Blader door transcripties » Stadsarchief Mechelen

archieftoegang 2, inventarisnummer 948, pagina 70

Jorys Caluwaerten
ut supra
Bere plagen
die sy hadde op twee huysen metten hove gronde etcetera toehoerende
Henricken Blieck Vleeschouwers, den ouden gelegen deen
neven dander inden Nieuwen Bruel, tusschen Jan Stuers
ende synder kynderen erve aen deen zyde ende Jans de Witte
erve aen dander zyde, Ende op alle desselfs Henric haeffelike
ende andere erffelike goeden metten gronde etcetera bynnen de
wesen ende gelegen, Item te twee gouden Peters vander
selver munten ende pryse desselfs chys, die de voirgenoemde
Katheline hadde, op een huys metten hove gronde etcetera
toehoerende Janne Neefs gelegen in Onser Vrouwenstrate
tusschen een waterscap aldaer geheeten den Dobbelen
Steghere aen deen zyde ende wylen Jans de Kersmakere
erve aen dander zyde. Item eenen chysguldenen des
selfs jaerlix ende erffelix chys die sy hadde op twee huysen
metten gronde etcetera, daeraf deen wylen Laureysen mede ende
dander wylen Jan Janne vanden Wynkele toebehoerenst:t; toe te
Gheests erve vanden ghiekerken van Sinte Peters bynnen
gelegen opt Nuwelant tusschen der taflen des Heylich
Mechelen aen deen zyde ende wylen Jan Ghevaerts dochter
erve aen dander zyde, Ende acht chysguldenen erffelix chys
die sy hadde opte helft van w vyf cammeren metter
Aerde
hoven gronde etcetera dat wylen die wylen Meesteren Janne
van Cuyde toe plachte hoeren, daer na Henricken Blieck
des voerscreven Henricx Blieck natuerlic sone toeplach te
hoeve ende die nu dest:t; Janne vander Beke toebehoert
gelegen deen neven dander inde Berghstrate byde
Peerdemarct tusschen wylen Wouters Tucback kynderen
erve aen deen zyde ende Gielis Vrancx erve aen dander zyde
Ende oic op alle trecht ende deel dat deselve Henrick Blier
de sone te hebben plach ende dat nu de voirgenoemde Jan vander
Beke oic heeft in dander helft vanden selven vyf cameren
met haeren voerscreven toebehoeren. A Domino Mechliniensis, Waranderende etcetera
Assignavit den XXVI denier
XXI marty
Peter Loy ende Marie
van Resegheem
Dyest, Vos. Peter van Resegheem, tot men behoef ende oic tot behoef
van Loy ende Margrieten van Resegheem synen brueder ende zuster
heeft verreyct, Een huys oft woeninge metten hove ende
overbaer ende metter helft van eender schueren
ende vorschoere daer aen staende ende oic metten gronde etcetera
dat wylen Aerde Berthout ende Mere kynderen toe plach te hoeren
gelegen tot Leest byde Warande aldaer tusschen wylen Jans
van Voesdonck erve aen deen zyde ende des Heeren strate aldaer
aen dander zyde, Op hedicario part
XXI marty
Jan vander Beke
Keynooge, Vos. Aert Cleynaert voir een vierendeel Jan Kenens inden name
van hem selven ende oic inden name van Henricken Biermans ende van
hen Janne ende Margrieten Biermans ende van Peteren vander
Bossche der selver Margrieten man, absent wesende die hy in
hem vervingh, hebbende deselve Jan Kevens, om tgene te doen
dat hierna bescreven staet vanden selven Henricken Janne ende
Margrieten Biermans ende vanden voerscreven Peteren vanden Bossche
volcomen macht, gelyc ons dat by eender procuracien daerop gemaect
ende bezegelt metten zegel ten zaken vander stad van Bruessel claerlic
bleeck, Ende heer ende Meester Aert Aerts priester ende Jan vander Heyden
inden name van Henricken Kevens des voerscreven Jan Kenens brueder
absent wesende die sy in hen vervingen, hebbende oic deselve heer ende
Meester Aert ende Jan vander Heyden om tgene te doen dat hier na
bescreven staet vanden selven Henricken volcomen macht gelyc ons
dat oic by eender procuracien daerop gemaect ende bezegelt metten
zegelten zaken vander voerscreven stad van Mechelen claerlic bleeck
voer dander vierendeel, hebben vercocht Janne vander Beke
vegewarier, haerlieder twee vierendeelen van eenen huyse
metten hove ende met eenen borreputte inden selven hoff staende
ende oic metten gronde etcetera gelegen inde Kerchofstrate tusschen
Jans Bogaert erve aen deen zyde ende Kathelinen van Tricht ende
haren
synder kynderen erve aen dander zyde. A Conventu de Lelyendale
Waranderende. Op vyff scellinge Loevens twee capuynen ende de weerde van
sesse scellingen ende negen penningen groten Brabants gelts vuten
voirscreven geheelen huyse jaerlix gaende
XX marcy tempore simile
Jouffrou Johanne Booms beghine, heeft Quytgesconden
los vry ende ledich, Janne Booms haeren vader weduere van wylen
Marien Bernaerts van allen den haeffeliken goeden, die der voirgenoemde
wylen
jouffrou Johannen, byder doot vander voirgenoemde Marien Bernaerts
haerer moeder ende desselfs Jan Booms lesten wive doen sy leefde
in eeniger manieren gebleven ende verstorven moegen syn ende alle
andere dies quitancie behoeven, geheelic ende al
priest
Heer Willem sCostere
Borch, Keyenooge, Machiel vanden Rode heeft vercocht heer Willeme
sCosters priester, Twee scellinge groote Brabants gelts erffelicx
schys, Te heffene altyt opten vyfthienden dach van meerte
Op ende aen des voirgenoemde Machiels huys metten hove gronde etcetera
gelegen inde Kerchofstrate tusschen meester Jans du Boys erve
aen deen zyde ende wylen Jan Boydens erve aen dander zyde
streckende achterweerts metten voerscreven hove ende vutgange tot
inde Blocstrate tusschen Jans vander Hagen Wullenwevers
erve aen deen zyde ende Marten Hermans erve aen dander
zijde. A Johannes de Muysene filio quondam Johannes bastarden, Waranderende.
Op neghen scellinge ende neghen penninge groote Brabants
gelts ende vier gouden Rynsgulden elken van dien tot
veertich groten Vlaems gelts gerekent daer jaerlix voir vutgaende
Assignavit den XVI denier
XIII marty