Blader door transcripties » Stadsarchief Mechelen

archieftoegang 2, inventarisnummer 937, pagina 151

Heer Johanne
Wisschaven
Mol, Bosschen. Gielis van Duffle, diemen heet Berthouts, heeft
vercocht brueder Jan Wysschaven priester Religieux des goidshuys
vanden Augustinen, staende bynnen der stad van Mechelen, tot sinen live
drie gouden Peters vander munten etcetera gronde etcetera de weten sessendertich
groten Vlaems gelts voir elken van dien gerekent jaerliker lyfpense
Te heffene altyt opten achtenden dach van meye, Op ende aen
oft woeninghe metten plaetsen hoven, bogaerden voer ende achter
der voerscreven Gielis derdedeel, dwelc hy int heeft in een huys
ende oic metten gronde, tot ende allen anderen selen toebehoerten, dat
wylen Wouteren van Duffle, diemen heet Berthouts, de voerscreven
Gielis vader toe plach te hoeren ende alsoe hy dat te houden ende
te besitten plach, gelegen byde Hanswycstrate opte Potterie, tusschen
de Bruesselstrate aen deen zyde ende Jan Alens hof ende meer ander
huysen ende hoven, inde selve Hanswycstrate gelegen, diversen persone
aldaer toehoeren, aen dander zyde, streckende achterweerts
met Coningen vanden voerscreven hoven ende bogaerden, tot aende
Vestbergen van Mechelen. A Domino Mechliniensi, Waranderende opte weerde van
vierentwintich scellinge groten Brabants gelts vuten voerscreven geheelen
huyse oft woeningen, met allen synen voerscreven toebehoerten, jaerlicx
voer vutgaende
XVIII may
Johannes Mol
Heelt, Gestelle, Wouter de Wolf, voir elff Rynsgulden ende
zestien grooten Brabrabants gelts ende Laureys Smet voer seventhys
Rynsgulden, hebben bekent, dat sy gehadt ende ontfangen hebben van
Janne Mol, onsen medescepenen, vanden penningen, die hy vut zaken
vanden coepe van eenen bempdeken, de camme geheeten, dat wylen
Henricken de Moor toe plach te hoeren, tot Hevere achter de kerke gelegen
sculdich ende tachter was, de somme van Achtentwintich Rynsgulden
ende zestien groeten, die deselve wylen Henrick de Moor de voirscreven
Wouteren ende Laureys, oic guldich was, van welker sommen, hebben
de voirscreven selve Wouter ende Laureyse ende eenegelyc voer syn voerscreven
deel, quytgesconden los vry ende ledich, den voerscreven Janne de
Mol ende alle andere dies quitancie behoeven, geheelic ende al, Ende
hebben daer toe de voergenoemde Wouter ende Laureys gelooft ende elc
van hen voer hem syn hoir ende nacomelingen, oft gebuerde in
toecomenden tyde, dat Janne vander Stichelen, die tvoerscreven Beem
als gecomen ende inden name vanden goidshuyse van Calvarien
binnen der stad van Bruessel, tanderen tyden voir ombetaelde scult dat
de voerscreven wylen Henrick de Moor den selven goidshuyse, sculdich was
wettelic vutgewonnen ter vierscharen vercocht ende die tot des
voerscreven Jans de Mol behoef verthegen heeft, oft oic synen hoir ende
nacomelingen, eenigen stoot achterdeel oft schade quame van dien
vercoepe, oft vander gelooften van waerscapen, die de voerscreven Jan
vander Stichelen van des voerscreven goidshuys wegen, den voerscreven Janne
Mol, daeraf gedaen heeft, dat sy in dien gevalle, dien stoot
achterdeel ende schadde, den selven Janne vander Stichelen, zelen
helpen dragen ende dueghdelic helpen gulden ende voldoen, na
advenant van eensyegelycx sommen voirscreven sonder eenich wederseggen
Om welke gelooften, alsoe tonderhouden ende om der meerder zeleyt
den voerscreven Janne Stappaert vander stichelen, dat te doene ende oic
synen vorscreven hoir ende nacomelingen, daeraf te doene, hebben de voerscreven
Wouter ende Lauregge den voerscreven Janne Mol, tot des voerscreven Jan vanden
stichelen behoef daervoer verbonden ende te pande geset alle haer
haeffelike ende erffelike goeden, metten gronde etcetera bynnen wesen een
gelegen, die sy nu hebben ende namaels hebben ende vercrigen zelen
XVIIIa may tempore simile
Haze
Walterus
Heelt, Bossche. Henrick van Waerloes, heeft vercocht Wouteren
de Hare, Een huys metten hove gronde etcetera gelegen inde Lange Scipstrate
tusschen Laureys de Winter huys, dat den voerscreven Henricken toe plach
Giel Dreggen
te hoeren, aen deen zyde ende Lysbetten Roeden huys, aen dander zyde
comende achterweerts tot opte Dele. A Domino Mechliniensi, Waranderen opte weerde van
Twee scellingen ende sesse penningen groten Brabants gelts daer jaerlicx vutgaende
Ende op alsulken last dat tselve vercochte huyse metten hove medepant
te ende bliven sal, voir andere twee scellinge ende sesse penninge, der
selver groeten, gaende jaerlicx vut des voerscreven Laureys huyse
voer genoemt met alsulker condicien oic dat de Ghoote, liggende
tusschen tvoerscreven vercochte huys ende des voerscreven Laureys huys voerscreven
sal gemeyn syn, tusschen den voerscreven Wouteren ende Laureysen ende
dat die tot gemeynen coste ende laste, by hen beyden ende haeren
nacomelingen eeuwelic gehouden sal worden
Assignavit X libris groten Brabants
XVI may tempore simile
Digne de
Haze
Item de voergenoemde Wouter de Haze, heeft vercocht Godevaert van
Poeyerle, tot behoef ende ten live van Dignen de Haze, wylen Gielis
de Haze natuerlike dochter, Eenen gouden Rynsgulden goet
Te wetene veertich groote Vlaems gelts voer dien gerekent
jaerliker lyfpensien, Te heffene altyt op Onser Liever Vrouwen
dach assumptio, daeraf den yersten termyn van betalingen syn sal
op Onser Liever Vrouwen dach assumptis, die syn ende comen sal
die inde maend van Augusto, int jaer dusent vierhondert
sessentzeventich, naestcomende, Op ende aen des voerscreven Wouter
huyse metten hove voerscreven. A Domino Mechliniensi, Waranderende. Opte weerde voirscreven chys
ende last daer jaerlicx voer vutgaende
ut supra tempore simile
Item de voerscreven Godevaert heeft als momboir ende inden name vanden voerscreven
diven geconsenteert de voerscreven Wouteren, dat hy de voerscreven Rynsgulden
der voerscreven lyfpensien, sal quyten als hem dat sal gelieven, met thien
gelycker Rynsgulden ende met volder lyfpensien presentie dien scabinne
et in barbier van testam
ut supra