Blader door transcripties » Stadsarchief Mechelen

archieftoegang 2, inventarisnummer 948, pagina 51

Adriaen vanden
Brecht
Hulst, Keyenoogge. Jan Staes ende Henrick de Loens, van svaders wegen, Ende
Willem ende Henrick van Poeyerle vander moeder wegen, als
Geloven ende inden name van Magrieten van Brecht Adriaen
van Brecht dochter onder haere jaeren van discrecien wesende die
sy in hen vervingen, hebben Quytgesconden los vry ende ledich
den voerscreven Adriaen van Brecht weduere van wylen Kathelinen
van Poeyerle ende der voerscreven Magrieten vader van allen den
haeffeliken goeden, die de voirgenoemde Magrieten, byder doot vander
voirscreven wylen Kathelinen haerer moeder ende des voerscreven Adriaens
jersten wive doen sy leefde, in eeniger manieren gebleven ende
verstorven moegen syn ende alle andere dies quitancie behoeven
Ultima february
Gielis Laureys e ende Barble Smeets syn wyf
hebben vercocht Jacoppen vander Heyden diemen heet metten
Vuyst drie gouden Rynsguldenen elken van dien tot veertich
groten Vlaems gelts gerekent erffelix chys Te heffene
altyt tot twee terminen, Te wetene deen helft daeraf
tot Sinte Jansmisse ende dander helft tot Kersmisse daeraf den
jersten termyn van betalingen syn sal tot Sinte Jansmisse
naestcomende, Op ende aen des voerscreven Gielis Laureys ende Barblen
syns wyfs huys metten hove dat twee woeningen plagen
te zine ende oic metten gronde etcetera gelegen tot Mecheerspoele
inde Mandestrate in Sinte Peters prochie tusschen Claes Coens
erve aen deen zyde ende der weduen ende kynderen erve van
wylen Laureys de Wilde aen dander zyde. A Domino Mechliniensi, Waranderende.
op drie scellinge ende vyf penninge groten Brabants gelts daer
jaerlix voir vutgaende
Gielis Hoendermans
et uxore
Keyenooge, Vos. Brueder Wouter Weerts priester Confesseur vandenst:t;
elfsten meyenst:t; des goidshuys vanden elffensent maeghden
staende inder stad van Loeven, inden name vanden selven goidshuyse
hebbende om tgene te doen dat hier na bescreven vander priorinnen
ende gemeynen convente, des voirscreven goidshuys volcomen macht
gelyc ons dat by eender procuracien daerop gemaect ende bezegelt
metten gemeynen zegel desselfs goidshuys claerlic bekest:t;
bleeck, heeft Terve gegeven Gielis Hoendermans, tot sinen
ende Adrianen van Hoobraken syns wyfs behoef, Een huys metten
hove ende met eender waerderywen int eynde vanden selven
hove staende ende oic metten gronde etcetera gelegen inden Nyeuwen
Bruel, tusschen Anthoenis Ruelens erve aen deen zyde ende
Jan Rabboots erve aen dander zyde. A Domino Mechliniensi. Te besittene op eenen
erffeliken chys van Sesse gouden Peters elken van dien tot
de selve
sessendertich grooten Vlaems gelts gerekent, Ende die te betalene
Altyt tot twee terminen, Te wetene deen helft daeraf tot
Meere Jan
Kersmisse ende dander helft tot Kersmisse daeraf den jersten
de
termyn van betalingen syn sal tot Kersmisse naestcomende, Ende
sonder eenigen last van voirchyse dair jaerlix vutgaende
meer alsulker condicien dat de voirscreven Gielis ende syn wyf
sculdich zelen syn tusschen dit ende Kersmisse naestcomende
aen tvoerscreven vutgegeven huys te vertymmeren oft te
verretene sesthien Peters vanden voerscreven pryse eens, oft
afgequitene ende te lossene eenen st:t; Peter vanden voerscreven
sesse gouden Peters des voirgenoemde chys ende dander vyf
Peters desselfs chys zelen deselve Gielisst:t; Gielis ende syn
wyf moegen lossen ende quiten altyt als hen dat gelieven sal
ende elken van dien sesse Peters met sesthien geliker Peters
es ende met vollen chyse
february tempore simile
Lodewyc Mast
Lange, Vos. Jan Mast wylen Jan Mast soon, heeft vercocht
Janne de Langhe den jonghen, als momboiren ende tot behoef
van Lodewyck Mast des voerscreven Jans va Mast bruederen
syn sesse scellinge groote Brabants gelts erffelix chys
die hy hadde ende hem inder scheydingen ende deylingen
tanderen tyden tusschen hem ende synen bruederen ende zuster
geschiet, aengescheyden ende aengedeylt syn te hebbene
op alle des voerscreven Lodewycx syns brueders erffelike
goeden metten gronde etcetera bynnen ende buyten der stad ende
vryheyt van Mechelen gelegen, hem inde selver
scheydingen, ende deylingen, aengedeylt ende aengescheyden
A Domino Mechliniensi, Waranderende etcetera.
Assignavi
ut supra tempore simile
Peter Gheylen
Item. Brueder Daneel vanden Horicke priester prioer
des goidshuys van Hanswycke, staende byder voirscreven stad, inden
name vanden selven goidshuyse, heeft by bywesene ende volcomen
consente van brueder Peteren vanden Damme oic priester ende
Religieux desselfs goidshuys vercocht Peteren Gheylen, sesse
veertelen Rogs erffelix pachts die tvoergenoemde goidshuys hadde
op des voerscreven Peters Moelenberch met eender wyntmoelen
daerop staende ende oic metten gronde etcetera gelegen tot Hevere
op ze Hevervelt tusschen Peters vanden Rode erve
aen deen zyde, Daneels van Lynth erve aen dander zyde
ende der heeren van Zellaer erve aen dander zyde. A Domino Mechliniensi,
Waranderende etcetera.
Assignavit
ut supra tempore simile