Blader door transcripties » Stadsarchief Mechelen

archieftoegang 2, inventarisnummer 937, pagina 131

Thomas
Blancke
Gestelle, Haende. Gerardus de Blaeuwe, Seggende ende ons te kennen
gevende, dat Thomaes Blancke, wylen Mathys Blancken soon
met synen pren penningen, gecocht heeft opte stad van Mechelen
ierst ten live van Vincent de Blaeuwe, Sesse scellinge
onder grote Turnoyse vander maten ende oic ten
live van Anthonis de Blaeuwe den voerscreven Geraede
kynderen gelyke sesse scellinge ouder grote Turnoyse
daer inne de voerscreven Thomaes syn percepe ende heffen behouden
heeft, Ende daer om ende om dat de voerscreven Gerarde, weder
gebruyken woude goeder trouwen, totten voerscreven Thomaes
Soe heeft de selve Gerarde, gelooft voir hem syn hoir
ende nacomelingen, dat oft gebuerde, dat de voerscreven
Vincent ende Anthonis syne kynderen, oft eenich van hen
storven voer den voerscreven chymaer, dat hy alsdan
den selven Thomaes, soe lange hy leven sal in
jaerlicx gaene van dan voertaen geven ende betalen
de voergenoemde Twaelff scellinge ouder groten, tot alsulke
termyne, als die nu Willem ende verschinen, sonder
ende om der meerder zekerheyt daeraff den voerscreven Thomaer
eenich wederseggen, Om welke gelooften alsoe tonderhouden
te doene heeft de voerscreven Geraerde, den selven Thomaes
daervoir verbonden ende te pande geset, alle syne haeffelike
goede waer die bevonden zelen worde ende oic inne
erffelike goeden metten gronde etcetera bynnen der gelegen
XX february
Magriete Walters
vander Voort
de jonghe
Mol, Bossche. Adriaen van Oversteghe heeft vercocht Meester
wylen Blicx soe
Wouteren vander Voort, Een huys metten hove schueren gronde
dat ierst wylen Machiel vander Beke toe plach te hoeren ende
dat daer na toebehoirde, meester Herman van Hamme, gelegen
tot Neckerspoele inde Beghinenstrate tusschen Jan Vossensteert
erve aen deen zyde ende Jan Blylevens erve de jongen
aen dander zyde. A Domino Mechliniensi, Waranderende. Op eenen mottoen daer
jaerlicx vutgaende
XXIa february
Puersse
Margareta de
Begere, Ghooten, Jan van Puersse, heeft vercocht Margrieten
van Puersse, synder zuster, de helft van eenen huyse metten
hove gronde etcetera daeraf dander helft der selver Margriete
toebehoirten, gelegen inde Penningstrate opten hoeck vander
Yperstraten, tusschen deselve Yperstrate, aen deen zyde
ende der weduen ende kynderen erve van wylen Gielis sHertoge
aen dander zyde, welc huys metten hove den voerscreven Janne
ende Magrieten van Puersse, byder doot van wylen Janne van
Puersse haeren vader verstorven es. A Domino Mechliniensi, Waranderende. Op twee
chysgulden ende sesse pond thien scellinge payments
vuten selve geheelen huyse jaerlicx gaende
Assignavit II Peters IIII stuvers
XXV february
Johannes Voet
Baerde, Mol. Reyner van Bennebeke ende Gielis Hofman van svaders
weghen, Willem vanden Holze ende Rommond Lauwers vander moeder
weghen als momboiren ende inden name van Cristinen voete, onder
de haere jaer te wesende, die sy in hen vervingen, hebben quytgesconden
los vry ende ledich Janne Voet weduere van wylen Kathelinen
de voirscreven cammen vander
vader Holze sinen wive van allen de haeffeliken goeden die de
voerscreven Cristinen voet, byder doot vander selver Katheline vanden
Holze, haer moeder ende des voerscreven Jan Voets wyf doen sy leefde
in eeniger manieren gebleven ende verstorven syn, Ende aen dander zyde
heeft oic deselve Jan Voet gelooft, de voerscreven Cristinen synder
dochter met hem bynnen synen huyse te houden ende haer een dancke
cleederen schoenen ende al tgene der haeren leven noot syn sal tamelic
sonder te geven ende haer ter schoelen, oft tot eenigen handwerk
haer dienen te vuegen, sonder der selver Cristinen cost oft last ende
daervoir heeft hy verbonden, hem selven ende alle sine haeffelike goeden
waer die bevonden zelen worden, die hy nu heeft ende namaels
hebben ende vercrigen sal
XXVa february tempore simile
Cornelis de
Heffene
heer den coope van Boningen van Verre van een de mannen vander minder
Aa, Rende hem. Bartelmeus haer rentmeester van onsen genadigen
stad ende verheyt van Mechelen ende oic vanden bastaerden goeden, hebbende
om tgene te doene, dat hier na bescreven staet volcomen macht vanden
lesteren ende gaen, desselfs ons genadigen heeren geconteert op tFayt
vanden selve men de manien ten noventien, gelyc dat by eender acten daer
op gemaect de lesten dach van oct int dit tegewordich jaer desen
vierhondert vierentzeventich claerlic blyct heeft inde name ende van
weghen, ons voerscreven genaden haeren vercocht Cornelis van Heffene
de helft van eenen huyse metten plaetsen vutgange achterwaert comende
achterweerts tot opten Zoutwerf, die wylen Janne Belyanen, tot als
Vastaert toe plach te hoeren, gelegen in beghinsel van Onser Vrouwen
strate byde Corenmarct tusschen een ander erve den selven Cornelis
toehoeren ende thuys den Vos geheeten, dat wylen Joos Ryns
toehoirde, aen dander zyde. A Domino Mechliniensi, Waranderende. Opten chys ende commer daer jaerlicx
vutgaende
XXVIa february
Johannes de Dier
^
sal ondam Henrick
met Jacop Wabbel haeren man, hebben vercocht Adriaen van Hazeldonck
Aa Baerdegen Jan van Dueren, Ende oic Lysbeth van Dueren syn zuster
ende Gielis de Moor als momboiren ende tot behoef van Janne van Dueren
wylen Henricx van Dueren soon, alle haer recht part ende deel, dwelck
de voerscreven Jan ende Lysbeth van Dueren hadden inde erffelike goeden metten
gronde etcetera hier na bescreven henlieden byder doot van haeren onderen
verstorven inden yersten int tvierendeel van eenen huyse metten hove
ende met eenen stuc lants gelegen tot Heffene op Hoedonck tusschen
Henricx van Mecheeren erve aen deen zyde ende Jacop Cas erve aen
dander zyde, den in tvierendeel van eenen stuck bempts houden
aldaer
int geheet omtrent twee vierendeel ende een half gelegen in Zennebroeck
tusschen Jans de Cale erve aen deen zyde ende der weduen ende kynderen erve
van wylen Janne van Scakenbroeck aen dander zyde. Item in tvierendeel
van eenen stuc bempt houdende int geheel omtrent een buender geheeten
den Esch gelegen aldaer tusschen eenen bempt geheeten sMaesbrabant aen
deen zyde ende Gheetvlyet aen dander zyde. Item inde helft van eenen
stuc lants houdende int geheel omtrent een vierendeel gelegen aldaer
op Heffendercouter tusschen der weduen ende kynderen Sambachts erve
aen deen zyde ende Florys van Merchteren erve aen dander zyde. Item
inde helft van eenen stuc lants houdende int geheel omtrent drie hont