Blader door transcripties » Stadsarchief Mechelen

archieftoegang 2, inventarisnummer 534, pagina 44

Ierst warwen alsoe selc ghelt alse die wisseleren ontfaen den herbghen
van den lakenen selen si den lieden diet toe hoert vorvoets gheven
op dat siit hebben willene.
Vort, elc coeman sal moghen bringhen binnen Mechelen altieren
goet dat ten wollewerke behoert ende dat vercoepen in groten
of in gheheelen sonde barenteren ocht fallatien.
Vort, dat elc vremt coeman die lakene coept binnen Mechelen
die betalen sal ende daer af ghenouch doen binnen den derden
dach marct daghe op die boete van vore, wie langher borghede
men en soudem daer af gheen recht doen ende daer toe soude
noch scouthete noch deeken noch andrer man.
Vort, dat elc coeman die vremde es die lakene coept binnen Mechelne
die betalen sal Ende daer af ghenouch doen binnen den derden
daghe in den wissel, wie langher borghede daer af en soude
men hem gheen recht doen ende daer toe soudi verboren siin wolle-
werc ende x. lb. etc.
Dese poente waren gheordineert in den ghemeinen raed ende over
een ghedraghen int iaer ons heren mccc. ende xlvi. des mane
daghes vore palmsondach.
In den iersten wat weerde of samecoepere die coemanne leideten
ramen ten psen of in draperierhuse om lakene te coepene of te
besiene, hi verborde x. lb. alsoe dicke alse hiit dade ende hiis beproeft
worde ende ene maent siin ambacht ende dat hi hem binne Mechelen
ende binnen dier maent met gheveernen en soude moghen eneghe-
rande zake die ten wollewerke hoeren ende die aenslagher ende
ghereider of draperier die hen aldus toende, verborde oec x. lb.
ende dat hi hem binnen ere maent niet gheveernen en mach an
gherande dinghen die te wollewerke toe behoeren moghen
ende vercoept hi die lakene soe verbort hi die selve boete ende die lakene
die hi vercoept of een pont grote vor elc laken.
Vort, die coeman die allene of met sinen weerd of met eneghen
zamecoepere ghinghe ten ramen ten psen of in draperiers huse
ende hiis beproeft ware, hi verborde x. lb. ende hadt hem siin
weerd gheseeght dat hiis niet sal moghen doen soe sal die coeman
die boete ghulden, maer en hadt die weerd sinen coeman
niet gheseit soe ghilt die weerd die boete.
Vort, wonde de deeken ene
ane segghen dat hi aldus lake
hem dies ghene wareheit hem ende vermate al hadde
huus sien gaen. Soe moetste de draperier aneslaghere of gherevrere
hem daer af onsculdeghen ten heyleghen dat hi en ghene lakene die
coeman toent en hadde noch vercocht noch dat hi niet en wiste. a at die
coeman in siin huus comen soude. Ende hier mede soude hi gestaen
naer ane die coeman die al dus allene of met sinen weerd of samecoepre,
ghinghen. Ende ane den weerd of zamecoepere die aldus metten crt
ghinghen waren die boeten verbort ende versteden gheliic alse lit
es verclaert.
Vort, wat draperiere aenslaghere of ghereidere enich laken sende
Om te besiene oft te vercoepene ende dies beproeft
cx. lb. ende dat hi hem binnen ere maent niet ghe-
neerne en mach ane enegherande dinghen dien den wollewercke
toe behoeren ende worden daer de lakene vercocht soe verbort hi oet
die lakene of een pont grote vore elc laken maer ende wilt de deeken
op hem niet beproeien soe mach hi hem onsculdeghen ten heyleghen.
alse vorscreven es hier vore.
Vort, wat weerde of zamecoepere enich
doet dat ten wollewerke toe behoert et
gheselle ane es weder d ae.
ghen. Dat goet warere e
coept ende hier af stundere es. Ende die werd of ia mecoepere diet
aldus vercoept ochte vercoepen doet elc van hen verbort x e.
ende dat hi hem binnen ere maent niet en sal moghen ghenee.
ane wollewerc of iet datter toe hoert in dien dat hiis beproeft ware
sn woudent hede deekene op segghen op dat siit niet beproefden dan
vaore moesten hi hem ontsculdeghen ten heyleghen.
Vort, wie huer ieghen quame of dade met fallatien of met arghelist
geg hen eneghen van desen poenten ende dies beproeft worde, hi verborde
de selve boete.
Vort, die deeken of hare cnspen selen dese poente wachten ende
calengiren vare siit weten ende daden siis met daer siit wisten ere
beproeft worden. Soe verborden si haren dienst teenweleken das
iaaer woude ment hem op segghen do dat siit wisten ende niet caler
gierden ende ment op hem niet beproefde soe moesten si hen ontsculdeghen
ten heyleghen gheliic alse boven es ghescreven van den draperien
aenslaghere ende ghereideren.