Blader door transcripties » Stadsarchief Mechelen

archieftoegang 2, inventarisnummer 948, pagina 94

Henrick Balleman
Langhe, Dyest. Jan de Gorttere wylen Adams soon heeft vercocht Henricken
Balleman spellemakere, Sesse scellinge groten Brabants gelts erffelicx
chys Te heffene altyt opten viventwintichsten dach van
meye Op ende aen des voerscreven Jans huys metten hove gronde etcetera
gele Twee huysen metten hoven gronde etcetera gelegen deen
neven dander inde Corte Penningstrate tusschen Jans van Halen
diemen heet Joes erve aen deen zyde ende Jans de Coninck
erve aen dander zyde. A Domino Mechliniensis, Waranderende. Op anderhalver gouden
Rynsgulden elken van dien tot veertich groten Vlaems gelts
gekent ende sesse scellinge groten Brabants gelts dair jaerlicx
voir vutgaende
Assignavit den XXVI denier
XX may tempore simile
Joes Vrancx
Lange, Keyenoege, Jan van Scakenbroeck inden name van Casen van
van synder moeder wegen
Steenwinckele synen brueder, absent ende buyten lands wesende die
hy in hem vervinghe, hebbende om tgene van des voerscreven Casens
wegen te doen dat hier na bescreven staet vanden selven Casen
volcomen macht gelyc ons dat by eender procuracien daer op gemaect
ende bezegelt metten zegel vanden Hoegen hove des conincx van
scicken alsoet scheen, claerlic bleeck, heeft opgedragen ende
overgegeven tot behoef van Joesen Vrancx alle trecht ende deel
dat de voirgenoemde Casen hadde ende hem byder doot van wylen Laureys
van Steenwinckele synen oem gebleven ende verstorven is, in
Twee huysen metten hove gronde etcetera desselfs Joes kynderen
van synen nabedde toebehoerende, gelegen deen neven dander inde
Lange Byest, tusschen Meester Peters van Cruybeke erve
aen deen zyde ende des voerscreven Joes kynderen voirgenoemde ander erve
aen dander zyde. A Domino Mechliniensi, Waranderende.
XXVI may tempore simile
Henrick Scheers
Lange, Keyenoege, de Scheers met Daneel van Nokere diemen heeft
de Raeymakere haeren man, heeft vercocht Henricken Scheers haeren
brueder, haer helft van Eenen stuck eussels metten gronde etcetera
houden int geheel een luttel meer dan drie vierendeelen, gelegen
tot Hevere, tusschen de Jans Gracht aldaer aen deen zyde ende
Jans van Guylke erve aen dander zyde, daeraf dander helft
den selven Henricken toebehoert, Ende haer drie pond acht
scellinge payments erffelix chys die sy heeft op een huys
metten hove gronde etcetera, toebehoerende Janne Scheers der voerscreven
Henrix ende Yden Scheers brueder van haers vaders zyde
gelegen aldaer aende Heverheyde, tusschen sHeeren strate aldaer
aen deen zyde ende Couthemvelt aldaer, aen dander zyde. A Domino Mechliniensi,
Waranderende etcetera
Assignavit VIII Peter eens
ut supra
Jan Ghevoets
Borch, Hulst. Henrick Willems heeft vercocht Janne Genoets Wullewevere
Een huys metten hove gronde etcetera gelegen tot Neckerspoele inde
Gruenstrate in Sinte Jans prochie, tusschen der weduen ende kynderen
erve van wylen Janne Gast aen deen zyde ende Lodewyck Pauwels
erve aen dander zyde. A Domino Mechliniensi, Waranderende. Opte weerde van Sesse scellinge
vier penningen eenen helling grooten ende vier myten Brabants gelts
dair jaerlix vutgaende
Assignavit XL gulden
XXVI may tempore simile
Marie van Wesel
Borch, Hulst. Jan de Reyere diemen heet dessene ende Anselmus
de Hamere diemen heer Roelands als proviseurs ende inden name
vander taflen des Heylichs Gheests vander prochiekerken van Sinte Peters
bynnen Mechelen, hebben om des meests orboirs ende profyts wille vander
selver taflen vercocht Aerde vander Heyden endest:t; Marien van
weselle, Een huys dat tanderen tyden drie woeningen geweest
hebben metten hove gronde etcetera gelegen buyten de Zantpoorte
inde Ridderstrate tusschen Henrix vander Poorten ende Lodewycx
Vleming erve aen deen zyde ende dae Lysbetten Wouters
erve aen dander zyde. A Domino Mechliniensi, Waranderende. Op vier capuynen
ende thien honde Jan sesthien scellinge payments daer jaerlicx
vutgaende
Assignavit XVI gulden eens
supra tempore simile
Jan van Beringen
geheeten ter
Groten
Lange, Vos. Katheline Te Matheeus wedue van wylen Willem
Gheerds, cum tutore als eene tochtenersse, Ende Jan Henrick ende
Willem Gheerds gebruederen ende Lysbeth Gheerds haerlieder zuster een
tutore alle wettige kynderen vanden voerscreven wylen Willem Gheerds
ende vander voergenoemde Kathelinen synen wive, cum tutore alsoe als
erfgenamen hebben vercocht Janne van Beringen vroeghscheerde
vyff scellinge groote Brabants gelts erffelix chys Te heffene
altyt opten achtentwintichsten dach van meye, Op ende aen
des voirgenoemde tochtenerssen ende erfgenamen vier sevenstedeelen
van Eenen stuck lants oft hoots metten gronde etcetera houdende
int geheel omtrent anderhalf vierendeel gelegen buyten der
Coepoerten aenden Nyeuwensteenwech, tusschen der hy weduen
ende kynderen erve van wylen Peteren vander Rymeren aen
deen zyde ende de St des Heeren strate aldaer aen dander
zijde. A monialibus, Waranderende. Op eenen ende eenen halve
chysguldenen ende twee pond payments vuten voerscreven percheelen
stuck lants oft hoofs jaerlix voir vutgaende voertaen
heeft de voerscreven Jan Gheerds gelooft der voerscreven Kathelinen
synder moeder ende den voirgenoemde Henricken Willeme ende
Lysbetten Gheerds synen bruederen ende zuster vander betalingen
des voerscreven chys tegen den voerscreven Janne van Beringen ende
alle andere altyt alle scadeloes quyt te houden ende tontheffen
sonder eenich wederseggen
XXVIIa may