Blader door transcripties » Stadsarchief Mechelen

archieftoegang 2, inventarisnummer 937, pagina 142

Johanne Mol
Gestelle, Baerde. De voergenoemde Willem vander Loe heeft vercocht
Janne Mol onsen medescepen, acht gouden Rynsgulden goeden
Te wetene veertich grooten Vlaems gelts voer elken van dien
gerekent erffelicx chys, Te heffene altyt tot twee terminen
Te weten deen helft daeraf tot Sinte Jansmisse ende dander helft
tot Kersmisse, daeraf den yersten termyn van betalingen syn sal tot
Sinte Jansmisse naestcomende, Op ende aen des voerscreven Willeme
huys metten hove gronde etcetera hier voer, aen dander zyde gescreven
A Domino Mechliniensi, Waranderende. Opte weerde van vier scellinge drie penningen groten
Brabants gelts daer jaerlicx voer vutgaende
IIIa aprilis
Johannes de
Barenbeke
Aa, Mol. Aert ende Rommond van Barenbeke, Janne
van Barenbeke ende wylen Kathelinen zelen syne wyfs wettige
kynderen ende paese van Barenbeke, haerlieder zuster
met Janne van Lybeke, diemen heet de Heere, haeren
man, hebben Quytgesconden los van ende ledich, den
voergenoemde Janne van Barenbeke haeren vader van allen
den haeffeliken goeden, die den voergenoemde kynderen van
Barenbeke, byder doot vander voerscreven wylen Kathelinen
zelen haerer moeder in eeniger manieren, gebleven ende
verstorven moegen syn
ut supra tempore simile
Huens
testamente
confirmacio
Baerdeghem, Mol, Symoen Huens, Seggende ende ons te
kennen gevende, dat hy opten drientwintichsten dach van
over heere
Augusto, int jaer dusent vierhondert drientzeventich
lestleven, syn testament ende vutersten wille, gemaect ende
geordineert heeft voer Henrick van Rykenrode ende Janne
van havele openbaer notarise ende voer de getuygen inde inne
wilt, welck testament ende vutersten wille, heeft de
testamente genoemt alsoe distument daer op byden
selven notarissen gemaect, dat clairliker vutwyst ende begry
voergenoemde Symoen, in meerder sterfenissen ende verzekertheyden
van dien als heden vut synen vryen wille voer ons
geconfirmeert gelaudeert ende geapprobeert, Ende woude
daer toe, de selve Symoen ende begheerde voir synen vutersten
wille, dat selve syn, dat tselve syn testament ende vutersten
wille, in allen synen pointen ende legaten ende alsoe die inden
voerscreven instrumente, byden voerscreven notaeren gemaect van weerde
van synen erfgenamen ende elken anderen vast gescadich ende
te worde bescreven ende begrepen staen, by eenenyegeliken
onverbrekelic gehouden ende by sinen executeur volbracht
volbreert ende tot volcomeliker execucien, naer syn doot
gestelt ende gevueght worde, sonder eenich wederseggen
Ende oic dat van alsulker crachten ende machten zy oft voir
over inder manieren, dat gemaect is gedaen ende geschiet
ware, Behoudelic nochten, den voerscreven Symoen, daerinne
syn meerderen minderen, wederroepen ende coningen altyt alle hem
dat goetduncken sal
III aprilis
A
man augusti
Gestelle, Baerdegeem, Wouter Noots tot behoef vanden goidshuyse
vanden Augustinen, bynnen etcetera gelegen, heeft verreyct, Een huyse
dat een lyve geheeten in metten hove etcetera, dat der taflen des
Heylich Geest van Sinte Katlyne toehoert, gelegen inde Vrouwen
strate van Mechelen, tusschen Daneele sBruynen erve aen deen
zyde ende der weduen van Stakenbroeck erve aen dander. Ex censu
zyde
Va aprilis tempore simile
Heelt, Gestelle, Aert Cleynaert
ut supra tempore simile
Johanne de
Wyelenbeke
Heelt, Gestelle. Jan van Wielenbeke, beckere, heeft verreyct de goeden
Een huys metten hove ende lande daer aen liggende ende oic metten
gronde, houdende omtrent een vierendeel gelegen tot Muysene ter
Wyelen, tusschen wylen Aert vanden Vekene erve aen deen zyde
ende de strate aldaer, aen dander zyde. Item een stuc lants houdende
omtrent anderhalf vierendeel, gelegen aldaer opt Grootvelde
tusschen Aert vanden Vekene erve aen deen zyde ende Jan Schoofs
erve aen dander zyde. Item een stuc lants, houdende omtrent
een vierendeel, gelegen aldaer opte Belst, tusschen der voerscreven Jans
Schoefs erve aen deen zyde ende wylen Henric Godevant erve dienen
heet inden Creeft aen dander zyde. Item een stuc lants houdende
omtrent een half vierendeel, gelegen aldaer opte Moirtere
tusschen des voerscreven Jan Schoefs erve ende wylen Aert vanden erve. Item
een stuc lants houdende omtrent een vierendeel gelegen aldaer, opten
voerscreven Mortere tusschen Katheline vanden Vekene erve aen deen
zyde ende der kynderen Cokeroele erve aen dander zyde, Ende een
sone eeussele, houdende omtrent een vierendeel, gelegen aldaer in
Wielenbroeck tusschen Wouter van Hanswyc erve, aen deen
zijde ende de voerscreven es Jan Schoefs erve aen dander zyde, Ex partu
hierna volgende
metten gronde
die Wouter
van Von
Lauwen toe
plagen te hoeren
heeft
Va aprilis tempore simile
de
Quaeyvoer
Pot Ret
oloco
Baerden Ghooten, Osten van Dyeven voir deen vierendeel, Wouter Moens
voer dander vierendeel, Ende Katheline sVos met haere momboir voer
tderde vierendeel, hebben vercocht Rommond Quaeyvoere haer der
vierendeel van eenen huyse metten hove gronde etcetera gelegen opte
Tiechelere, tusschen Henricx wylen Oeyne van Berghen soons eene
aen deen zyde ende Jaspar van Lynth erve aen dander zyde, comende
achterweerts totter Delen toe, en ware opte weerde van twee
scellinge neghen penninge groten Brabants gelts daer vuten voerscreven geheele
huyse jaerlicx gaende behoudelic dien, gaet min vut dat sal den
voerscreven coeper te baten comen
aprilis tempore simile