Blader door transcripties » Stadsarchief Mechelen

archieftoegang 2, inventarisnummer 948, pagina 93

De selve
Ende om der meerder zekerheyt den voerscreven Rommonden
heeft de voerscreven Jacop
daeraf te doen, Soe hebben st:t; den selven Rommonden
me
daervoer verbonden alle haer haeffelike ende erffelike
goeden metten gronde etcetera bynnen der voerscreven staden
vryheyt van Mechelen wesene ende gelegen die hy nu ter
tyt heeft ende namaels oic hebben ende vercrigen sal
Ende van dien gelooften, hebben oic de voerscreven Henrick
ende syn wyf gelooft ende elck van hen besunder ende voir
al den voirgenoemde Jacoppen vander Hulst tegen den
voerscreven Rommonden Caluwaert, Ende alle andere altyt scadeloo
quyt te houden ende oic tontheffen, Ende om die gelooften
alsoe volstentelic tonderhouden, Ende om der meerder
zekerheyt, den selven Jacoppen daeraf te doene soe
hebben de voerscreven Henrick ende syn wyf den selven
Jacoppen daervoer verbonden, alle haere haeffelike ende
erffelike goeden metten gronde etcetera, die sy nu ter tyt
hebben ende hier namaels oic hebben ende vercrigen zelen
XXI may tempore simile
Aert Mathys ende
Aelbrecht Vliege
Lange, Rende Barble Mathys wylen Aerts Mathys dochter met
Janne de Langhe haeren man, heeft opgedragen ende overgegeven
tot behoef van Aerde Mathys haeren brueder ende van Aelbrecht
Vlieghe haeren zwager, alle de erffelike ende onberuerliken
goeden metten gronde etcetera bynnen der prochien van Hevere
gelegen die haer byder doot vanden voerscreven wylen Aerde
haeren vader gebleven ende verstorven en syn. A Domino Mechliniensi et A Beato
Rumoldo, Waranderende etcetera
XXII may
de selve
te de voirgenoemde Barble met haeren voerscreven man, heeft
openbaerlic voir ons bekent dat de voerscreven Aert Mathys
haer brueder ende Aelbrecht Vliege haer zwager haer
dueghdelic gecontenteert vernueght ende voldaen hebben
van allen alsulken gelooften, als sy haer tanderen tyden in
behulpe van haeren huwelike, dwelck sy metten voerscreven
Janne haeren man aengegaen is, toe gedaen hebben, Ende
van daeraf ende oic van al tgene dat de voerscreven Barble
den voirgenoemde Aerde ende Aelbrechten vut zaken van dien
in eeniger manieren souden moegen heysschen, heeft de
selve Barble met haeren voerscreven man Quytgesconden los
van ende ledich den selven Aerde ende Aelbrechten ende
alle andere dies quitancie behoeven geheelic ende al
ut supra tempore simile
de Bruederscap van
Onse Vrouwen in
Sinte Peters kercken
Dale behooge, Gielis Vrancx Oliviers Vrancx soon, heeft vercocht oic
Janne de Mere als proviseurs ende tot behoef van Onser Liever
Vrouwen bruederscape inde prochiekerken van Sinte Peters
bynnen Mechelen, Twee gouden Rynsguldenen elken
van dien tot veertich grooten Vlaems gelts gerekent erffelicx
chys Te heffene altyt opten viventwintichsten dach van
meye, Op ende aen des voerscreven Gielis huys met eender cleynderen
plaetsen gronde etcetera gelegen inden Ouden Bruel, tusschen Mathys
allen erve aen deen zyde ende Jans vanden Eynde cleermakers
erve aen dander zyde, streckende achterweerts metter selver
plaetsen tot eenen muere den selven Mathys toebehoerende
op twee gouden Rynsgulden vanden voirgenoemde pryse ende de
weerde van twee grooten Vlaems gelts dair jaerlix voir vutgaende
Ende op desselfs Gielis drie gouden Peters elken van dien
tot sessendertich groten Vlaems gelts gerekent erffelix chys die
hy heeft op een huys metten hove gronde etcetera toehoerende der
weduen ende kynderen van wylen Janne de Sceppere, gelegen
inde Ravenberchstrate tusschen der weduen ende kynderen
eenen van wylen Anthoenis Caluwaert aen deen zyde ende Jans
inden Theems Cordewageners erve, aen dander zyde. A Domino Mechliniensi,
Waranderende etcetera.
XXVa may
Anthonis Sammele
Lange, Vos. Jan van Beringhen ende jouffrou Amelbrecht Sammele
syn wyff, hebben opgedragen ende overgegeven tot st:t; Anthoninen
tSammele wettige dochter van wylen Nicasius tsamele
haer thien gouden Rynsguldenen elken van dien tot
veertich groten Vlaems gelts gerekent erffeliker renten, die
sy hebben opte voerscreven stad van Mechelen vallende jaerlicx
ten termynen inden brieve daerop gemaect ende bezegelt
metten grooten zegel vander voirgenoemde stad begrepen, Ac
Renunciavit et promisit, Waranderende. ut in former, Ende tot desen
heeft der Rentmeeste vanden
voerscreven stad behoudelic dese stad daerinne haer recht
syn consent gegeven ende behoudelic den voerscreven Janne
van Beringen ende synen wive daerinne haerer beyden
tocht paysselic ende vredelic alsoe lange als sy ende de
langhstlevende van hen beyden leven zelen paysselic ende
medeelst:t; te gebruykene, Ende tot desen heeft Henric de Lange
een der rentmeesters vanden voerscreven stad, behoudelic derselver
stad daer inne haeren rechte syn consent gegeven
sal opte er opter selver Anthoninen erfgenamen van haers voerscreven
ende behoudelic oic die
levende live ter doot qua
oft de selve Anthonine van
sonder wettich hoir van
haeren live gecomen achter
Claren, dat in dien
gevalle de voerscreven erffelike
rente ingoederen ende versterven
vaders zyde
XXVa may