcomende, op ende aen haer drie vierendeelen
die hadde vanden erffeliken goeden metten gronde ende alle
haeren toebehoerten boven bescreven. A Domini et A Domicello
Willem de Merode, opte voerscreven chys erffelic vuten voerscreven geheele
goeden, Ende op sesse Rynsgulden lyfpensien daer af de drie staen
ten live van Meester Nicas vander Voort ende van Jacop Potmaker
ende dander drie staen ten live vanden selve Meester Nicasius ende van
Katheline van Opten bossche, vuten derdendeel vanden selven goeden
jaerlicx voer vutgaende
ut supra tempore simile