Blader door transcripties » Stadsarchief Mechelen

archieftoegang 2, inventarisnummer 937, pagina 133

Johannes vander
Hayct
Balen
Baerde, Bossche. Barble Deens diemen heet sKempeneren, met Janne
van Aedegheem den jonghen haeren man, heeft vercocht Janne den
Coninck als momboir ende tot behoef van Janne Dene diemen heet
sKempeneren, der voerscreven Barblen brueder, de helft van vier gouden
gulden van Florencen erffelicx chys daeraf dander helft, Lysbetten
deene diemen heet sKempeneren synder zuster toehoirt, die de voergenoemde
Barble hadde, op een huys metten hove gronde etcetera, toebehoerende
Henricke vander Berct gelegen opte Aenslagershergracht tusschen
Wouter tSermartens erve aen deen zyde ende der weduen van
wylen Henricx vander Berct aen dander zyde
Ende de drie vierendeel van eenen chysgulden oic erffelicx chys
die deselve Barble oic hadde, op een huys metten hove gronde
toebehoirende Casen van Heyst gelegen inde Vooghstrate tusschen
Margrieten Coelemans erve aen deen zyde ende Janne van Hoevorst erve aen deen zyde
A Domino Mechiniensi, Waranderende.
Ultima april
Venne alias
Spenere
Heelt, Baerdegem Jan vander Beke wylen Claes vanden Beke ende wylen
ende consente
Goedelen vander Hayct zyns wyfs soon, by bywesene van Janne vander
Hayct wylen Gabriel vander Hayct, soon synen oem, heeft openbairlic
voer ons bekent dat hem Jan vander Hayct, syn oude oem ende momboir
goede rekeninge ende rechtveerdich bewys gedaen heeft van allen den
haeffeliken goeden die den voerscreven Janne vander Beke byder doot vanden
voerscreven wylen Goedelen vander Hayct synder moeder in eeniger manieren
gebleven ende verstorven syn, Ende daeraf ende oic van alle der moeyten
quellingen ende heysschen, die hy den voerscreven syne momboir vut zaken
vanden voerscreven goeden, oft vanden Regimente der selver Marie
in eeniger manieren soude moegen doen, heeft hy quytgeschonden
huer momboir
den voerscreven Janne tot synen ende synen medemomboir behoef ende
alle andere dies quitancie behoeven, geheelic ende al
prima marcy tempore simile
soldonc
Heffene et
Acomen
wesende die sy
heeren verving
Gestelle, Vossele. Lodewyck van Heffene wylen enige van Heffene ende
wylen jouffrou Margrieten vander Poirten, wettich soon, aen deen
zyde, ende Reyner de Heelt ende van Henrick vander poerten van svader
weghen ende meester Hubrecht Welmans ende heer Jan Weelmans
priester ende Meester Hubrecht Weelmans docteur in hove vanden
moeder weghen, als momboiren ende inden name van Vranckere dair
onder
van Heffene de voerscreven Lodewycx van Heffene wettich soon, aen dander
zyde, hebben openbairlic voir ons bekent, dat sy alle de erffelike
ende leengoeden, bynnen ende buyten der stad ende verheyt van Mechelen
gelegen die den voerscreven Lodewyck ende synen soon, byder doot vanden
voerscreven wylen Vrancken van Heffene ende van wylen jouffrou Margriete
synder huysvrouwen ende desselfs Lodewycx vader ende moeder in
eeniger manieren, gebleven ende verstorven syn minliken gescheyden
ende gedeylt hebben inder vuegen ende manieren hier naer verclaert
Alsoe dat by crachte vander selver scheydingen ende deylinghen
De voergenoemde Lodewyck van Heffene, voir syn paert een deel der selver