Blader door transcripties » Stadsarchief Mechelen

archieftoegang 2, inventarisnummer 948, pagina 56

Jacop Loots
Hulst, Keynooghe. Jan vander Schueren ende Margriete van Schore syn
wyf woenende inde prochie van Wildebroeck, opte Sessele
onder den jonchst:t; joncheer van Grymbergen, hebben
gelooft ende elck van hen besunder ende voir al ongevrydt
naer der divisen recht gegeven ende te betalene, Jacoppen
loot, oft den brenger van desen, de somme van veertich
gouden Peters elken van dien tot sessendertich grooten
Vlaems gelts gerekent, tot Bamisse naestcomende, sonder
eenich wederseggen
XII february tempore simile
Gielis van Wetten
Rende, Hulst. Machtille Ghoetens wedue van wylen Rommonden
vanden Broeke cum tutore heeft opgedragen haer tocht die sy
hadde in een huys dat vier woeningen syn metten hove
gronde etcetera gelegen inde Jeudenstrate opten hoeck vander
Cattenstraten, tusschen deselve Cottenstrate, aen deen
zyde ende Jans Vliege erve aen dander zyde. A Beato Rumoldo
huer tot behoef van Lysbetten vanden Broeke haerer dochter
dier ierst inne geerft wardt daer naer hebben Henrick
vander Bruggen ende Peter Alboom, als momboiren ende inden name
vanden voerscreven Lysbetten vanden Broeke, die sy by haeren bywesen
in hen vervingen vercocht des Gielisen van Wettere tvoirgenoemde huys
dat vier woeningen syn metten hove gronde etcetera boven bescreven
Waranderende. Op negen scellinge groote Brabants gelts daer
jaerlix vutgaende gelike ende in alle der manden
dwelke
tselve huys metten hove niet lange geleden, ter vierscharen
van deser stad ten hooghsten ende ten meesten pryse vercocht is
weerde van
geweest, Waranderende. Opten neghen scellinge groote Brabants gelts
dair jaerlix vutgaende
Assignavit X Peters eenen
XIIII february
Bover ende onser
medescepenen ordinancien
wille ende consente
Jan Tymmerman
scotelere diemen heet de
Keynooge, Vos. Jan Staefmaker ende Jan Grymmaer als executeurs
sexecucien vanden
ende inden name vanden testamente ende vutersten wille van wylen
Meester Gielisen vander Heyden, hebben vercocht Janne Tymmerman
e Huyvettere, Een huys metten hove gronde etcetera gelegen
inden Ouden Bruel, tusschen Jans de Provene erve aen deen
zijde ende heer Jans vander Straten priesters erve aen dander
zyde streckende achterweerts met eender poorten tot inde
zijde ende Peters van Hevert erve aen dander zyde, geliker
Corte Ridderstrate tusschen Wouters Bogaerts erve aen deen
ende in alle der manieren tselve huys metten hove met
lange geleden, ter vierscharen van deser stad ten hooghsten
ende ten meesten pryse vercocht is geweest. Barbara
Schooff, Waranderende. Op Seven scellinge negen penninge Loevens
drie capuynen, elf pond ende neghen scellinge payments
twee chysgulden ende eenen halven ende een pond groote Brabants
gelts daer jaerlix vutgaende
Assignavit
XVII february
Pot Retro
Jacop Boels alias de
Kempenere
Borch, Voesdonck. Katheline Peters wylen Jan Yuetens dochter
met Janne Lyedekens haeren man heeft by bywesen ende volcomen
consente van Laureys Peters haeren brueder vercocht Jacop
Boels diemen heet de Kempenere, Een plaetse metten
gronde etcetera gelegen tot Neckerspoele opte Heergracht
tusschen dwaterscap aldaer aen deen zyde ende des voerscreven
Jacops ander erve aen dander zyde. A Domino Mechliniensi, Waranderende. Op
drie capuynen dair jaerlix vutgaende
Assignavit X Peters eens
Prima marty
thuys vanden
Ziekerlyeden
Keynoege, Vos. Willem Ghysbrechts er cleermakere heeft vercocht
Henricken vanden Voerde, als rentmeester ende tot behoef vanden
huyse vanden Zyekenlieden staende byder voerscreven stad, Eenen gouden
Peter Te wetene sessendertich groote Vlaems gelts voir dien
Peter gerekent erffelix chys Te heffene altyt opten jersten
dach van Junio, dairaff den jersten termyn van betalingen syn
sal opten jersten dach van junio naestcomende, Op ende aen des
voerscreven Willems Ghysbrechts huys metten hove gronde etcetera
gelegen buyten der Oeversterpoorten inde strate daervoer met
gaet ten voerscreven huyse waert vanden ziekenlieden, tegen den
borreputte aldaer over tusschen Jan Maes erve aen deen zyde
ende Joes de Mazelendere ende Anthoenis vander Poorten erve
aen dander zyde. A Johannes de Oeyenbrugghe, Waranderende. Op drie
chysgulden twee capuynen vive scellinge Loevens vier ponden
sesse scellinge payments ende drie gouden Peters vanden voerscreven
pryse dair jaerlix voir vutgaende
Assignavit den XVI
XVII february
Aert van Dyest
Item. Peter Claes diemen heet Luycx heeft opgedragen
ende overgegeven tot behoef van Aerde van Dyest onser
medescepenen, syn drie gouden Rynsguldenen elken van
dien tot veertich grooten Vlaems gelts gerekent erffelicx
chys, die hy de voirgenoemde Peter hadde op een huys metten hove
gronde etcetera toehoerende Claes Haenwych gelegen in Sinte
Kathelinen prochie inde Zeelstrate tusschen Gheerds van
Jans van Ghysel priesters erve
Rummenen erve aen deen zyde ende des voerscreven Claes ander erve
aen dander zyde. A Domino Mechliniensi, Waranderende etcetera.
Ut supra tempore simile
Herman Wellens
van Puersse gelegen
Borch, Cortryke. Gielis van Steynemoelen, tempotghietere, heeft
gelooft voir hem syn hoir ende nacomelingen, dat hy niet
synen medeplegeren als erfgenamen van wylen Clare
ende Magrieten de Moor Hermanne willest:t; wylen Gielis
allen den
de Moor kynderen, haeren neve ende Hermanne Welken goeden
ende erven sal, in alsulken recht ende deel van erffeliken
ende onberuerliken goeden onder de bancken ende van
de de voerscreven prochie
Vuersse Ruysbroeck ende vanden borch grave, gelegen
die
als den selven Gielisen ende synen medeplegeren byder voirscreven
Claes ende Magrieten de Moor doode gebleven ende verstorven
syn endest:t; als hy metten selven synen medeplegen den voerscreven
manne vercocht heeft, van welke gelooften alsoe tonderhouden