Blader door transcripties » Stadsarchief Mechelen

archieftoegang 2, inventarisnummer 937, pagina 134

als een
ende tot synder tocht
goeden, hebben houden besitten ende gebruyken sal, gelegen
eenen tochtenere, alleene ende met andere, de parcheelen
van eenen hier na genoemt ierst de helft van eenen
huyse metten hove ende sinen toebehoerten, opte Tiechelrye
gelegen, streckende achterweerts tot inde Moelenstrate
in welken huyse de voerscreven wylen Vranck syn vader plach
te woenen, Item de helft van twee capuynen ende van
twee oude groten ende erffelicx chys, op een huyse
chyse, Op zeker goeden, toebehoeren jouffrou Kathelinen
met synen toebehoirten, toebehoerende Gielis de Vos, gelegen
inde Ouden Bruel. Item de helft van Sesse Peters erffelicx
sHeelt weduen van wylen Willem Block, tot Hombeke
gelegen. Item de helft van eenen huyse metten hove ende
sinen toebehoerten, buyten der Oeversterpoerte gelegen
ende gelt tsiaens ter hueringen, Sesse Petere, Item de
helft van Twee chysgulden erffelicx chys, op twee
huysen met haeren toebehoerten, toehoerende Janne Spierman
gelegen buyten der voerscreven Oeversterpoirten. Item de helft
van twee bloken ende van eenen bempdeken, gelegen tot
Rymenam Gulden tsiaers ter hueringe sesse Peters
Item de helft van eenen bossche, houdende omtrent
anderhalff buender gelegen tot Putte, by Jan Kegele
erve. Item de helft van twee veertelen rogs erfpacht
op een huys metten hove, toehoeren Rogier van Walle
gelegen buyte inden Scheurcapruyn, Item de helft van
twee veertelen rogs erfpachte, op een stuc lange houdende
omtrent een half buender, geheeten de Bercker schehaghe
toehoeren eenen geheeten Jan Frane, tot Duffle gelegen. Item
de helft van vier veertelen rogs erfpachte ende van eenen
Roeeskens mottoen erffelicx chys Op een huyse metten hove
tot Sinte Janne
ende sinen toebehoerten, inden Scrieck gelegen, toebehoeren
Lodewyck van Ranst, Item de helft van eender halven
veertelen rogge oic erfpacht, Op een stuck lants, houdende
omtrent een halff buender, toehoerende der kerken van
Sint Janne inde Scryeck gelegen aldaer. Item de helft
van eenen bossche, houdende geheel een halff buender
Ende
gelegen tot Hanssele op Raessele ende zelen de
helft van vivendertich oude groten Turnoysen erffelic chys
ende oicken, op eenen bosch, gelegen inde prochie van
Putte, toehoeren den huyse van Pitsenborch bynnen Mechelen
Ende dat de voerscreven Vranck van Heffene, des voerscreven Lodewycx
soon, by crachte van deser deylingen ende scheydingen, hebben
gecocht erfra
houden ende besitten sal, als eende, na de doot
vanden selven Lodewyck synen vader, de helft van allen
den voerscreven goeden die hem gelyc voer, tot synder tocht
toegescheyden syn te hebben ende te besitten, alsoe lange
als hy leven sal, gelyc eenen tochtenere, Ende oic dat hy
daer terstont, hebben houden ende besitten sal ende heffene
oic
sal, als een erffman, die, de helft van Achtien
die de voerscreven
Lodewyck ende
synen voerscreven seve
byder doot van
wylen jouffrou
Lysbetten van
Heffene weduen
de synde
van wylen
Aerde Roelants
moeyen verstorven
syn
de
Croenen, erffelike renten, staende opte stad van Mechelen
Ende oic de helft van derthien scellingen sesse penningen
ende eenen hellinge ouder groten Turnoysen, oic erffelike
tot
renten, staende oic opte selve stad ende vallende jaerlicx
ten termynen inde brieven daer op gemaect begrepen
van welker helft van derthien scellingen sesse ende eenen
halven penninge ouder groten de voerscreven Lodewyck, jaerlicx
alsoe lange als hy sal leven, hebben ende heffen sal, de
weerde van eenen Peter, in deser scheydingen de oic
bevorweert ende gesloten, dat de voerscreven Lodewyck van Heffene
Kersmisse naestcomende, twaelff Rynsgulden eens elken van
den voerscreven Vrancke synen soon gilden ende betalen sal tot
dien tot twintich stuvers gerekent, welke scheydinghe
en deylinge der voerscreven goeden, hebben de voerscreven Lodewyck
van Heffene, Ende oic de voerscreven momboiren inden name
vanden voerscreven Vrancke van Heffene den sone, gelooft ende
elc van hen besunder, te houden eeuwelic vast gestentich
ende van weerden ende daer tegen nemmermeer doen
oft seggen, by hen selven, noch by nyemande andere in
gheender manieren alle argelist vutgescheyden, de selve
momboren inden name vande selve Vrancke den sone dien
daer inne gelyc voer vervolgende
hebben quytgeschonden los vry ende ledich, den voerscreven
Lodewyck van Heffene van allen den haeffelike goeden
die den voergenoemde Vrancke den sone, byder doot van wylen
jouffrou Agneten Weelmans synder moeder ende de voerscreven
Lodewycx huysvrouwen, in eeniger manieren gebleven ende
versoenen syn
IIa marcy tempore simile
Johanestelere
Relicta quondam
Baerdegeem, Zoeten, Henrick de Nestelere, Wullenweven, ende Henrick
ende Dierick Neefs vander moeder wegen, als momboiren ende inden
de Nestelere lynenweven van svaders weghen ende Jan Wouters
name van Janne de Nestelere, wylen Jans de Nesteleren soon, onder
syne jaeren etcetera wesende, die sy in hen vervinghen, hebben quytgesconden
los vry ende ledich, Beatris ghevele, weduen vanden voerscreven
wylen Jan de Nestelere ende des voerscreven Jans Nesteleren, des soone
moeder van allen den haeffeliken goeden, die den selven Janne
de Nestelere, den sone, byder doot vanden voergenoemde wylen Janne de
Nestelere, synen vader in eeniger manieren gebleven ende verstorven
die der voerscreven weduen man was doen hy leefde in eeniger manieren
gebleven ende versterven moegen syn
IIIIa marcy tempore simile
Item. De voirgenoemde wedue ende oic Jan Smet, diemen heet de Staefmaker