Blader door transcripties » Stadsarchief Mechelen

archieftoegang 2, inventarisnummer 948, pagina 52

Anselmus Roelants
by bywesen ende volcomen consente van Augustyn
Lange, Hulst. Joes van Tryt wylen Aertssoon vanden Eynde synen naesten maegt ende momboir
Joes van wyfst:t;, heeft vercocht Anselmus Roelants
in anderhalff vierendeel van eenen huyse metten plaetsen
dat hem by synen voerscreven vaders doot verstorven
hove stallen gronde etcetera gelegen inde Vooghtstrate tusschen
Jan Mols des ouden erve aen deen zyde ende heeren Lodewych
Martens priesters erve aen dander zyde, streckende
achterweerts metten voirgenoemde hove doer een poorte, tot
inde Bleecstrate ende totter kynderen erve van wylen
Janne Mast. Magriete, Ludovico Conroy, Waranderende. Op drie
capuynen drie scellinge Loevens ende drie chysguldenen
ende drie gouden Rynsguldenen elken van dien tot veertich
grooten Vlaems gelts gerekent vuten voerscreven geheelen huyse
met synen voerscreven toebehoerten jaerlicx gaende
Assignavit XI Rinsgulden erffelicx XVI denier
VIII february
de capelle van Sinte
Barblen
Lange, Hulst. Jan de Kempenere ende Jan ende Peter vanden Bossche gele
alle drie woenende tot Eppegheem, onder den Creve van Nassoon
hebben gelooft ende elck van hen besunder ende voir al ongevrydt
naer de divisen recht Te geven ende te betalen Lodewyck
van Heffene als proviseur ende tot behoef vander Capellen
van Sinte Barblen staende bynnen inden Nyeuwen Bruel bynnen
deser stad, negheenendertich gouden Rynsgulden elken van
dien tot veertich groten Vlaems gelts gerekent, totten terminen
hier navolgende Te wetene de vyfthien Rynsgulden dairaff
tot Groot Vastelavonde, naestcomende. Item de twaelff
Rynsgulden daeraf tot Onserliever Vrouwen dage assumptie
daer na volgende, Ende dander twaelff Rynsguldenen oic
daer af tot Groot Verstellevonde, dair naer oic sonder midde
vervolgende, sonder eenich wederseggen
ut tempre simile
een misse by Janne van
Eyndoven gefundeert op
Sinte Machiels outaert
in Sinte Peters kerkenst:t;
Kathelinen Beckere
Rende, Vos. Katheline Smeets wedue van wylen
Gheerde Nys, cum tutore als eene tochtenersse, Joes
Nys haer soon ende Katheline ende Marien Nys synen
zusteren cum tutore inden name van hen selven ende oic
inden name van Barblen Nys haerer zuster, onder
haer jaeren van discrecien wesende, die sy in hen
vervingen, als erfgenamen, hebben vercocht
Claes de Kelvere diemen heet van Altere deken
ende Henricken Balleman ende Janne Weens geswoerene
vanden ambachte vanden spellemakers bynnen
Mechelen, tot behoef van eender erffeliker
missen die Jan vander van Eyndoven, geordineert
ende begheert heeft alle welken, op desselfs
De selve
ambachts outaer van Sinte Machiels, gedest:t; staende
inder prochiekerken van Sinte Kathelinen inder selver
stad, gedaen ende geceleveert te wordene, drie
gouden Rynsguldenen elken van dien tot veertich
groten Vlaems gelts gerekent, erffelix chys Te heffene
altyt opten neghenden dach van februario Op ende
aen der voerscreven tochtenersse ende erfgenamen
helft van vier huysen metten hove gronde etcetera
gelegen deen neven dander opte Dele opten hoeck
vander Keerberghstraten, tusschen de selve strate
aen deen zyde ende Gielis de Cock erve aen dander zyde
Ende voertaen op alle dander opte op Seven
scellinge groeten vuten voirscreven geheelen vier
huysen metten hove jaerlix gaenst:t; voir vutgaende
Ende voertaen op alle dander syn haeren
haeffelike ende erffelike goeden metten gronde etcetera
bynnen gelegen die sy nu ter tyt hebben
ende hier namaels oic hebben ende vercrigen zelen
A Domino Mechliniensi, Waranderende etcetera.
IX february tempore simile
de wedue Jaspars
vanden Hout
Rende, Vos, Jan de Neve diemen heet vander Hagen Jan
van Beringnen, Machiel de Reyere diemen heet
Delssenere, inden name van hem selven ende oic inden
name van Jacoppen Reyers diemen heet Delssenere
synen brueder absent wesende die zy in hem vernueght
Katheline sReyers diemen heet Delssenere weduwe
van wylen Janne van Altert hebben quytgesconden
s
los vry ende ledich, Kathelinen vanden Hove weduen
wylen Jaspers vanden hove van allen den
haeffeliken goeden die henlieden byder doot
van wylen Machtest:t; Kathelinen Quaeyghote
haerer nochten die des voerscreven wylen Jaspars
tweede wyf was doen sy leefde, in eeniger
manieren gebleven ende versterven moegen syn ende
alle andere dies quitancie behoeven geheelic ende al
IX february tempore simile
Claes Coens ende Margriete vanden Wreeke
syn wyff hebben gewilt ende openbairlic voir ons
geordineert, de ende begheert dat Willem Moens