Blader door transcripties » Stadsarchief Mechelen

archieftoegang 2, inventarisnummer 948, pagina 65

Tselve
Heyden sone men Peteren oic eenen selven Lepel wegende een
onghe. Item Gielisen Balleman, Henrix Ballemans sone eenen
gelyken selveren Lepel. Item Janne de Cuypere Jans de
Cuypesmeets sone synen Peteren eenen selven Lepele vanden
selven gewichte, Item den eenigen ende wettigen kynderen
van Gielisen van Belle synen neve woenende tot gheend, eenen
sueren lepel wegende anderhalve oncheer Barblenst:t;
Lysbetten vanden Done diemen heet van Beneden de voirgenoemde
Jan vanden Damme heeft voert gewilt ende vuterlic begheert
dat de voirgenoemde onder Cureyt vander voerscreven Sinte Rommonds kerken
terstont na syn doot voir synder zyelen zalicheyt doen sal
een dertichste ende datmen hem daervoer geven ende betalen
sal, Seven scellinge ende sesse penninge groote Brabants gelts
eens. Item de voerst:t; selve Jan vanden Damme heeft voert
gegeven gelaten ende gemaect, Barblen ende Lysbetten vanden
Hamme diemen heet vanden van Beneden wettigen kynderen van
wylen Aerde vanden Damme diemen heet van Beneden synen
nichten de weerde van Eenen scellinge thien penningen
helling grooten Brabants gelts erffelix chys die hy heeft
op Gielis vanden Grave huys inden Verham achter
tgoidshuys vanden Augustinen bynnen Mechelen gelegen
onder hen beyden evengelyc te hebbenst:t; ende naer syn doot te
hebbene ende te deylene. Item den voirgenoemde Janne de Dryvere
den sone ende Aerde de Dryvere synen bruedere, onder hen beyden
evengelyc naer syn doot oic te hebbene ende te deylene vyf
scellinge Loevens erffelix chys die de hy heeft op Jans de
Bruekere huys inde Stoofstrate achter thuys den Wilden
man geheeten, gelegen, Ende is oft overblyffel van
allen des voirgenoemde Jans vanden Damme haeffeliken ende erffeliken
goeden waer die gelegen syn ende bevonden zelen wost:t; na syn
doot bevonden zelen worden underlinge de ghene die
boven syne wettige sculden costen van synder vutvaert ende
boven syne voerscreven legaten ende makingen, bliven ende overschieten
zelen heeft de voerscreven Jan vanden Damme gegeven gelaten ende
gemaect heeft maect ende laet met desen Jeronimus vanden
Damme diemen heet van Beneden synder wettige dochter die
hy van Margrieten mouts synder wettiger huysvrouwen
vercregen heeft ende allen den anderen wettigen kynderen die
hy vander voerscreven Margrieten moeten synder huysvrouwen
namaels sal moegen vercrigen, om die byder selver Jeronimus
ende den voerscreven anderen ee synen wettigen kynderen terstont na
syn doot in geliken deele ende porcien aenveerden te hebben
te houden ende te besitten ende daer mede na haerer gelieften te
disponeren der selver Jeronimus synder dochter ende alle de
voerscreven andere syne kynderenst:t; wettige kynderen int voerscreven sceplis
overblise van allen synen voerscreven haeffeliken ende erffeliken
goeden, inne gerechte ende eenige erfgenamen ende ende instituerenst:t;
inder voerscreven manieren noemende ende instituerende, den wederseggen
van yemande niet tegenstaende op alsulken last ende condicien
dat de selve Jeronimus ende de voirgenoemde andere syne wettige kynderen
tselve
van ende vut dien salic oft overblisse van allen den voerscreven
haeffeliken ende erffeliken goeden, sculdich ende verbonden zelen
syn in gereeden penningen te geven ende te betalene, Joesen vanden
Damme diemen heet van Beneden des voirgenoemde Jans vanden
Damme natuerliken soone dien hy van Margrieten vander
Lynden vercregen heeft, soe verbanneer hy tot synen jaeren
van discrecien gecomen sal syn viventwintich pond grooten
Brabants gelts eens, Ende op dat die tegewordich syn testamente
ende vutersten wille, te bat ende volcomeliker inder vuegen ende
manieren boven verclaert tot behoirliker ende volcomeliker execucien
gestelt moegen worden, Soe heeft de voerscreven Jan vanden Damme voirscreven
inne executeurs van desen synen testamente ende vutersten
wille gecoren ende genomen, eenre ende bescheyden mannen, Te wetene
Meester Janne van Belle met synen oem woenende tot Ghend, den
voirgenoemde Gielisen van Belle desselfs Meester Jans sone, een neve Joesen
vanden Damme diemen heet van Beneden beckere synen hoeve ende
genadere ende Henricken vanden Broeke, brueder, den welken hy
gebeden hadde ende adt met desen den last vander execucien
vanden selven synen testamente, te willen aen nemen, makende
ende latende elken van hen voir de sone ende arbeyt die sy in desen hebben
ende byden zelen, Een pond groote Brabants gelts eens in welker
synder executeurs vanden de voirgenoemde Jan vanden Damme geset ende
gelaten heeft set ende laet met desen alle syne goeden tegewoirdich
ende toecomende, waer die bevonden zelen worden, die na syn doot
zelen bliven, alle deselve goeden den voerscreven executeurs in name
ende vormen van testamente verobligerende ende transporterende
ghevende ende verleevende oic de voerscreven Jan vanden Damme den selven
sinen executeurs volcomen macht terstont na syn doot, alle
de voirgenoemde goeden te aenveerden te heffene ende tontfangen ende
daermede te volbrengingen dees tegewoirdich syn testamente
te disponeren ende te ordineren alsoe hen dat mits ende orboirlix
duncken sal, Ende oft noot zy metten selven goeden tegen eenen yegeliken
die die testament souden willen beletten gededingen ende te dingen
ende tselve testament te besidden ende alle tgene daer mede te doen
des daertoe behoeven ende van noode wesen sal, met willende
nochtan de voerscreven Jan vanden Damme dat de voirgenoemde executeurs
oft eenich van hen in eeniger manieren vader gehouden oft
belast zelen syn van de goeden tot haeren handen comende hen verstrecken
sonder argelist. Behoudelyc altyt den selven Janne vanden Damme
synder volcomender macht, die tegewoirdich syn testament ende
vutersten wille te moegen wederroepen minderen meerderen
ende veranderen in al oft in deele, alsoe dicke als hem dat
gelieven ende goet duncken sal
XIIIa marty
Gielis van
Steynemoelen
Lange, Hulst. Heer Peter Persoons priester ende Anthoenis Persoons
syn brueder inden name van hen selven ende oic inden name
van Adriaen Persoens sone haeren brueder absent wesende dien
sy in hen vervangen hebben vercocht Gielisen van Steynemoelen
Hennen Pot ghietere haerlieder vierendeel ende alle trecht dat sy ende
de voerscreven Adriaen hadden ende henlieden byder doot van wylen Janne
vander Poorten haeren oem gebleven ende verstorven is inde