Blader door transcripties » Stadsarchief Mechelen

archieftoegang 2, inventarisnummer 948, pagina 47

de selve
van yemande ende oic den rechten ende coustumen daeraf ter
contrarien onderhouden niet tegenstaende. Behoudelic dien
dat alle de voirgenoemde goeden na des langhstlevende doot
vanden voirgenoemde Aerde ende synen wive blivende toecomen ende
den gheeten
versterven zelen, haeren gerechten erfgenamen dien sy deselve
goeden samentlic met testamenten oft anderssins geven
ende maken zelen, welke ordinancie wy ende oic van Dale
Dyest hoeven Hulst, Cortryke, Keynoege ende Vos
onse medescepenen, by crachte vanden statute tanderen tyden daer
op gemaect geconfirmeert ende geapprobeert hebben ende by
onser ordinairder macht conframeren ende approberen, alle
argelist vutgescheyden
XXIIaJanuary
Willem Speelberch
Lange, Vos, Adriaen vanden Houte, heeft vercocht Willem
Speelberch Sesse scellinge groote Brabants gelts erffelicx
chys die hy hadde op desselfs Willems huys metten
gronde etcetera gelegen in Sinte Kathelinenstrate achter
de Capelle van Sinte Rommonds, tusschen heeren Jans
vander Eyken priesters erve aen deen zyde ende Jan
Peters Schoenmakers erve, aen dander zyde. A Domino Mechliniensi,
Waranderende etcetera
XXIIII novembry
Anthoenis Tycke
Keyenoege voer Cornelis Janssoon heeft Quytgesconden los vry
ende ledich, Anthoenis Tycke weduere van wylen Heylwych
Bollaerts van al alle den haeffeliken goeden, die
den voirgenoemde Cornelisen, byder doot vander selver wylen
Heylwych synder moeyen ende des voerscreven Anthoenis
jersten wive doen sy leefde in eenige manieren
gebleven ende verstorven moegen syn ende alle andere dies
quitancie behoeven geheelic ende al
XXVII tempre simile
Jan de Pape et uxore
Voesdonc, hoogge. Jouffrou Katheline vanden Eede beghine cum tutore heeft
vercocht Janne de Pape ende Lysbetten vander Bruggen synen
wive Een huys metten hove gronde etcetera gelegen inden
Stompaerts hoeck, tusschen der stad van Mechelen erve
aen deen zyde ende Peters Crabbe des jongen erve aen
dander zyde. A Domino Mechliniensis, Waranderende. Opte weerde van vyfthienst:t;
drie scellinge ende neghen penningen groten Brabants gelts dair
jaerlix vutgaende
Assignavit XXIIII Peters eens
XXVII Juny
Berckele
Wolffaert van
Lange, Vos. Jan vander Heyden ende Mathys van Boven als proviseurs
ende inden name vander taflen des Heylichs Gheests der
prochiekerken van Sinte Kathelinen bynnen Mechelen, hebben
om des meests orboirs ende ofyts wille vander selve taflen
Terve gegeven Wolffaert van Berckele ende Lysbetten
sMeyers synen wive, Een huys metten hove gronde etcetera
e gelegen inden Heembeempt, tusschen Wouter Noots erve
aen deen zyde ende Kathelinen Ghoetens erve aen dander
zyde streckende achterweerts metten voirscreven hove totter voldershergracht
A Domino Mechliniensi. Te besittene op eenen erffeliken chys van
Eenen pond vyff penninge groote ende sesse myten Brabants
gelts, Ende die te betalene altyt tot Kersmisse, Ende opten
voirchys van derthien scellingen Loevens eenen capuyn
ende elf pond veerthien scellinge payments dair jaerlicx
vutgaende met alsulker condicien dat de voirgenoemde Wolhoet
ende syn wyf zelen moegen lossen ende quyten de voirgenoemde
tvoerscreven pond vyf penninge groote ende sesse myten Brabants
des voirgenoemde chys altyt als hen dat gelieven sal met vyf
scellingen grooten Brabants elken male ende elken penning
daeraf met sesthien gelyken penningen eens ende met
vollen chyse
X January tempore simile
Assignavit XV Rinsgulden eens
Jan vanden Broeke
Keynoege, Vos. Henrick Boschman ende Magriete Pauwels diemen
heet Borgman syn wyff hebben Terve gegeven Janne vander
Broeke bruedere tot Sinen ende Barblen Vriends syns wyfs behoef
Een huys metter plaetsen ende met eender cammeren daerachter
staende ende oic metten gronde etcetera gelegen buyten de
Neckerspoelpoorte inde Rechtstrate opten hoeck vander
Mandestraten, tusschen de selve Mandestrate aen deen zyde
ende Peter Hevens erve aen dander zyde. A Domino Mechliniensi. Te besittene
op eenen erffeliken chys van vierentwintich scellingen grooten
Brabants gelts ende die te betalene altyt tot Sinte
Jansmisse daeraf den jersten termyn van betalingen syn sal
tot Sinte Jansmisse naestcomende, Ende opten voirchys vanden
helft van vyff pondt payments ende vier pond beteender
keerssen, Ende van drie gelikest:t; Peters dair jaerlix vutgaende
met alsulker condicien dat de voerscreven Jan vanden Broeke
ende syn wyff sculdich zelen syn te lossene ende te quitene de
vyff scellinge groote Brabants vanden voirgenoemde vierentwintich
scellingen groten Brabants des voerscreven chys tot Sinte Jansmisse
naestcomende, Ende dander negenthien scellinge groote
desselfs chys zelen de selve Jan vanden Broeke ende syn
wyf moegen lossen ende quiten altyt als hen dat gelieven
sal met vyff scellingen grootelken male ende elken
van de penninge daer af met sesthien geliker penningen
eens ende met vollen chyse
XXVI january tempore simile
Assignavit XXXII Rinsgulden eens