Blader door transcripties » Stadsarchief Mechelen

archieftoegang 2, inventarisnummer 948, pagina 68

Magriete Bernaert
Hulst, Vos. Katheline Bernaerts wettige dochter van wylen Janne
Bernaerts cum tutore heeft vercocht Janne Keyenooghe, als momboir
ende tot behoef van Margrieten Bernaerts haerer zuster, haer vierendeel
ende alle trecht dat sy hadde int vierendeel vander helft van
eender bancken oft stagien wesende vanden vanden thien
bancken, vallende ende staende ter cavelingen int vleeschuys
van Mechelen met haeren toebehoirten. A Domino Mechliniensi, Waranderende etcetera.
Op negenthien scellinge Loevens ende drie pond payments
vuter voirscreven geheelder bancken oft stagien jaerlix gaende
Assignavit IIII Peters eens
XVI marty tempore simile
Heer Henrick Nouwe
priester
Hulst, Vos. Jacop vanden leene, heeft vercocht heeren Henricken
Nouwe priester, Een huys metten hove gronde etcetera gelegen aen
Daenslagersheergracht, tusschen Jacops de Beckere erve aen deen
zyde ende desselfs Jacops vanden Leene ander erve aen dander zyde
A Domino Mechliniensi, Waranderende. Op vyf chysguldenen ende elf groote Brabants gelts
daer jaerlix vutgaende
Assignavit XXIII Peters den chys
X marcy tempore simile
tgasthuys van
Sinte Jolyns
Item. Machiel Yswyn ende Barble h Post syn wyf hebben
vercocht Jannes Hemelryck als rentmeester ende tot behoef vanden
gasthuyse van Sinte Jolyns staende bynnen deser stad, Een ponden
groote Brabants gelts erffelix chys Te heffene altyt opten
Seventhienden dach van meerte Op ende tot twee terminen
Te wetene deen helft daeraf opten seventhienden dach van
Septembry, Ende dander helft opten seventhienden dach van
meerte daeraf den jersten termyn van betalingen syn sal opten
seventhienden dach van Septembry naestcomende, Op ende
aen des voerscreven Machiels ende syns wyfs huys Henegouwe
geheeten metten hove gronde etcetera gelegen aenden Steenwech
van Mechelen tusschen thuys aengien geheeten, toehoerende
Janne Sarens aen deen zyde ende thuys den Gulden Berch geheeten
toehoerende Janne Ghorys aen dander zyde. A Domino Mechliniensi, Waranderende. Op vier
pond twee penninge groote oic Brabants gelts dair jaerlix voir
vutgaende
Assignavit den XXVI denier
ut supra tempore simile
Willem vanden Hoele
et uxore
Borch, Hulst. Heer ende Meester Gielis vanden Bossche priester Cureyt
der prochiekerken van Onser Liever Vrouwen bynnen Mechelen
by bywesen ende volcomen consente van heeren Joes Machtegale
ac priester ende Canonick der kerken van Sinte Rommonds inder
selver stad, daer toe byden heeren deken ende capittulen vander selver
Sinte Rommonds kerken, gecommitteert heeft inden name ende om des
selen vander selve prochieken
meestes orboirs ende profyts wille vander selver aenst:t; erve
van Onser Vrouwe gegeven, Willeme vander Hoelst ende Marien Stevens synen
wive, Een huys met eenen stucke lantst:t; twee schueren
daer aen staende ende met eenen stuck lants ende eenen stucxken
de selve
beempts daer aen liggende ende oic metten gronde etcetera houdende
te samen, een luttel meer van hen buender, dat wylen
Rommonden Stevens toe plach te hoerene ende dat deselve wylen
Rommond, tanderen tyden der selver Curen, met synen testamente
gegeven gelaten ende gemaect heeft gelegen tot Battele
tusschen Gielis Vrancx erve aen deen zyde ende Gielis de Moor
erve aen dander zyde. A Domino Mechliniensi. Te besittene op eenen
erffeliken chys van Eenen scelling grooten Brabants
gelts, Ende dien te betalene altyt opten vyfthienden dach
van meerte, Ende opten voerchys van sevenentwintich
scellinge Loevens vyff chysguldenen ende eenen halven erffelicx
ende sesse veertelen Rogs jaerliker lyfpenst:t; jaerlix lyfpachts
dair jaerlix vutgaende
Assignavit VIII Rinsgulden eens
XVI marcy tempore simile
Jouffrou Laurette
Zype alias van
Beringen
Borch, Vos. Peter van Zuple diemen heet van Beringhen, heeft vercocht
Joes de Vryese Vleeschouwere, als momboir ende tot behoef van Lauretten
wel diemen heet
jouffrou Lauretten van Beringhen beghinnen desselfs Peters dochter
die hy van Kathelinen vander Steghe diemen heer van Ost synen
jersten wive vercregen heeft vyf gouden Rynsguldenen elken
van deen tot veertich grooten Vlaems gelts gerekent erffelicx
chys Te heffene altyt opten vyfthienden dach van meerte op
ende aen des voirgenoemde Peters stuck lants daerop tanderen tyden
Wygaert gestaen heeft met eender schueren ende duyfhuyse
jaer op staende ende oic metten gronde etcetera houdende een luttel
min dan een buender gelegen buyten Sinte Kathelinen poorte
by Hoebergen tusschen des goidshuys van Blydenberghe erve
aen deen zyde ende der infirmarien erve vanden crancken
beghinen bynnen den beghynhove van Mechelen aen dander
zyde, streckende achterweerts tot Lodewycx van Heyst erve
op twee chysguldenen ende eenen halven dair jaerlix voir
vutgaende, Ende voertaen op alle dandere desselfs Peters
erffelike goeden metten gronde etcetera bynnen der voerscreven stad
ende vryheyt van Mechelen gelegen die hy nu tertyt heeft ende
namaels oic hebben ende vercrigen sal. A Domino Mechliniensi, Waranderende etcetera.
Assignavit den XI denier
XIX marcy tempore simile
Willem Mys
Dyest, Keynoogge. Rommond Smet Lynenwevere, heeft vercocht
Willem Mys, Een huys metten hove gronde etcetera gelegen
inde Zeelstrate tusschen des goidshuys van Roesendale erve
aen deen zyde ende Machiel Quaeypeters erve aen dander
zyde streckende achterweerts totten watere. A Domino Mechliniensi, Waranderende. Op
twee goede mottoenen ende twee gouden Peters elken van
dien tot sessendertich groten Vlaems gelts gerekent dair jaerlicx
vutgaende
Assignavit XXVI Rinsgulden eens
de
XIX marcy tempore simile