Blader door transcripties » Stadsarchief Mechelen

archieftoegang 2, inventarisnummer 948, pagina 69

Katlyne van Waes
alle ende et
Dyest, Kermoege, Matheus van Waes wylen Henricx zone
heeft vercocht Henricken de Sceppere wylen Andries zone
tot behoef van Kathelinen van Waes synder moedere ende
des voirgenoemde Matheeus zustere zyn zevenste deel van
twintich scellinge ouder groten Tornoyse vander munten
Opte stad van Mechelen vallen jaerlicx voir deen helft
opten vyfthienden dach in novembry, Ende voer dander
helft opten vyfthienden dach van meye, Gheelick
den brief daerop gemaect ende bezegelt metten
grooten zegel vander voirscreven stad dat claerlic vutwyst
ende begrepen heeft Ac Renunciavit et promisit, Waranderende.
Ende tot desen heeft Wout van Voesdonck, Een de
rentmeestere vander voirscreven stad behoudelic daer selver
stad daerinne haeren rechte syn consent gegeven
XIX marty tempore simile
Peter Caluwaert
Rende, Hulst. Martine vander Wilgen met Anthoenis Bernaerts
haeren man voer deen helft ende Anthonine vander Wilgen haer zuster
cum tutore voer dander helft, hebben vercocht Peteren Caluwaert
Een stuck beempts metten gronde etcetera houdende een luttel min
van een halff buendere, gelegen geheeten de V cleyne Witte Hagen
gelegen tot Hevere innebroeck tusschen Peters vanden
Rode erve aen deen zyde ende Kathelinen van Calsterbroeck erve
aende ende haerer kynderen erve aen dander zyde, Op sesse
penninge Loevens daer jaerlix vutgaende, Ende een stuck
te eussels metten gronde etcetera houdende omtrent een dachmael
gelegen aldaer int Everbroeck tusschen des voerscreven Peters
vanden Rode erve aen deen zyde ende der weduen ende kynderen
erve van wylen Anthoenisen Boom aen dander zyde. A Domino Mechen
de sonder eenigen last van chyse dair jaerlix vutgaende
A Domino Mechliniensi, Waranderende etcetera.
Assignavit LXXXVI Peters
marty tempore simile
tande Rende
Hulst, Keynooge, Marck van Waghene, Joes van Wagheve soon woenende
tot Londerssele heeft gelooft voir hem syn hoir ende nacomelingen
ongevende naer der divisen recht Te geven ende te betalene
Janne de Rende ende oic synen hove ende nacomelingen alle jaere
ten eeuwigen dagen, elcx jaers dest:t; altyt tot Kersmisse daeraf
den jersten termyn van betalingen syn sal, de tot Kersmisse naestcomende
alsulken vyf gouden Rynsguldenen elken van dien tot vyf
scellingen grooten Brabants gelts gerekent, jaerlix ende erffeliker
Renten, als de voirgenoemde Marck, den voerscreven Janne de Rende opten
achtienden dach van decembry lestleden vercocht ende op zeker
syne leengoeden inde voerscreven prochie van Londerssele gelegen, die
hy van Philips van Vessele te leene houdende is, bepant ende
bewesen heeft sonder eenich wederseggenst:t; gelyc den brief daer op
gemaect ende met desselfs Philips ende synder mannen van leenen zegelen
bezegelt dat clairliker vutwyst ende begrepen heeft sonder eenich wederseggen
X marty tempre simile
Jan Loekens et uxore
Borch, Hulst. Jan Haenwych Beckere, heeft Terve gegeven Janne
Loekens ende Kathelinen Penne, Twee huysen metten hove gronde etcetera
gelegen deen neven dander ge inden Stompaerts hoeck, tusschen
des goidshuys van Blydenberge erve aen deen zyde ende Paridaens
van Overbroeck erve aen dander zyde, streckende achterweerts totter
weduen ende kynderen erve van wylen Janne de Neve molibus
Te besittene op eenen erffeliken chys van Twee gouden Peters
elken van dien tot sessendertich grooten Vlaems gelts gerekent
Ende die te betalene altyt opten vyfthienden dach van meerte
Ende opten vorchys van vier pond payments, vier scellinge
Loevens ende eenen chysgulden dair jaerlix vutgaende
Assignavit XVI Peters
XX may
Jan de Lange
Hulst, Keynoogge. Jan Mast heeft vercocht Janne de Langhe, Henricx
sone, Een cleyn,st:t; eenen cleynen hoff metten gronde etcetera
gelegen achter de Halle, byde Zacbrugge, tusschen desselfs
Jans de Lange erve aen deen zyde ende heer Jans vander Straten
priesters erve aen dander zyde. A Domino Mechlinenst:t; streckende achterweerts
tot eenen cleynen straetkene aldaer. A Domino Mechliniensi, Waranderende sonder eeniger
last van chyse daer jaerlix vutgaende
Assignavit XXIIII Rinsgulden eens
marty tempore simile
de aelmoessen busse
vander Clergen
o
Borch, Keynooge, Machiel vanden Bode, heeft vercocht heer Willeme
sCosters priester als executeur vanden testamente ende vutersten wille
van wylen heer Peteren van Maldere oic priester doen hy leefde tot
behoef vander aelmoessen bussen vander Clerghen bynnen Mechelen
twee scellinge groote Brabants gelts erffelix chys Te heffene
altyt opten vyfthienden dach van meerte Op ende aen des
voirgenoemde Machiels huys metten hove gronde etcetera gelegen inde
Kerchofstrate tusschen Rommond Ymbrecht erve aen deen zyde
Meester Jans Boys
wylen
ende Jan Boydens erve aen dander zyde streckende achterweerts
metten voerscreven hove ende vutgange tot inde Blocstrate tusschen
Jans vander Hagen Wullenwevers erve aen deen zyde ende der
weduen erve van wylen Janne de Marten Hermans erve
aen dander zyde. A Johannes de Muysene filio quondam Johannes bastaerden
Waranderende. Op neghen scellinge ende neghen penninge groote Brabants
gelts ende vier gouden Rynsgulden elken van dien tot veertich grooten
Vlaems gelts gerekent daer jaerlix vutgaendest:t; voir vutgaende
Assignavi
XXII marty tempore simile
syns wyfs behoef
Keynoege, Vos, Katheline Bernaerts wettige dochter van wylen
Henricken Bernaerts met Jacoppen de Hont hueren man, heeft
tot es ende Lysbetten Belants
vercocht Jorys Caluwaert huyvettere, de erffelike chyse
hierna bescreven, ierst vyf gouden Peters vander munten
de goeden etcetera. Te wetene sessendertich grooten Vlaems
gelts voir elken van dien Peters prekent erffelix chys