Blader door transcripties » Stadsarchief Mechelen

archieftoegang 2, inventarisnummer 534, pagina 20

heeft. Dat sal de scouttete alsoe doen. Vort, sal de scouttete manen sal
hier meer toe doen. Dan sal die scepen wisen, hi saels vertien metten
halme siins dancs ende siins willen ende waerscap gheloven. In
dien dats nu siin gheselle volget ende waren daer meer scepenen
soe sonde hi segghen. In dien dats on de scepenen volghen, dan sal
saelt de scouttete al soe doen. Vort, sal die scouttete manen ofte hi
dat goet alsoe heeft. Dat hier in erven mach dien man ofte
dat wiif ofte dat kint diet alsoe ghecreghen heeft. Dan sal
de scepenen wisen op verbeteren van sinen ghesellen ofte van
scepenen. Eest dat daer meer scepenen siin bi. na datter toe ghe-
sciet es. Dat ghi dat goet alsoe hebt. Dat men dien man scul-
dech es daer intervene behoudeleken iegheliken sinen rechte.
Dit selve wisen ende tvonnesse es alse een man wille ver
copen tsiis ofte pacht op siin erve ofte op lant daer hem
niet ane bliven en sal.
Ende ware eenich goet ofte tsiis comen vander vrouwen
weghen die vii man hadde. Soe soude die vrouwe met haren
witteghen mombore dies goets ute gaen gheliich alse haer
boven bescreven steet.
Over dat een man vercopen wille tsiis ofte pacht op siin
erve. Daer hem siin erve bliift, soe sal die scepen wisen den
scouttete dat die ghene diet vercocht heeft bekennen sal,
den ghenen diet ghecocht heeft, metten clede ende ghi
scouttete selter u hant ave slaen halse here.
Al die ghelike sal men wisen als men vercopt tsiis ofte
pacht te iemens live op goet daer men ane behout.
Dit selve sal men wisen alse goet comen es vander
vrouwen weghen dat siit doen sal met haren witteghen
momboren. dat es te verstane van goede daer hem noch ane bliift.
Wille een man copen enich erve ofte lant ofte tsiis daer maer
siin toecht enes ende die erfghenamen siin recht oech siin recht daer
af vercopen wille. Ende de scouttete maent hoe hiis ghelosen sal, soe
sal hem de scepen wisen op verbetren van den scepenen. Dat hi dat
goet met enen halme op draghen sal alse tochtere u her scouttete.
In uwen handen ende tes ghens boef die erfghename daer ane es,
dat sal die scouttete al soe doen. Vort, sal de scouttete manen watter
meer toe sal ghescien. Dan sal die scepen hem dus wisen dat
die ghene ochte dies tocht oft dies goets es vaen sal metten
halme ende versekeren ende versveren bi trouwen ende bi eden. Ende
ninnermeer te calengirene die tocht omme neghenen noet die
hem ghescien mach ende alse de scouttete dit ghedaen heeft, dan
maent die scouttete vort ofte hi dat goet alsoe heeft dat hiere den
erfghename in erven mach. Dan sal hem de scepen aldus wisen. Saghi
her scouttete met al datter toe ghesciet es tes erfghenamen u
behoef behoudeliken geghewelken sinen rechte.
Dan sal de scouttete vort manen hoe dat die erghename ofte die man
vorgheloessen sal. Dan sal de scepen wisen dat hi dat goet op dragen
sal met enen halme u her scouttete. In uwen handen ende daer toe
doen ghelucht eest man oft wiif die ane al sechch goet niet en sal
bliven ende wisen vort gheliich dat daer boven in dierste bescreven steet.
Wille een man siin erve iemen terve ghenen tochtere
ende siin kint alse erfghename, ende die scouttete dies ghemaent heeft,
dan sal hem die scepen wisen op verbetren dat die vader alse tochtere
ende siin kint alse erfghename bekennen sal metten clede. Ende
ghi her scouttete selter u hant ave slaen alse here behoudelike
geghewelken sinen rechte op al selken tsiis alsere vore ghenoemt es.
Wilt een man allene doen van siins selfs ane ofte wilt een
wiif doen van hare selfs erve, Die neghenen ghetruden man
en heeft. Dien wive sal men leveren enen mombore van dien