Blader door transcripties » Stadsarchief Mechelen

archieftoegang 2, inventarisnummer 937, pagina 149

Johannes Mol
Heelt, Soeten. Jan vander Stichelen, inden name, als procureur
ende inden name vanden goidshuyse van Calvarien, staende bynnen
der stad van Bruessel, byde Cappen vander prochie kerken
van Sinte Goedelen, hebbende om tgene te doen, dat hier na
bescreven staet vanden momboeren ende proeder voergenoemde
goidshuys volcomen macht gelyc ons dat by eender procuracien
daerop gemaect ende bezegelt metten zegel ten zaken der
voerscreven stad van Bruessel claerlic bleke, heeft, om der meeste orboir
ende proffyte wille de voerscreven goidshuys vercocht Janne Mol
onsen medescepenen, Een beempdeken, geheeten de cammere
dat wylen Henricken de Moor toe plach te hoeren, ende dat
de voerscreven Jan vander Stichelen tot des voerscreven goidshuys behoef
tanderen tyden voer ombetaelde scult, die de selve wylen Henricx
den voerscreven goidshuyse sculdich ende tachter waer, wettelic
vutgewonnen ende ter vierscharen, den voerscreven Janne de Mol
als meest daerom gevende, vercocht heeft houdende onderhalf
dachmael gelegen tot Hevere, achter de kerke, by deen
Jan Smets erve
cloesters van Muysene erve, tusschen tselve aen deen zyde ende
der heeren van Zellaer erve aen dander zyde. A Domino Mechliniensi, Waranderende.
opte weerde van twee grooten Brabants gelts daer jaerlicx
vutgaende. Behoudelic dien, gaeter min vut dat sal
den voerscreven Janne Mol te baten comen
XXIIII aprilis
verdries
Wechtere
Item. Jacop vander Heyden heeft vercocht Gheerd de
sWechtere, den jonghen, Een huys metten hove ende met
eenen anderen huyse daer neven staende ende oic metten gronde
dat wylen Janne Arens toe plach te hoeren, gelegen inde
Vettersham byde plaetse, geheeten den Blaesbalck, tusschen
Jans sVos erve, aen deen zyde, Ende der weduen ende kinderen
erve van wylen Janne de Kelvere, diemen heet van Altere
aen dander zyde, streckende achterweerts totten vlyete toe
A Domino Mechliniensi, Waranderende. Op eenen scellinge sesse penninge Loevens, sesse
pond thien scellinge payments, twee capuynen, twee
cleyne Zwerte Turnoysen ende thien chysgulden die te
quitingen staen, Te wetene elken gulden daeraff voer sesse
gelycker guldenen, daer jaerlicx vutgaende
Assignavit XXIIII libris groten Brabants
ut supra
de
Kathanien
Heelt, Gestelle, Henrick van Oeyenbrugge, diemen heet van Collen
heeft Quytgesconden los vry ende ledich Janne Snyders tot behoef
vanden goidshuyse van Bethanien, staende buyten den Wykete van deser
stad van allen alsulken heysschen sommen van penningen ende anderen
dinghen, als hy den voergenoemde goidshuyse vut zaken van jouffrou Magrieten
Vylane, synder zuster neve int selve goidshuys oft anderssins in
eeniger manieren, totten dage toe van heden, soude moegen doen oft
heysschen
prima may
Johannes
Wabbel
texto
Baerdegem, Zoeten. Wouter tSermartens wevere ende Margriete van Belle
syn wyf, hebben vercocht Janne Wabbele, oic wevere, Een huys
metten hove gronde etcetera, dat Henricken vanden Voerde toe plach
te hoeren, gelegen tot Neckerspoele inde Schaffertstrate, tusschen
desselfs Wouters syns wyfs erve ander erve aen deen
zyde ende Henricx de Byn huys aen dander zyde. A Domino Mechliniensi, Waranderende.
