Blader door transcripties » Stadsarchief Mechelen

archieftoegang 2, inventarisnummer 948, pagina 58

Marie van Achelpoele
Peter
Cortryke, Vos. Jan de Neve diemen heet vander Haghen Ketelere, heeft
Terve gegeven Marien van Achelpoele, Een huys met eenen
leynen huyse dair achter staende ende oic metten gronde etcetera
gelegen inde prochie van Neckerspoele inde Rechtstrate
tusschen Jan Pauwels erve aen deen zyde ende Jans vanden Eynde
erve aen dander zyde. A Domino Mechliniensi. Te besittene op eenen erffeliken
chys van anderhalven gouden Peters elken van dien tot
sessendertich grooten Vlaems gelts gerekent, Ende die te betalen
altyt opten negenthienden dach van februario naestcomenst:t;
Ende opten voirchys van sesthien pond thien scellinge payments
ende drie chysguldenen ende eenen halven dair jaerlix vutgaende
XXI february
Peter Vrancx heeft opgedragen ende overgegeven tot behoef
van Cornelisen, Agneten, Lysbetten Kathelinen ende Annen Vrancx wettigen
kynderen van Joesen Vrancx ende van wylen Lysbetten vander Heyden synen
wive de helft van Eenen huyse metten plaetsen hove gronde etcetera
dat wylen Machiel vander Heyden toe plach te hoeren gelegen inde
Coestrate tusschen Jaspar Boeyenhals erve aen deen zyde ende
Jacops vanden Hoede erve aen dander zyde, streckende achterweerts
metten voerscreven hove, byder weduen ende kynderen erve van wylen Bartelmeus
vanden Bossche tot inde Lange Byest. A Domino Mechliniensi, Waranderende. Opte weerdest:t;
van thien scellingen sesse penningen grooten Brabants gelts vuten
voirgenoemde geheelen huyse met synen voerscreven toebehoerten jaerlix gaende
Jan Meeuw ende Gielis Cottens beyde woenende tot
Beerzele hebben gelooft ende elck van hen besunder ende voir al
ongevrydt na der divisen recht, Te leveren ende bynnen Mechelen
te betalen Cornelien Yngelram oft den brenger van deser
Twaelff veertelen Rogs goede ende custbare Mechelscher maten
te wetene elke veertel daeraf op eenen grooten Brabants gelts
naest den besten, tusschen dit ende den vyfthienden dach van
septembry naestcomende sonder eenich wederseggen
Libery Jo de Hoevorst
Lange, Keyenoegen. Beatris Pottaerts wedue van wylen Jacop de Beckere
met Symon van Donghen haeren man, heeft opgedragen haer
geheeten dMoelene
tocht die sy hadde in een huys metter plaetsen ende met eenen
cleynen huyse daer achterstaende ende oic metten gronde etcetera
gelegen inde Aedegheemstrate opten hoeck vander Sausierstraetken
tusschen tselve straetken aen deen zyde ende Lysbetten Vlemings
erve aen dander zyde. A Domino Mechliniensi, Juravit tot behoef van Margrieten
Barblen ende Yden van Hoevorst Jans van Hoevorst gheelghieters
wettigen kynderen, welke Jan totter selver synder kynderen
behoef daer inne geerft wardt
Assignavit XVI Rinsgulden eens
february tempore simile
Jan van Culixrode
ende Joes Willems
Hulst, Keyenooghe. Gregoris van Poeyerle, heeft bekent dat hy gehadt
ende ontfangen heeft van Janne van Culixrode, de twee
derdedeelen van Twee hondert gouden guldenen, elken van
dien tot twintich grooten Vlaems gelts gerekent, die de
voerscreven Jan den voirgenoemde Gregoris van Poeyerle ende oic
Wouteren ende Symoen van Poeyerle gebroederen tanderen
tyden gelooft heeft te betalene voer ende in verzoeningen
vanden dootslage gedaen, by Joes Willemssoon inden persoon
van wylen Peteren Van Poeyerle een nevest:t; des voirgenoemde
Gregoris neve, Ende van dien twee derdedeelen vanden
voerscreven Twee hondert gouden guldenen vanden voerscreven pryse
heeft de voergenoemde Gregorys Quytgesconden los vry ende ledich
den voerscreven Janne van Culixrode, tot sinen ende tot des voerscreven
Joes Willemssoons behoef ende alle andere dies quitancie behoeven
geheelic ende al
X february tempore simile
Relicta et liberi
Daems
Cortrycke, Vos. Willem van Papenbroeck heeft opgedragen ende
overgegeven tot behoef van Lysbetten van Waelhem, weduen
van wylen Janne Daems met ende als tot haerer tocht ende
oic tot behoef van Janne, Lysbetten ende Kathelinen Daems
haeren kynderen, als tot haerer erffelicheyt, Een huys metten
hove gronde etcetera dat den selve weduen ende kynderen Daems
toe plach te hoerene, gelegen tot Neckerspoele ende dat de
voerscreven Willem, tanderen tyden voir achterstelligen chys die
hy daerop hadde wettelic vutgewonnen ende verreyct heeft
gelegen tot Neckerspoele byden Plain, tusschen Laureys
Bouwens erve aen deen zyde ende Marten Scholiers erve
aen dander zyde. A Domino Mechliniensi, Waranderende. Behoudelic den voirgenoemde
Willemen daerop synen voerscreven chyse ende allen anderen dier voir
ende nachys op hebben, Gheerd vander Belen ende Willem Daems
tot voerscreven weduen ende kynderen behoef waerden daerinne geerft
XXI february
Gielis Kerman
Hulst, Keyenooge, Gielis Cottens woenende tot Beerzele heeft
gelooft ongevrydt naer der divisen recht Te geven
ende te betalene, Gielisen Kerman oft den brenger des
briefs, Achtien gouden Peters elken van dien tot sessendertich
grooten Vlaems gelts gerekent, tusschen dit ende Sinte
Martensmisse naestcomende, sonder eenich wederseggen
XX february