Blader door transcripties » Stadsarchief Mechelen

archieftoegang 2, inventarisnummer 948, pagina 95

Symoen Huens
Borch, Hulst. Anthoenis Huens wettich soone van Augustyn Huens
heeft vercocht Olivier van Buedeghem tot behoef van
Symoen Huens den jonghen synen oem, Twee gouden
Rynsguldenen elken van dien tot veertich grooten
Vlaems gelts gerekent erffelix chys Te heffene
altyt opten jersten dach van meye, Op ende aen
alle trecht ende deel dat de voirgenoemde Anthoenis heeft
in Een huys den Roesen Hoet geheeten metten gronde etcetera
gelegen aenden Steenwech van Mechelen tusschen
Augustyn Huens ende synder voerkinderen erve aen
deen zyde ende Jannes Ramont erve aen dander zyde
A Domino de Ghestelle, Waranderende etcetera.
Assignavit
XXIIIa may tempore simile
Elizabeth vander Cluyse
Hoeven, Vos. Wouter Aps heeft vercocht Lysbetten vander Cluysen
vyff scellinge groten Brabants gelts erffelix chys Te heffene
altyt opten neghenentwintichsten dach van meye op ende
aen des voerscreven Wouters huys metten hove gronde etcetera
gelegen byde Peerdemarct tusschen Gielis Boeyenhals erve
aen deen zyde ende Willems van der voerscreven Lysbetten erve
aen dander zyde. A Domino Mechliniensi, Waranderende. Op negenthien scellinge groten
Brabants gelts dair jaerlix voir vutgaende
XXI may tempore simile
Mathys Waelpoyt
te heeren plach ende dat
nu Yngelborch
Hulst, Vos. Jan vander Elst heeft vercocht Mathys Waelpoyts
Eenen chysguldenen erffelix chys die hy hadde ende hem byder doot
van wylen Margrieten Pauwels synder moeder gebleven ende
verstorven syn, Op desselfs Mathys huys de Helle geheeten metten
dat
gronde etcetera gelegen over de Grootbrugghe tusschen thuys tScaecbert
Mechelen aen deen zyde
geheeten toehoerende den ambachte vanden Cuypere ende thuys de
Bazeraert geheeten toehoerende Cornelisen ende Anthonis Gheerden dander
zyde st:t; la Johannes vander Aa, Waranderende etcetera
Assignavit den XXVI denier
ut supra
Gielis vander Hulst
Hoeven Vos Laureys de Dryvere, heeft vercocht Gieles vander Hulst
drie ende eenen halven gouden Rynsguldenen elken van dien tot
veertich groten Vlaems gelts gerekent erffelix chys Te heffene altyt
opten neghenentwintichsten dach van meye Op ende aen des
voerscreven Laureys, Seven gelyke gouden Rynsguldenen oic erffelicx
chys die hy heeft op een huys metten hove gronde etcetera, toehoerende
Janne Cools gelegen op Neckerspoele inde Rechtstrate tusschen
Jans vander Hoeven erve aen deen zyde ende Dignen Barbiers erve
aen dander zyde. A Domino Mechliniensi, Waranderende etcetera met alsulker condicien
dat de voirgenoemde Laureys sal moegen lossen ende quyten de voerscreven drie
ende eenen halven gouden Rynsgulden des voirgenoemde chys altyt als
hem dat gelieven sal ende elken Rynsgulden daeraf met vyfthien
gelike guldenen eens ende met vollen chyse
Assignavit den den
ut supra
de
Magdaleene Schelken
Lange, Vos. Jorys de Neve Willenwevere heeft vercocht Magdaleenen
Scheelkens, Syn derdededeel de dat hy hadde int vierendeel van
Eenen huyse metten hove gronde etcetera gelegen op Neckerspoele
tegen de borch aldaer over tusschen Aerts de Bere erve aen
deen zyde ende Jans de Roeve erve aen dander zyde, Ende
van eenen hove gronden huyse metten hove gronde etcetera
gelegen by Caputsteen tusschen Jan Witte broot erve aen deen
zyde ende Willems Eyermans erve, aen dander zyde
A Domino Mechliniensi, Waranderende etcetera.
Assignavit IIII Peters eens
XX may
Marten van Drymboem
Borch, Hulst. Peter van Esbempde tot behoef van Marten van
Drymbor, heeft verreyct, Een huys metten hove ende achterhuysen
ende oic metten gronde etcetera dat Janne Arens diemen heet Mathys
ende Verwere ende Lysbetten sWalen synen wive toe plach tehoeren
gelegen inde Vetterstrate opten hoeck vander Ledicheyt tusschen
deselve ledicheyt aen deen zyde ende Jan Smeets erve aen dander
zyde, Ende een huys metten gronde etcetera dat den selven Janne
Huens toe ende synen wive toe plach te hoerene, gelegen opte voerscreven
ledicheyt tegen tvoergenoemde huys over tusschen heeren Gregoris
van Rumpst priesters erve aen deen zyde ende der weduen ende
kynderen erve van wylen Janne Thys aen dander zyde ende
censu
ut supra
de Moldere
De kynderen Henricx
ende die sy ende voerscreven
haer bruederen ende zuster
ad ende moeders doode
te samen gecocht ende
zieder desselfs Jan
aldaer
gecregen hebben
Hulst, Vos. Katheline Machest:t; de Moldere, wettige dochter van
wylen Henricken de Moldere ende van wylen Barblen Machiels
synen wive, heeft met Marck Nootens haeren man heeft opgedragen
ende overgegeven tot behoef van Henricken, Merten Peteren ende
Barblen de Moldere haeren bruederen ende zuster, alle de haeffelike
ende erffelike goeden metten gronde ende haeren toebehoerten, bynnen
der voerscreven stad ende vryheyt van Mechelen wesende ende
gelegen, die haer byder doot vanden voerscreven wylen Henricken
ende Barblen haeren oudenst:t; vader ende moeder toecomen gebleven
ende verstorven syn. A Domino Mechliniensi, Waranderende etcetera. De voerscreven Henrick
Marten ende Peter tot haeren ende totter voirscreven Barblen de Moldere
haer zuster behoef waerden daerinne geerft voertaen hebben
de voerscreven Katheline de Marck Nootens ende Katheline syn wyf
gelooft ende elck van hen besunder ende voer al, dat sy ten vermanen
vanden voerscreven Henricken Marten Peteren ende Barblen de Moldere
oft van haeren momboiren comen zelen voir de bancken van
Heyst ende van Keerbergen ende elders daer dat behoeren sal ende zelen
ende veerthyen
aldaer opdragen ende overgeven totter selver Kathelinen bruederen
ende zuster behoef alle dander erffelike onberuerlike ende leengoeden
die der selver Kathelinen by haers voerscreven vaders ende moeders
inden lande van Brabant gebleven ende verstorven syn sonder
dooden bynnen den voerscreven prochien van Heyst ende Keerbergen ende elders
eenich wederseggen
Ultima may tempore simile