Blader door transcripties » Stadsarchief Mechelen

archieftoegang 2, inventarisnummer 534, pagina 26

Dit es die ordinantie van den wollewerke te mechelne van wollen te vercoepene.
Wie dat wolle vercoept binnen Mechelen in ghelen zacken ende
gheloest hi dat si hare wale onderdraghet alsoe alse mense boven
siet ende en es siis niet. Dat moet men beteren met manessen
soekens met widoeme der ghesvorne naer die waerheit ende dat
coemans goet altoes gane ende goet sculdich es te sine.
Vort, al en seide hier niet toe diese vercochte tot ende dore hare
moeste, hi betren met manessen soekens met widoeme der ghesvorne
na dien dat men daer in voude.
Vort, ouvertullich sant, dat es te verstane boven vi. ponden in
elken zac moet ghebetert siin ende dwater dat inde wolle es
alsoe vele alse weegt met manesse soekens en met widoeme der
ghesvorne na dat mer in vonde.
Vort, bescapde scorfde wolle moet ghebetert siin ten derdendele
ende ware alte onsuver soe moest meer siin ghebetert ende diese
vercopt hi machse weder nemen over dat hi weegt.
Vort, alle die wolle die men vercoept in gheelen sacken moeten in
derre maniren vercocpt siin dat de deken siin maenre ende ghe-
svorne siins wisers daer siis niet en over een en draghen.
Vort, alle ghestorde wolle die men coept ofte coepliict moet
ghestort siin gheliic ende alle dat grove af datter af behort te
sine gheluc dat mense blesen soude, wies niet en dade verborde
van elken stene v. s.
Vort, alle verlesene wolle die men vercoept of coepliict moet
gheliic siin onder ende boven waersi argher ware ter ere stad.
dan ter andere elc steen verborde v. s.
Vort, moet men tiit wolle bi hare allene vercoepen verlesen wiere
peel wolle onde vercochte elc steen verborde v. s.
Vort, wie tiit wolle of peel wolle vercochte of coepliicte daer men
lam wolle onder vonde, die lam wolle ware, verbort alsoe dicke alsemer