Blader door transcripties » Stadsarchief Mechelen

archieftoegang 2, inventarisnummer 948, pagina 53

haerer beyder wettich soon terstont mede doot vanden
jersten stervenden van hen beyden van ende vuten
helft van allen haeren goeden die den selven Willeme
ende synen bruederen ende zusteren, byder doot vanden selven
jersten stervenden van hen beyden toecomen ende versterven
sal, voir vut hebben sal de somme van vyfthien
gouden Rynsgulden elken van dien tot veertich
groten Vlaems gerekent ende niet min deselve helft
vanden voerscreven goeden, gelyc den voerscreven anderen synen
bruederen ende zusteren deylen, den wederseggen vanden
selven synen bruederen ende zusteren niet tegenstaende
^
ende syns wyfs
De kynderen Claes soens
Rende, Vos. De voerscreven Claes Coens ende syn wyf hebben
gewilt ende openbairlic voir ons geordineert dat
alle haer kynderen alsoe wel meyskens als knechtkens
ende knechtkens als meyskens die sy deen vanden
anderen vercregen hebben, Evengelyc ende in ghe
geliken deele ende porcien, hebben houden ae aenveerden
ende deylen zelen alle de haeffelike ende erffelike
goeden, bynnen der stad ende vryheyt van Mechelen
wesene ende gelegen, die na eensyegelycx doot vanden
voerscreven Claese ende Magrieten haeren onderen zelen
bliven
XX february
Aert van Vuthem et uxore
Pot Retro
Henoege, Vos. Jan van Battele ende Jan vander Hoeven, diemen
heet inden Ancker, als proviseurs ende inden name vander
taflen des Heylichs Gheests vander prochiekerken van
Sinte Jans bynnen Mechelen hebben om des meests orboirs
ende profyts wille vander selver taflen vercocht Aerde van
Vuthem tot sinen ende Jehannen vanden Broeke syns wyfs
behoef, Een huys metten hove gronde etcetera gelegen buyten
de Kerchofpoorte opten hoeck vander Vingebeecstrate
tusschen deselve strate aen deen zyde ende Jans Witte broot
erve aen dander zyde. A Domino Mechliniensi, Waranderende. Op twee capuynen
ende twee scellinge Loevens daer jaerlix vutgaende acht
thien scellinge
pond ende een halfst:t; payments dair jaerlix vutgaende
XXVII february
Lange, Cale, Claes van Zelle ende Barble Huyghs syn
wyf Seggende dat sy gheen wettige kynderen en hadden, ende
hebben daer om gewilt ende openbaerlic voir ons geordineert
dat de langhstlevende van hen beyden soelange die alsdan leven
sal paysselic ende vredelic sal gebruyken alle der haeffeliker
Claes van Zelle
et uxore
ende erffeliker goeden bynnen ende buyten der voerscreven stad ende
vryheyt van Mechelen wesende ende gelegen ende metten selvenst:t;
haeffeliken goeden in synder noot moegen dispone ende ondenst:t;
die sy nu tertyt hebben ende hier namaels oic hebben ende vercrigen
zelen, ende metten selven haeffeliken goeden in synder noot moegen
disponeren ende ordineren, den wederseggen van yemande ende oic den
rechten ende coustumen daeraf ter contrarien onderhouden
niet tegenstaende. Behoudelic dien dat alle de voirgenoemde
goeden na des langhstlevende doot vanden voerscreven Claese ende
Barblen synen wive blivende toecomen ende versterven zelen
haeren gerechten erfgenamen, dien die goeden naden rechte
vander voerscreven stad sculdich zelen syn toe te comene ende te
verstervene, oft den ghenen dien sy deselve goeden samentlic
met testamenten oft anderssins geven ende maken zelen welken
ordinancie wy ende oic Dyest, Hoeven Rende Hulst, Cortryke
ende Vos onse medescepenen by crachte vanden statute
tanderen tyden daer op gemaect geconfirmeert ende geapprobeert
hebben ende by onser ordineerder macht confirmen ende approberen
alle argelist vutgescheyden
IX february tempore simile
Jan van Dornicke
et uxor
Lange, Cale. Jan van Dornicke ende Marie Melys syn
wyf Seggende dat sy gheen wettige kynderen en hadden
Ende hebben daerom gewilt ende openbaerlic voir ons
geordineert dat de langhstlevende van hen beyden
soelanghe die alsdan leven sal paysselic ende vredelic
sal gebruyken alle der haeffeliker ende erffeliker
goeden, bynnen der voerscreven stad ende vryheyt van Mechelen
wesende ende gelegen, die sy nu tertyt hebben ende hier
namaels oic hebben ende vercrigen zelen, Ende metten
selven haeffeliken goeden in synder noot moegen
disponeren ende ordineren den wederseggen van yemande
ende oic den rechten ende coustumen vander voerscreven stad
daeraf ter contrarien onderhouden niet tegenstaende
Behoudelic dien dat alle de voirgenoemde goeden naer des
langhstlevende doot vanden voerscreven Janne ende
Marien synen wive blivende, toecomen ende versterven
zelen haeren gerechten erfgenamen dien die goeden
naden rechte vander voerscreven stad sculdich zelen syn toe
te comene ende te versterven oft den ghenen dien sy
deselve goeden samentlic met testament ende oft anderssins
geven ende maken zelen welke ordinancie wy ende oic Dyest
Hoeven Ruede, Hulst, Cortryke ende Vos
onse medescepenen by crachte vanden statute tanderen tyden
daerop gemaect geconfirmeert ende geapprobeert hebben
ende by onser ordinairder macht confirmen ende approberen
Alle argelist vutgescheyden
ut supra tempore simile