Blader door transcripties » Stadsarchief Mechelen

archieftoegang 2, inventarisnummer 937, pagina 144

Peters
Machiele
Baerde, Soeten. Jan de Lynne Lymaker Potghieter, heeft
vercocht Peteren, Machiels, Een huyse metten hove
gronde etcetera dat wylen Jan de Hane toe plach te hoeren
gelegen inde Hanswycstrate tusschen thuys dat Janne vander
Wilgen toehoirde ende dat nu den voerscreven Janne de Lymaker
toebehoert aen deen zyde ende Coenraet de Cuypere erve
aen dander zyde streckende achterweerts tot eenen hove
die den kynderen van wylen Wouter Berthouts toebehoert
A domicello Willemo de Merode, Waranderende op sessendertich
scellinge payments daer jaerlicx vutgaende
Assignavit XXXVIII Peters
VIIa aprilis tempore simile
Baldus de
Boende et uxor
Item gheene de Neve, heeft vercocht Bouden van Bonrode tot
huyse de Roese geheeten, met eender cammeren, liggende
doude huyse, oft brekene van desselfs Boudens nieuwen
boven de poorte vanden voerscreven Nieuwen huyse ende comende
boven, tot aen tselve nieuwe huyse ende met eenen stalle staende
achter aende voerscreven oude Loekene ende streckende achterweerts
tot eender waerderen, die staet tusschen den voerscreven stal
ende des voerscreven Boudens stallen ende oic met eenen cleynen
deele, van des voerscreven voirdene plaetsen van sinen voerscreven
nieuwen huyse, langs wesende, achtien voeten ende breet
wesende vier voeten ende oic metten gronde etcetera, welke onden
huys oft Coekene gelegen is in Onser Vrouwen strate tusschen
den ingane van des voerscreven Boudene poerten voerscreven, aen deen
zyde ende wylen Jan Meerte huys, aen dander zyde. A
in alle der vuegen ende manieren, alsoe de voerscreven vonden
den voerscreven Gheerde, dat tanderen tyden vercocht heeft ende
gelyc inden scepenen brief daerop gemaect begrepen staet
A Domino Mechliniensi, Waranderende etcetera.
Olmen ende
Kathelinen van
Hindelaer synen
wyfs behoef
ut supra tempore simile
Johannes Cale
Gestelle, Bossche. Heer ende Meester Jan vander Straten priester Canonick
der kerken van Sinte Rommonde, bynnen Mechelen, heeft Terve
gegeven Jan Cale, Twee huysen metten hoven, Twee hoven
gronde etcetera gelegen deen neven dander inde Plancstrate tusschen
Pauwels van Borrenberge erve aen deen zyde ende Rommond Popperlinc erve aende
zijde. A Beato Rumoldo. Te besitten op eenen erffeliken chys van neghen
scellinge sesse penninge groten Brabants gelts Te heffene altyt tot
Sinte Jansmisse daeraf den yersten termyn van betalingen syn
sal, tot Sinte Jansmisse naestcomende, Ende opten voerchys van
Twee chysgulden daer jaerlicx vutgaende, Op alsulken
condicie, dat de voergenoemde Jan Dale den voergenoemde erffeliken chys
van neghen scellinge sesse penninge tot sal moegen lossen ende
quiten, altyt als hem dat gelieven sal, tot twee malen ende
andere niet ende elken penninge daeraf met sestien gelyken penningen
ende met vollen chyse
VII aprilis tempore simile
Johanne
Lymakere
Baerdegen bossche Willem vander Heyden ende Willem Fierens alle geswoerende
ende inden name vanden ambachte vanden plattymakers binnen
deser stad, by bywesene ende volcomen consente van Janne vanden
Bossche, Rommond Kelderman ende Jan vanden Venne, ende geswoeren
om der meester erve wille vanden selven ambacht
vanden voerscreven ambachte, hebben vercocht Jan de Lymaker Peeter
drie scellinge ouder groote Turnoyse vander munten erffeliker renten
die tvoergenoemde ambacht hadde opte stad van Mechelen, Ende die jaerlicx
tot twee termynen vallen ende verschinen, de weten deen helft
daeraf opten veerthienden dach van septembry ende dander helft
opten veerthienden dach van meerte, Ac Renunciavit et post
Peter van Yetegheem
Waranderende ut in forma, Ende tot desen heeft Jan van have eender
rentmeester vander voerscreven stad behoudelic der selver stad daerinne
haeren rechte syn consent gegeven
VIIIa tempore simile
die voer
van Sinte
Goessen
Item Jan Frans inden name van Jan Claes van Antwerpen
heeft bekent gehadt ende ontfangen te hebben van heer Janne van
Sinte Goericx Ridder, de somme van acht Peters ende eenen halven
elken van dien tot zessendertich groten Vlaems gelts gerekent
die de wedue van wylen Henricke van Loeven, den voerscreven
Janne Claer sculdich waer, Ende van dier sommen heeft de voerscreven
Jan France inde name als voer Quytgesconden den voerscreven
heer Janne ende allen anderen des quitancie behoeven, Ende
Gelovende de selve Jan France, den voerscreven heeren Janne van
dier sommen, altyt tegen eenenyegeliken, scadeloos quyt te
houden ende tontlasten, sonder wederseggen
supra tempore simile
Executorer test
quondam Johanne vanden
Straten
Claer van Duffle ende
Baerdegem Bossche, Wouter Sandere ende Aert Perreman vander vader
weghen, Ende Claes van Uffle ende Jan Verhoeven vander moeder
van
weghen als momboiren ende inden name van Jan Benen wettich
soon van Jan van Beren, onder syne jaeren te wesende, die sy in
hen vervangen hebben, hebben by bywesene ende volcomen consente
vanden selven Janne van Vranen, den vader, bekent openbairlic
voer ons dat hen heer Jan Weelmans priester ende Aert Mergaert
als executeur ende inden name vanden testamente ende vutersten
wille van Jehannen vander Straten, wedue van Jan Pauwele
wyf, goede Reken rechtverdige Rekeninge ende bewys gedaen hebben
van allen den haeffeliken goeden, die de selve Jehanne vander
straten, tanderen tyden den voerscreven Janne van Bennen den soon
met haeren voerscreven testamente gemaect ende gelaten heeft ende daer
mede de voerscreven executeurs, na haer begeerten de selve Janne den
soon, zeker lyfrenten, tot synen live opte stad van Mechelen
gecocht hebben, Ende daeraf ende oic van alle der moeyten
quellingen ende heysschen, die de voerscreven momboiren inde name
vanden voerscreven Jan van Bevere den soon den voerscreven coepecuteurs
vut zaken vanden voerscreven goeden oft vanden negimente der selven
soude moegen doen ende heysschen, hebben de selve momboren inde
voer quytgesconden den selven executeurs ende alle andere des quitancie
behoevende, geheelic ende al
name als
VII aprilis tempore simile