Blader door transcripties » Stadsarchief Mechelen

archieftoegang 2, inventarisnummer 948, pagina 57

de selve
Ende om der meerder zekerheyt den voerscreven hiername daeraf
te doene, Soe heeft de voerscreven Gielis van Steynemoelen
den selven manne daervoer verbonden ende te pande
geset alle syne haeffelike ende erffelike goeden metten
gronde etcetera bynnen etcetera gelegen, die hy nu ter tyt
heeft ende hier namaels oic hebben ende vercrigen sal
A Domino Mechliensi, Waranderende etcetera.
XVII february
Jan van Hamme
Borch, Cortryke. Jan Mol ende Cornelis van Culixrode, als proviseurs
vanden fabriken der prochiekerken van Sinte Peters bynnen Mechelen
h inden name vander capelryen van Sinte Jan Baptisten endest:t;
eenengelycken tanderen tyden deefundeert by wylen Lysbetten
vander Bruggen weduen wylen Aerts van Keghem opten
outaer van Sinte Janne vangelisten inder selver kerken
hebben in bywesene ende volcomen consente van heeren Gielisen
Mennens priese rentmeester, der selver kerken vercocht
Jannen van Hamme Janssoon, vyf ponden Rynsgulden
elken van dien tot veertich grooten Vlaems gelts gerekent
erffelix chys die de voirgenoemde Capelrie hadde op des voerscreven
Jans van Hamme des soons vierendeel van eenen huyse
metten hove gronde etcetera gelegen inde Beghinenstrate
tusschen Jans van Duffle erve aen deen zyde ende Meester
Symons vander Sluys erve aen dander zyde streckende
achterweerts met eenen vutgange tot opte Mylane
tusschen des voerscreven Jans van Duffle erve voirscreven, aen deen
zyde ende Meester Jans vander Straten erve aen dander zyde
Ende voertaen op alle dander syne haeffelike ende
erffelike goeden metten gronde etcetera bynnen groote, presenta
et futura. A Domino Mechliniensi, Waranderende.
XVII february tempore simile
Jan de Smet
I deselve Jan van Hamme de sone heeft vercocht
Janne de met Henricx soon, Acht gouden Rynsgulden
vanden voerscreven pryse erffelix chys Te heffene altyt
opten seventhienden dach van februario, Op ende
aen des voerscreven Jans van Hamme vierendeel vanden
voirgenoemde huyse inde Beghinenstrate ende fundo etcetera. Op
thien scellinge ende sesse penninge groten Brabants gelts
daer vuten voerscreven geheelen huysen jaerlix voir vutgaende
Item op desselfs Jans van Hamme vierendeel van
Eenen huyse metten hove gronde etcetera gelegen
inde Begaertstrate aende Sluysbrugge tusschen
Vylain
de Mylane aen deen zyde ende Peeters Symoens van
Roelaer erve aen dander zyde, drie scellinge
groten Brabants gelts daer jaerlix voir vutgaende, Ende voertaen
op alle dander syne haeffelike ende erffelike goeden metten
gronde etcetera bynnen etcetera gelegen presenta et futura. A Domino Mechliniensi,
Waranderende etcetera
Assignavit den X denier
ut supra tempore simile
Katlyne sConincx
Borch, Dyest. Jan van Nyspen ende van svaders wegen ende Mathys
van Guille vander moeder wegen als momboiren ende inden name
van Willem Storms wylen Gheerds Storm sone, onder sien
jaeren etcetera wesende dien sy in hen vervingen, Ende Aert van Houthem
inden name van Kathelinen Storms de sinen wive ende des
voerscreven Willems zuster die hy in hen vervinghe, hebben
quytgesconden los vry ende ledich Kathelinen vander hove
de sconincx weduen van wylen Jaspar vanden Hove
van allen den haeffeliken goeden die den voerscreven
Willeme ende Kathelinen Storms, byder doot vanden
voirscreven wylen Jaspar vanden Hove haeren goeyheer ende
voerscreven weduen man doen hy leefde in eeniger manieren
gebleven ende verstorven moegen syn ende alle andere dies
quitancie behoeven geheelic ende al
XI february tempore simile
Claes vander Heyden
Hulst, Cortryke. Marie van Haeght wedue van wylen Jannes Blandyn
diemen heet Pauwels, cum tutore ende Katheline Blandyn wedue van
wylen Rommonden Thys met Hubrechten vander Beke nu tertyt
haeren man, als tochtenerssen Reymont Keyenoeghe ende Cornelis
Leeman van svaders wegen, Ende Jacop vanden wyfst:t; Wyelen vander
moeder wegen als momboiren ende inden name van Anthoenis Claes
Rommonde Ypoliten ende Magrieten Thys des voirscreven wylen Rommond
ende der voerscreven Kathelinen Blandyn syns wyfs wettigen kynderen
onder haer jaeren etcetera wesende die sy in hen vervingen, als erfgenamen
hebben Terve gegeven Claes vander Heyden hovenere ende
Magrieten Wouters synen wive, Een huys metten hove gronde etcetera
gelegen buyten de Aedegheempoorte inde Rechtstrate opten hoeck
vander Ridderstraten, tusschen de selve Ridderstrate aen deen zyde
ende der weduen ende kynderen erve van wylen Willeme Bellens
aen dander zyde streckende achterweerts tot eenen hove, toehoerende
Janne Cleerken, A Domino Mechliniensi. Te besittene op eenen erffeliken
chys van drientwintich scellingen ende sesse penningen grooten
heyt
Brabants gelts, Ende die te betalene de voerscreven Marien van
ende
Haeght heeftst:t; alsoe lange als sy leven sal, na daer naer haer
haerer beyder
doot der voerscreven Katheline Blandyns oic alsoe lange als sy
leven sal ende naer haer doot den voirgenoemde kynderen chys altyt
opten vyfthienden dach van meerte vutgenomen den vyftienden
dach van meerte nu naestcomende, ende opten voirchys van vier
chysguldenen dair jaerlix vutgaende
de
XI february