op eenen gouden Rynsgulden Te wetene tweenveertich groten
Vlaems gelts voer dien gerekent twee grooten Brabants gelts ende
de weerde van zestien gelike groeten Brabants, daer jaerlicx
vutgaende, welken gouden Rynsgulden vanden voerscreven pryse
ende oic twee grote Brabants, heeft de voergenoemde Jan Wabbele gelooft
te lossen ende te quyten, bynnen vier jaeren tyt naestcomende
ende daeraf, den voerscreven Wouteren ende Margrieten synen wive
ende oic haerlieder ander huys voerscreven by twee vercocht
scadeloes quyt te houden ende tontlastene, dwelke
huys gelegen, dat voir dien gouden Rynsgulden ende twee
groten Brabants erfchys Verpant ende verobligeert staet, eeuwelic
oic heeft de selve Jan
ende te voldoene ende om der meerder zekerheyt den voerscreven
oic de voerscreven om welke gelooften alsoe tonderhoudene
Wouteren ende synen wive daeraf te doene, heeft de voerscreven Jan
Wabbele, den selve Wouteren ende syne wive daervoer verbonden
ende te pande geset, alle sine haeffelike goeden waer die bevonden
zelen worden, die hy nu heeft ende hier namaels hebben ende
vercrigen sal, Ende sunderlinge syn voerscreven huys metten hove
inde voerscreven Schaffoortstrate tot Neckerspoele gelegen
gelooft te geven
Wabbele
^
de voerscreven Wouter
ende te betalen
ende Magrieten
zinen wive vyff
Rynsgulden
elken van dien
tot XIX stuver
gerekent tusschen
dit ende Kersmisse
naestcomende
Xa may tempore simile
over die
Gommaer pre
et Elizabeth vanden
gesmoerte
Item. Jan van Halen diemen heet Joes heeft Terve gegeven
heer Aert Gommaer priester tot synder tocht ende Lysbetten vanden
Ghersmoirter, als tot haerer erffelicheyt, Een huys metten hove
Heymentheyt
ende metten toegange tot eender erffelicheyt int ende vanden selven
hove staende ende oic metten gronde etcetera gelegen inde Cortepenningstrate
tegen den Putte aldaer over tusschen des voerscreven Janne van Hallen
die
ander huys aen deen zyde ende eenen hoff, toehoere den huyse vanden
toe plach te hoeren ende die als toehoert den selve Jan van Balen
begaerden, aen dander zyde. A Domino Mechliniensi. Te besittene, Op eene jaerliken
ende erffeliken chys van twee gouden Rynsgulden goede etcetera de wetene
veertich groten Vlaems gelts voer elken der selver Rynsgulden gerekent
Ende die te betalen altyt tot Sinte Jansmisse daeraf den yersten termyn van
betalingen syn sal van Sinte Jansmisse naestcomende, bynnen eenen jare
daer naer volgende, Ende opten voerchys vander weerden van
Twee scellingen ende drie penningen groten Brabants gelts, daer jaerlicx
vutgaende, met alsulker condicien, dat de voergenoemde heer Aert ende
Lysbeth sculdich zelen syn te quiten ende te lossene eenen halven
Rynsgulden vanden voerscreven Twee Rynsgulden, de voerscreven chys
by van Sinte Jansmisse naest bynnen twee jaeren tyt
naestcomende, Ende den anderen anderhalven Rynsgulden deselven
de
chys, zelen deselve heer Aert ende Lysbeth moegen quiten altyt
als hen dat gelieven sal, eenen male, oft tot drie malen ende
elken penninge daeraf met zestien geliker penningen ende met
vollen chyse. Behoudelic oic dien, dat de voerscreven Jan van Halen
ende oic heer Aert ende Lysbeth de voerscreven heymelicheyt altyt houden
zelen tot gelycken coste van alle behoirlick Reparacien, sonder
wederseggen
ut supra tempore simile