Blader door transcripties » Stadsarchief Mechelen

archieftoegang 2, inventarisnummer 937, pagina 141

Thieder
Wysschaven
Heelt, Bessele. Brueder Aert van Barenbeke, stadhouder vanden
prioer ende brueder Jan Wysschaven priestere, Conventael der
goidshuys vanden Augustinen, staende bynnen Mechelen
inde name ende om der meeste orboirs ende profyts wille
oic
deselfs goidshuyse, Ende oic Rommond Wysschaven ende
Katheline, Machtilt ende Lysbeth Wysschaven, de voerscreven brueder
syne zusteren ende met haeren momboeren, zal inden name
van hen selve ende oic inde name van Marien ende Jehannen
Wysschaven, oic haeren zusteren, onder have Janne te wesende
die sy by bywesene ende volcomen consente van Willem
vanden Wynkele, commoingmeester vander voerscreven stad in
hen vervingen hebben, hebben vercocht Diericken Wysschaven
alle der voerscreven kynderen wysschaven brueder, alle haer recht
tvoerscreven goidshuys ende
ende deel, dwelck sy hadden, in een huyse metten recht
van eenen wege ende waer heymelicheyt, comende
achter, totter Mylanen, gelegen inde Drapstrate, tusschen
Henricx vanden Schore erve aen deen zyde ende Rommond
tSerghysels erve aen dander zyde. A Beato Rumoldo, Waranderende etcetera.
Prima tempre simile
Henrick de Oprode
weerde
Baerdegem Bossche, Hubrecht vander Beke, heeft opgedragen
ende overgegeven tot behoef van meester Henricken, Jacoppen
wylen Henricx van Oprode wettigen kynderen ende oic tot
jouffrou Lysbetten, Kathelinen ende Margrieten van Oprode
behoef van Janne vander Eyken, Jans vander Eyken
ende wylen Barblen van Oprode, wettich soon syns wyfen
wettich soon, welke Barble, was wettige zuste, doen sy
leefde vanden voerscreven kynderen van Bode, Een huys metten
hove plaetsen gronde, dat Henricken vander voirde
toehoirde plach te hoeren, gelegen opte Marct van
Mechelen, tusschen thuys den Craen geheeten, der
voerscreven kynderen van Oprode toehoerende, aen deen zyde
ende Lysbetten van Asbroeck huys aen dander zyde. A Domino Mechliniensi,
waren. Behoudelic, Lysbetten van Ramels hem weduen
vanden voerscreven wylen Henricke van Oprode ende der voerscreven
kynderen moeder inde helft vanden voerscreven huyse met synen
voerscreven toebehoerten, haer tocht paysselic ende vredelic
te gebruykene
Ut supra tempore simile
Gestelle, Bossche. De voirgenoemde Lysbeth van Rommelghem de wedue
ende meester Henrick ende Jacop van Oprode ende Katheline van Ende
Henricx van Mechelen wyf met eenen vanden momboir, haer metten
rechte verleent, by crachte vander macht haer gegeven vanden
selve Henricke haeren man, gelyc dat by eender procuracien daer
op gemaect ende bezegelt metten zegel ten zaken vanden voerscreven stad
met haeren man
bleke, Ende oic, Lysbeth ende Margriete van Oprode, alle den
des voirscreven wylen Henricx ende syne wyfs wettige kynderen inde
inden name van hen selven ende oic inde name van Janne vanden
Eyken, wettich soon van Janne vander Eyken ende van wylen
Katlyne de Heyst
Barblen van Oprode zinen wive ende der voerscreven kynderen van
Oprode zuster doen hy sy leefde, onine jaeren wesende
die sy in hen vervingen, hebben vercocht Janne Barbier tot
behoef van Loyc van Heyst, vier chysguldene erffelic chys
die tvoerscreven de voerscreven vercoepere, hadde, op een huys
metten gronde etcetera de selve Loyc toehoeren den Godevaer
geheeten, gelegen opte Veemarct van Mechelen tusschen
desselfs voir Lodewycx erven, aen beyde zyde. A Domino Mechliniensi, Waranderende etcetera
prima aprilis
Cristiaens de stede
Gestelle bossche, de voergenoemde vercoepers inden name als
voer, hebben vercocht Cristiaen de Rende, Eenen chysgulden
erffelic chys die sy hadden, op een huyse metten gronde etcetera, den
selven Cristiaen toehoerende gelegen
A Domino Mechliniensi, Waranderende.
ut supra tempore simile
Et Dycke
Verdeghe, Mol. Katheline van onder wylen Henricx van Oprode
den diemen heet
wettige dochter met Henricken van Mechelen haeren man, heeft
opgedragen ende overgegeven tot behoef van Lysbetten Dycke wylen
Janne Dycke ende der voerscreven Kathelinen dochtere, Sesse gouden Ryns
gulden goede, Te wetene veertich groote Vlaems gelts voer een
van dien gerekent erffelicx chys, die de voerscreven Katheline hadde
op eenen Moelenberch metten wyndeelen daer op staende
die wylen Janne Morterman toe plach te hoeren ende die Godevaert
vander Strepe ende Henricken de Cale, toe plach, nu ter tyt toehoert
gelegen buyten Sinte Kathelinen poorte byden wech, daermen
ten Bruynen cause waert gaet. Item noch twee gelike gouden
Rynsgulden vanden voerscreven pryse oic erffelic chys, die sy hadde
op thuys oft herberge metten plaetsen hove stallen gronde etcetera
weken geheeten, gelegen over de Grootbrugge opte Corenmarct
tusschen thuys den Spiegel geheeten toehoeren Claes van Yndevelde
aen deen zyde ende thuys de Wolff geheeten dat wylen Jan Yswyn
toe plach te hoeren, aen dander zyde, Ende driendertich oude
de
grote Turnoyse vander matene, oic erffelicx chys, die sy hadde
metten huyse den Carmen de geheeten
van wylen Otten pale toehoert, metten plaetsen hove ende anderen
Op thuys den Drake geheeten, dat der weduen ende kynderen
huysen daer achter staende, streckende tot inde Beghinenstrate
gelegen byden Steenwech van Mechelen, tusschen Ymbrecht vanden
Broeke diemen heet Mussche aen deen zyde ende Willem Barbiers
anne Ghys Barbiers erve aen dander zyde. A Domino Mechliniensi, Warande, Henrick
Busscop als momboir ende tot behoef vander voerscreven Lysbetten waerten
inne geerft
deerfgoeden
hier navolgende
die haer tanderen
tyde in huwelic
vorweerde
gegeven syn heeft
drie vierendeel
Groten
van eenen
gelyken ouden
I aprilis tempore simile
Willeme
vanderloe
Gestelle, Baerdegen Peter Ghysbrecht heeft opgedragen ende overgegeven
tot behoef van Willem vander Loe, Een huys metten hove plaetsen
gronde etcetera dat wylen Symoen Roelants toe plach te hoeren, gelegen
opte Tiechelrie, tusschen wylen Vrancx van Heffene erve aen deen
zyde ende Rommond van Campenhout erve aen dander zyde streckende
achterweerts metten voerscreven hove ende oic met eenen anderen huyse
tot inde Moelenstra A Domino Mechlinieni, Waranderende. Op etcetera
ut supra tempore simile