Blader door transcripties » Stadsarchief Mechelen

archieftoegang 2, inventarisnummer 948, pagina 48

Jorys Caluwaert
ope donaet
Lange, Rende. Brueder moys van He priester daer des
inden name vanden selve goids
goidshuys van Bethleem by Loevene, hebbende de selve brueder moye
te doen
om tgene van des voerscreven goidshuys wegen, dat hierna bescreven staet
vanden prioer ende gemeynen convente desselfs goidshuys volcomen
macht gelyc ons dat by eender procuracien daer op gemaect ende
bezegelt metten gemeynen zegel desselfs goidshuys claerlic bleeck
heeft vercocht Jorys Caluwaerts sesse gouden Rynsguldenen
elken van dien tot veertich grooten Vlaems gelts gerekent erffelicx
chys die voirgenoemde goidshuys hadde op twee stucken beempts metten
tsamen
gronde etcetera houdende omtrent drie vierendeel, die Machielen vanden
Bossche toe plagen te hoerene ende die nu den voerscreven Jorissen Caluwaert
toebehoeren, gelegen deen neven dander tot Battele inde Heysbroecstrate
tusschen desselfs Jorys ander erve aen deen zyde ende der capelrien
erve van Sinte Cosmas ende Damias in Sinte Kathelinen kerken
bynnen Mechelen aen dander zyde streckende totter Delen toe. A Domino Mechliniensi,
Waranderende etcetera
Assignavit den XI denier
XX Juny tempre simile
Andries van Schore
vercocht
heeft
Cortryke, Vos. Jan van Neckelbroeck ende Katheline vanden Wouwest:t;
syn wyf hebben Terve gegeven Andries van Schore, een
stuck lants met eender schueren daer op staende ende oic metten
gronde etcetera gelegen houdende een luttel meer dan een halff
buender gelegen buyten Sinte Kathelinen poorte byden Pennepoel
tusschen de goidscamer aldaer aen deen zyde ende desselfs Jans
van Nekelbroeck andere erve aen dander zyde. A Domino Mechliniensi, de
besittene op eenen jaerlike lyfpensie van Achtien Petersst:t;
elken van dien, waranderende sonder eenigen last van chyse dair
jaerlix vutgaende
upra tempore simile
Jan van Neckelberch
Item. De voirgenoemde Andries van Schore, heeft bewesen
tot sinen ende oic tot behoef ende
den voerscreven Janne van Nekelbroeck van Kathelinen selve
vanden Wouwe synen wive tot haeren livenst:t; ende tot des
langhstlevende live van hen beyden, achtien gouden Peters
elken van dien tot sessendertich grooten Vlaems gelts
gerekent jaerliker lyfpensien Te heffene altyt tot
Kersmisse Op ende aen des voirscreven Andries stuc lants
metten gronde etcetera boven bescreven, waranderende sonder eenigen
last van chyse dair jaerlix vutgaende
ut tempre simile
Cortryke, Vos. Jan Hoens ende Barble vanden Broeke syn wyf
hebben vercocht Janne vanden Breyne, tot behoef van
Lysbetten Hoolmans, Jan Hoelmans dochter Twee gouden
Peters elken van dien tot sessendertich grooten Vlaems gelts
gerekent erffelix chys Te heffene altyt opten jersten
Elizabeth Hoolmans
dach van februario vutgenomen den jersten dach van februario
nu naest toecomende, Op ende aen der voerscreven Barblen vanden
Broeke huys metten hove gronde etcetera gelegen byde Zantpoorte
tusschen Willems van Werchteren erve aen deen zyde ende Jans
Schinckel erve aen dander zyde ende Ende voertaen op alle dander
des voerscreven Jan Koens ende Barblen syns wyfs haeffelike ende
erffelike goeden metten gronde etcetera bynnen der voerscreven stad ende
vryheyt van Mechelen wesende ende gelegen die sy nu ter tyt
hebben ende hier namaels oic hebben ende vercrigen selen
A Domino Mechliniensi, Waranderende. Op Sesse gelten Smouts ende eenen mottoen
vuten voerscreven huyse metten hove jaerlix voir vutgaende
Assignavit den XXVI denier
ultima January tempore simile
Elizabeth vander Hayct
toehoerde den
ambachte vanden
Beckers bynen
Mechelen
Lange, Cortricke. Peter Nys tot behoef van Lysbetten vander
Hayct synen wive heeft verreyct Een huys metten gronde etcetera
den Roeden Schilt geheeten metten gronde etcetera dat den
heer van Bausignes van Gaesbeke toe plach te hoeren
gelegen aenden Steenwech van Mechelen tusschen des ambachtest:t;
vanden Beke erve thuys den Bonten Mantel geheeten aen
deen zyde ende thuys dMoelenyser geheeten tehoerende queten
de Smet aen dander zyde
Ex censu
supra tempore simile
Hubrecht de Monick
Dyest, Hulst. Peter van Middeldonck, heeft vercocht
Hubrechten de Monick, Augustyns de Monick soone, vier
gouden Rynsgulden elken van dien tot veertich grooten
Vlaems gelts gerekent erffelix chys die hy hadde op des
voerscreven Auguste Hubrechts huys metten gronde etcetera geheeten
de Mynne gelegen in Sinte Kathelinenstrate opten hoeck
vander Begaertstraten tusschen deselve Bogaertstrate
aen deen zyde ende der weduen ende kynderen erve van wylen
Wouteren vanden Zuyvele, aen dander zyde streckende
achterweerts totten water toe. A Beato Rumoldo, Waranderende etcetera.
Assignavit den XVI
V January tempore simile
Wouter van Battele
Hulst, Keyenooge, Jan vander Beke Steenweghe heeft vercocht Wouteren
van Bartele, Twee gouden Peters elken van dien tot sessendertich
grooten Vlaems gelts gerekent erffelix chys Te heffene altyt
tot Kersmisse op ende aen des voirgenoemde Jans vander Beke
huys metten hove gronde etcetera gelegen tot Neckerspoele tegen
tdrincsel aldaer over tusschen Gheerds van Ollem erve aen
deen zyde ende Jan Croenaerts erve aen dander zyde. A Domino Mechliniensi,
Waranderende. Op Seven gelike Peters dair jaerlix voir vutgaende
Assignavit den XXIX Peters eens
ut supra