Blader door transcripties » Stadsarchief Mechelen

archieftoegang 2, inventarisnummer 948, pagina 50

brueder gebleven ende verstorven is, in Een huys metten
hove gronde etcetera gelegen buyten de Coepoorte aenden
Nyeuwen Steenwech, tusschen Peters vander Riveren
erve aen deen zyde ende den wytham aldaer aen
dander zyde. A Domino Mechliniensi, Waranderende etcetera.
ut supra tempore simile
Jorys Caluwaerts
Keyenoege, Vos. Bouwen van Muysene scepman, heeft vercocht Jorys
syns
Caluwaert huyvettere de helft van drie veertelen Rogs goede etcetera
Mechelscher maten, Te wetene elken veertele daeraf op twee
scellingen naest den besten erffelix pachts, die de voirgenoemde vouwen
hadde
heeft op des voerscreven Jorys huys metten hove ende lande daer aen
ende oic metten gronde
liggende, houdende omtrent drie vierendeel gelegen in Heysbroeck
tusschen Jan Wouters erve aen deen zyde ende Jans Beren erve aen
dander zyde, Ende op desselfs Jorys stuck lants metten gronde etcetera
de Heyde geheeten houdende omtrent een vierendeel, gelegen int
voerscreven Heysbroeck byden wech aldaer men gaet tot Heffene waert
tusschen Lambrechts van Puersse erve aen deen zyde ende Ambrosius
Lauwers erve aen dander zyde. A Domino Mechliniensi, Waranderende etcetera.
Assignavi
V february
Peter van Beringen
Item. Jan van Eyndoven diemen heet de Eertstekere heeft
vercocht Peteren van Beringhen, Een stuck lants daerop
tanderen tyden Wygaert gestaen heeft metten gronde houdenst:t;
een luttel min dan een buender met eender schueren
ende duyfhuyse daer op staende ende oic metten gronde etcetera
houdende een luttel min dan een buender gelegen buyten
Sinte Kathelinenstratest:t; poorte by Hoebergen, tusschen des
goidshuys van Blydenberge erve aen deen zyde ende der
infirmarien erve vanden crancken beghinen, bynnen
den beghynhove van Mechelen aen dander zyde streckende
achterweerts tot Lodewycx van Heyst erve toe. A Domino Mechliniensi,
Waranderende. Op twee chysgulden ende eenen halven dair
jaerlix vutgaende
Assignavit C Peters
ut supra
Item. Lodewyck de Meyere, wettich soon van wylen Joes
de Meyere inden name van hem selven ende oic inden name
van Janne, Henricken, Joese, Peteren Amelbergen ende
Cornelien de Meyere synen bruederen ende zusteren, absent wesende
die hy in hem vervinghe voir de twee vierendeelen, Jan
Henrick ende Jacop Ysermans gebruederen wylen Cornelis
Ysermans kynderen, Magriete Ysermans haerlieder zuster
met Machiel Bellens haeren man ende Katheline Ysermans
oic haerlieder zuster inden name van hen selven ende oic
Heer Willem vanden
Wyele priester
zyde oic dat sy den
selve heeren Willem
daeraf tegen
henlieden ende elken
anderen altyt scadeloo
quythouden ende
ontlasten zelen
inden name van Lysbetten Ysermans haerer zuster die sy in
hen vervingen voer tderde vierendeel, Lijsbeth Goessens wedue
wylen Aerts tSas, Ende Jan Rommond ende Jacop tSas gebruederen
desselfs wylen Aerts ende der voerscreven Lysbetten syns wyfs
kynderen, Magriete tSas haerlieder zuster met Janne Fryken
haeren man inden name van hen selven ende oic inden name van
Gheerde tSas haeren brueder absent wesene, die sy in hen
vervingen, voir tvierde vierendeel, alle als gerechte ende
eenige erfgenamen van wylen Magrieten Ysermans wettigen
wive van wylen Rommond tSermartens ende van wylen
Aerde Cricke haerlieder neve ende nichten hebben
openbairlic voir ons bekent dat sy gehadt ende ontfangen
hebben van heer Willeme vanden Wyele priester, de somme
van elff pondt grooten Brabants gelts die hy den
voerscreven bekender vut zaken van eenen huyse inde
Kerchofstrate aende Kerchoffbrugge opten hoeck van
eenen cleynen stratkene aldaer gelegen dat hy tegen
der voerscreven wylen Magriete ende Ysermans gecocht heeft
sculdich ende tachter was, Ende van dien sommen van
elf pond groten Brabants, hebben de voerscreven bekenden
inden name als voer quytgesconden los vry ende
ledich den voerscreven heeren Willeme vanden Wyele ende
alle andere dies quitancie behoeven geheelyc ende
al voirtaen hebben de voerscreven Lodewyck de Meyere
ende de voerscreven Jan Henrick Jacop Magriete ende Katheline
Ysermans ende oic de voerscreven Jan Rommond, Jacop ende
Magriete tSas gelooft Te wetene, de voerscreven Lodewyck
de Meyere dat zy den voerscreven Janne Henricken Joesen
Peteren Amelbergen ende Cornelien de Meyere synen bruederen
ende zusteren, de voer ende de voerscreven Jan Henrick Jacop
Magriete ende Katheline Ysermans, dat sy der
voerscreven Lysbetten Ysermans haer zuster, Ende de voirscreven
Jan Rommond, Jacop ende Magriete tSas dat sy de
voerscreven Gheerde tSas al haeren brueder alsulck ende in
dien hebben zelen, dat sy de voirgenoemde quitancie
ende van weerden houden zelen ende voert
confirmeren ende approber zelen voirs meer test:t;
daerinne heer den
besorgen heissen vanden voerscreven heeren Willem doen
zelen alle tgene des tenerssorgelissen vanden
voerscreven heeren Willemen dienen ende behoeren sal, die
welke gelooften, alsoe volstentelic tonderhoudene ende
om daer meerder zekerheyt den voerscreven heeren Willeme
daeraf te doene, Soe hebben sy hem daer voer
verbonden alle haer haeffelike goeden waer die
bevonden zelen worden, die sy nu tertyt hebben ende
hier namaels oic hebben ende vercrigen zelen
V february