Blader door transcripties » Stadsarchief Mechelen

archieftoegang 2, inventarisnummer 937, pagina 147

tyt
dat de voirgenoemde Meester Pauwels, tot eeniger bynnen synder
voerscreven hueren van deser stad vertrocke ende in anderen
plaetsen ghinne woonen, oft dat hy hier en bynnen storve
alsdan soe soude de voerscreven Matheeus, oft syne voerscreven dochteren
soe verre dat den voerscreven meester Pauwele oft met
erfgenamen beliefde, gehouden syn, tvoergenoemde huyse oft
woeninge met synen voerscreven toebehoerten, weder te aenveerden
ende haeren meesten orboir ende profyt daer mede doen
betalene den voerscreven meester Pauwele oft dactie van
hem hebbende, alle jare, Te weten de voergenoemde Matheus
de voerscreven thien Rynsgulden, oft syn voerscreven dochteren
indien syne gebrake, de geheel huere van des de dat
tvoerscreven huys oft woeninge met synen voerscreven toebehoerten
van jaerlicx gelden sal, boven den voerscreven erfchyse daer
vutgaende, totter volder betalingen toe vanden voerscreven
hondert drienvyftich Rynsgulden ende van vyf gulden
Vlaems ende niet langer, in deser hueringen is oic tusschen
de voerscreven partien ondersproken ende bevorweert, dat de
voerscreven Matheeus ende syne dochteren in dien synder gebraken
voergenoemde huyse oft woeninge, met allen synen toebehoerten voirscreven
zelen houden, wel ende loffelic van wande ende van daken
alsoet constumelice ende behoeren sal, Ende dat oic deselve
Matheeus, tot synen coste sal den Peteren, de scouwe int
staende
cleyn coop etcameren van datse qualic roeck daeght
Ende dat oic de selve Meester Pauwele oft actie van
hem hebbende, sal moegen afbreken ende tot hemwaerts
nemen, tot synen vutscheyden, al tgene dat hy van nu
voertaen int voerscreven huys oft woeninge, tot synen geren
ende gemake, soe van gelasen vensteren, soe andere, sal
doen maken, sonder eenich wederseggen
XVIII aprilis
drie den
Heelt, Baerdeghem. Bartelmeeus Trabukier als rentmeester ende
inden name van onsen gedachten ende onveramen heer van sinen
de annen in synder stad ende verheyt van Mechelen, Ende op
van Heyst ende Peter van als rentmeestere ende
inden name vander selver stad, hebben by willeene volcomen
consente van ons ende van onsen medescepenen, geconsenteert
ende belieft, consenteren ende believen met desen, dat Rommont
de Dryvere, die als besitter van eenen huyse met sinen
toebehoerten, geheeten broede huys, gelegen opte Veeman
van Mechelen int ingaen ende opten eenen hoeck vanden
Blocstraten, te syne, tselve huys in anderen state dair
alsoet staet te repareeren ende te doen maken, sal moegen
dat huys doen Repareeren ende metsen, met eenen gheven
voer tot inde voerscreven Blocstrate, twee voeten brueder, dat
den muer vanden selven huyse, ter voerscreven Blocstraten waert
nu in ende alsoe met dier ende metter ander metselver
die hy oic meer, aen tselve huys ter selver straten weert
sal doen maken moegen comen ende doen metsen in manieren
van eenen gheer, alsoe hem dat bewesen de te doene, tot
aen deynde van des voerscreven Rommond erve, Ende dat oic
de selve Rommond, sal moegen doen maken, op tvoirscreven syn erve
ende bynnen synen maer een heymelicheyt, ende comende
onder de voerscreven strate, Ende die altyt tot synen coste ende laste
in goeden reke houden, in sulker manieren, datter nyemant
achterdeel aen comme, voer dwelke heeft oic de voerscreven
Rommond de Dryvere, gelooft, voer hem syn hoir ende nacomelingen
Te geven ende te betalen alle jaere, ten eeuwigen daghen
den Rentmeesters vanden voerscreven onsen gedachten heer ende
vander voerscreven synder stad, die altyt by tyden syn zelen
ende tot desselfs ons gedachte heeren ende synder stad behoef
ende elken van hen, voer deen helft, vier de Turnoysen
vander munten etcetera jaerlicx ende erffelicx chys, altyt tot Kersmisse
daeraf den yersten termyn van betalingen syn sal, tot Kersmisse
naestcomende, sonder eenich wederseggen
Lodewyck
Heer Jan van Hamme ende
XVII aprilis tempore simile
Therdericht
Jacob Moor
Mol, Vossche. Henrick de Moor diemen heet Inden Palmboem
wylen Henricx Moors soon heeft opgedragen ende overgegeven
tot behoef van Diericken ende Jacoppen de Moor diemen oic heet
inden Palmboem, synen bruederen, alle syn recht ende deel, dwelck
de voerscreven Henrick hadde ende hem byder doot van wylen Rommonden
ende Magrieten de Moor diemen oic heet inden Palmboem, oic
synen brueder ende zuster verstorven syn in een hoeve metten
huysen, schueren hoven landen eeusselen bosschen, gronde
ende allen anderen haere toebehoerten, houdende te samen omtrent
negenthien buenderen gelegen tot Hevere aende Heverheyde
van van Godevant diemen heet inden Creeft goet, Item in zeker
een
parcheelen van schynsen ende van pachte, op diverse panden
na vutwysen den vollen daeraff wesende, staende, de selver
hoeven toehoeren ende in vier chysgulden oic erffelic chys
staende, op een huys met synen toebehoerten inde Lange Biest
gelegen, der weduen van Aken toebehoerende, wel in alle der
vuegen ende manieren, alsoe die hoeve met haeren voerscreven
toebehoerten ende oic den voergenoemde erffeliken chys ende pacht
den voerscreven wylen Rommonden ende Margrieten sMooren inde
deylingen ende scheydingen, die tanderen tyden, tusschen hen ende
gen
den voerscreven haeren vrieden van allen haeren gedaen ende
geschiet, toegescheyden ende toegedeylt syn, gelyc dat claerder
inden scheybrieve daer op gemaect begrepen ste. A Domino Mechliniensi, Waranderende etcetera.
XXIa aprilis