Blader door transcripties » Stadsarchief Mechelen

archieftoegang 2, inventarisnummer 534, pagina 8

enen vremden man ofte wiif enen man sonder bloetraste of sonder
ter erden te stortene, verbort x. s. Dien doet storten hier mede ter
erden sonder bloetraste, hi verbort. xv. s. Dien bloetrast daer mede,
hi vebort xx. s. Sloughe hine met eneghen andren dinghen sonder
gheslepen of verseit wapen ende sonder bloetraste, hi verbort xxx. (lb.)
s. Bloetraste hine daer mede, hi verbort xl. s. Sloughe hine met ene-
ghen gheslepenen wapene sonder verseit wapen stiete of stake of
worpe sonder bloetraste, hi verbort xl. s. wont hine daer mede
sonder steken of sonder mincke verbort iii. lb.
Alle dese boeten die hier vore ghenoemt siin in desen poenten
werden si verbort op kerchof of bi nachte vore dief clocke, si siin
twee vout. Werden si verbort inde kerke of om getughe te dra-
ghene in rechte of tsaterdaghes of nachs na die dief clocke, si werdē
drievout.
Alle dese vorgenoemde boeten in desen poenten wallen si enen
vremden man ane enen portre ofte vremden man ane enen vrem-
den man of man ane een wiif. Si siin terdendeel mere dan hier
daer si hier boven bestreven siin in desen poenten.
Vort, alle die poente ende alle die boeten die in dit selne poent na volgen
toeten ende van desen poenten siin iegheliken die buten der stad dienste
siin even gheliic.
Ende wie van desen vorgenoemden in dit selne poent den andren stake
met eneghen gheslepenen wapene sonder verseit wapen soe dat hine
daer met bloetraste, hi verbort xv. lb. ochte dat wapen ochte een
alsoe geliic dore sine palme geslaghen. Stake hine of slonghe met eneghen
verseiden wapene sonder bloetraste, hi verbort xv. lb. of dat selne
wapen of een alsoe selc dore de palme te slane (n) wont hine (d) met
enen verseiden wapane, hi verbort lx. lb. of de hant af te slane daer
hine mede wonde.
Wie den andren verminct sonder oghe, hant, voete ofte ore ochte
andren besonder leet te benemene, hi verbort ix. lb. ende daertoe de
boete vanden verseiden wapene op dat met enen vorseiden wapen es
gedaen. Benemt hi hem enichlec sonder oghe, hant, voet ofte ore, hi
verbort xv. lb. ofte alsoe selc let ende daer toe die boete van den vorsei-
den wapene op dat met enen verseiden wapene ghedaen es. Benemt hi
hem oghe, hant, voet of ore, hi verbort lx. lb. Of alsoe selc let ende daer
toe die boete van den verseiden wapene. Op dat met enen verseiden wa-
pane gedaen es ende comt hi van mincken in achten, hi moet in achten
bliven toete dat hi men seker weet dat die gene diere verminct es
van dier quetsinghen en ghene noet van den live en heeft ende mach daer
tenden ende wille die ghene die in achten es seker setten den genen sine