Blader door transcripties » Stadsarchief Mechelen

archieftoegang 2, inventarisnummer 948, pagina 64

Philips vanden Bossche
Hulst, Cortrike. Marie Belianen wedue van wylen Janne de Sceppere
cum tutore heeft opgedragen ende overgegeven haer tocht die sy
hadde in eenen gouden Rynsgulden, Te wetene veertich
grooten Vlaems gelts voir elken vanst:t; dien gerekent erffelicx
chys Op elfstedeel van eenen huyse metten hove gronde etcetera
Philips vanden Bossche toehoerende
gelegen inde Milzestrate tusschen der taflen des Heylichs erve
vander prochiekerken van Onser Liever Vrouwen bynnen Mechelen
aen deen zyde ende heer Willems sCosters priesters erve aen dander zyde
streckende achterweerts metten voerscreven hove tot inde Nyeuwestrate
Ende in alle trecht ende deel vanden drie elfstedeelen vanden
selven huyse metten hove gronde etcetera die wylen Philips Steven
ende Janne Belyanen haeren bruederen toe plagen, toehoeren. A Domino Mechliniensi,
juravit tot behoef van Janne Jacopen Ambrosius, Lysbetten Marien
ende Margrieten de Sceppere haeren kynderen totter wille behoef haer
momboiren hier na bescreven ierst daerinne geerft werden
daer naer hebben Jans Jacop de Sceppere ende Machiel Peters
van svaders wegen, Ende Henrick de Blaeuwe ende Jan van
Hoevorst vander moeder wegen, als momboiren ende inden name vanden
voirgenoemde Janne, Jacopen Ambrosius, Lysbetten, Marien ende Magrieten
de Scepere onder haere jaeren etcetera wesende die sy in hen vervingen
den voerscreven
vercocht Philips vanden Bossche den voerscreven gouden Ryns
gulden des voerscreven chys ende alle tvoerscreven recht ende deel vanden
voirgenoemde drie elfstedeelen vanden voerscreven huyse metten hove
gronde etcetera, Waranderende. etcetera
Assignavit XVIII Rinsgulden
X marcy tempore simile
Meester Pauwels van
Wezele et uxore
Item. Jan Mast wylen Jan Mast soon, heeft vercocht
Meester Pauwels van Wezele tot synen ende tot Barblen Mast
syns wyfs behoef, Twee chysgulden erffelix chys die de
voirgenoemde Jan hadde op een huys metten hove gronde etcetera
toebehoerende Henricken Vuystaert, gelegen inde Bruessele
tusschen des goidshuys van Perke erve aen deen zyde ende
Aerts van Vuthem erve aen dander zyde. A Domino Mechliniensi, Waranderende etcetera.
Assignavit den XXVI denier
ut supra tempore simile
Anthoen Moens ende
Cornelis vanden
Eynde
Keyenoege, Vos. Gheerd van Quaribbe ende Joes Nyelen de jonge, hebben
gelooft ende elck van hen besunder ende voir al, dat sy Anthoenis
Moens ende Cornelisen vanden Eynde, altyt scadeloos quythouden
ende ontlasten zelen van alsulken gelooften ende borchtochten
als sy der stad van Mechelen voir den voerscreven Gheerde gedaen
hebben vut zaken vander verpachtingen van eender
Wyntmoelen buyten der Aedegheempoerten, gestaen ende gelegen
deselver stad toebehoerende die de voirgenoemde Gheerd tegen
inder eenich wederseggen
deselve stad achte genomenst:t; drie jaeren tyt te pachte genomen
heeft, Om welke gelooften alsoe volstentelic tonderhouden
Ende om der meerder zekerheyt den voirgenoemde Anthoenissen Moens
ende Cornelisen vanden Eynde daeraf te doen, Soe hebben de
voirgenoemde Gheerd van Quaribbe ende Joes Nyelen den selven
Anthoenisen ende Cornelisen daervoer verbonden ende te pande
geset alle haer haeffelike goeden waer die bevonden zelen
worden ende oic alle haere erffelike goeden metten gronde etcetera
bynnen der voerscreven stad ende vryheyt van Mechelen gelegen die
sy nu tertyt hebben ende hier namaels oic hebben ende vercrigen
zelen
XII marcy tempore simile
Daneel vander
neder alleenen et
Hulst, Keyenooghe. Jan Genoots Wullenwevere heeft vercocht Daneel
vander Nederalfenen tot sinen ende Marien Spelsers syns wyfs
behoef, Een huys met eenen cleynen hove daer achterliggende
ende metten gebruyke van eender waerderywen staende tegen tselve
huys overstaende ende oic metten gronde etcetera gelegen opt Nuwelant
byden Berthoutshof, tusschen Gielis de Vettere erve aen deen
zyde ende Jan tSermartens erve aen dander zyde. A Domino Mechliniensi, Waranderende.
Op twee chysgulden ende tvierendeel van eenen geliken chysgulden
ende neghen scellinge payments dair jaerlix vutgaende
Assignavit XIIII gulden
XII tempre simile
de
Testane Johannes
vanden Damme
alias van Beneden
Borch, Keynoogge. Jan vanden Damme diemen heet van Beneden, wettich soone van
wylen Aerde vanden Damme diemen heet van Beneden, heeft vut synen
vryen wille voireven testament ende vutersten wille gemaect geordineert
ende gesloten, de makinghen pointen ende ordinancien hier na volgende
de welke hy woude ende vuterlic begheerde dat onverbrekelic naer
syn doot onderhouden voldoen ende tot volcomeliker execucien bynnen
executeurs hierna genoemt gestelt ende gebrueght worden
wederroepende ende te nyeuwte doende alle andere testamenten ende vutersten
willen die hy voir namen van desen brieve in eeniger manieren
gemaect ende geordineert mach hebben inden jersten heeft de voirgenoemde
Jan vanden Damme gewilt ende begheert, dat alle synen wettige
sculden metten costen van synder vutvaert voir al van allen
synen gereetsten goeden betaelt worden daer naer heeft de
selve Jan vanden Damme, gemaect ende gelaten tgene dat hier
na volght ierst der fabriken der kerken van Onser Liever
Vrouwen van Cameryke, voir syn onderheveerdich goet op dat hy
eenich hadde vyff scellinge groote Brabants gelts eens. Item
der fabriken vander prochiekerken van Sinte Rommonds tot bynnen
Mechelen acht scellinge ende sesse penninge groten Brabants gelts
eens. Item den onder cureyt vander selver prochiekerken
vyff scellinge groten Brabants gelts eens. Item den bruederscapen
van Sinte Rommonds inder selver Sinte Rommonds kerken vyfthien
scellinge groten Brabants gelts eens. Item den bruederscape van
Sinte Jacop inder selver kerken vyfthien scellinge groote
oic Brabants gelts eens. Item den Convente vanden minderbrueder
bynnen Mechelen tot behoef van pytancien drie pond twaelff
scellinge groten Brabants gelts eens. Item den armen huysarmen
bynnen vander voerscreven Sinte Rommonds prochien, Seven ponden
thien scellinge groote Brabants gelts eens. Item Janne de Dryvere
Jans sone synen Peteren eenen selveren leepel wegende een oich
Item Rynen Reyniers Jacops Reyniers dochter synder Peter
eenen selveren Lepel oic wesende een oicht. Item Henrist:t; Dignen de
Houwene, Henricx dochter synder der Peteren eenen halven leen oic
onghe wegende. Item Janne vander Heyden, Gielis vander