Blader door transcripties » Stadsarchief Mechelen

archieftoegang 2, inventarisnummer 948, pagina 46

Jan Laureys
Cortryke, Vos. Peter van Candriesch, heeft vercocht Janne
Laureys vyff scellinge groote Brabants gelts erffelicx
chys die de voirgenoemde Peter hadde op desselfs Jan Laureys
huys metten hove gronde etcetera gelegen inde Corte Byest
tusschen Peter desselfs Peters erve aen deen zyde ende
Steven Gheerds erve aen dander zyde. A Domino Mechliniensi, Waranderende etcetera.
Assignavit den XXVI denier
XXII January tempore simile
Janne Vos erve
Olivier van Bredegeem
Lange, Vos. Katheline ende Barble Zeels cum tutore hebben vercocht
Willem vander Aa natuerlic van van wylen Willem
vander Aa ende Katheline ende Barble Zels wylen Wouters zels
kynderen cum tutore, hebben vercocht Olivier van Buedeghem
erffelix chys de
haerlieder twee chysguldenen, die sy hadden ende henliedenst:t;
byder doot van wylen Lysbetten Zels haerer zuster
gebleven ende verstorven syn op een huys met eender
cleynder plaetsen gronde etcetera dat Lysbetten van Cortbeempde
toe plach te hoerene ende dat nu toebehoert Bartelmeus
Heryoens, gelegen in Sinte Kathelinenstrate tusschen
huys Wouters van Floerssem erve aen deen zyde
ende Gielis van Obborch erve aen dander zyde. A Domino Mechliniensi,
Waranderende etcetera.
ut supra tempore simile
Jan van Wale
Lange, Vos. Jan Huyghen woenende tAntwerpen, heeft
opgedragen ende getransporteert Janne van Walle tot behoef
van Janne van Wale synen vader oic woenende tAntwerpen
syn elff scellinge ouder groote Turnoyse vander munten etcetera
jaerliker lyfpensien, die hy syn leven langh geduerende heeft
opten voirscreven stad van Mechelen vallende jaerlix voer deen
voer
helft opten sesthienden dach van Novembry, Ende dander
helft opten sesthienden dach van meye, gelyc den brief
daer op gemaect ende bezegelt metten zegel ten lyftochten
vander selver stad, dat clairliker vutwyst ende begrepen
heeft transferens ac volens ut in forma, Ende tot desen
heeft Henric de Langhe een der rentmeesters vander
voerscreven stad behoudelic der selver stad dair inne haeren
rechte syn consent gegeven
XXIII January
Heer Jacop de Moor
priester
Idem. Peter Langwoyts ende Gielis Tavermans woenende
tot Putte, hebben gelooft ende elc van hen besunder ende voir al
ongevrydt naer der divisen recht Te geven ende te betalene
heer Jacoppen de Moor diemen heet Inden Palmboem priester
houdent ende twee gouden Rynsgulden elken van dien tot
de selve
veertich grooten Vlaems gelts gerekent totten termynen hierna
volder volgende Te wetene de seventhien Rynsgulden
daeraf tot b Onser Liever Vrouwen p dach Purificacio
int jaer van sevenentachtentich naestcomende, Ende soe
voertaen tot elken Onser Liever Vrouwen dage Purificatio
alsdan deen na dander sonder middel vervolgende seventhien
derselve Rynsgulden doene, sonder eenich wederseggen
Ut supra tempore simile
Mathys Drammen
et uxore
Borch
Blanghe, Matheeus Drammen ende Margriete vander Stappen syn
wyff, heeftst:t; Seggende dat sy gheen wettige kynderen en hadden
Ende hebben daerom gewilt ende openbaerlic voir ons geordineert
dat de langhstlevende van hen beyden soelange die alsdan leven
sal paysselic ende vredelic sal gebruyken, alle de haeffeliker
ende erffeliker goeden, bynnen der voerscreven stad ende vryheyt van
Mechelen wesende ende gelegen, die sy nu ter tyt heeft hebben
ende hier namaels oic hebben ende vercrigen zelen, ende
metten selven haeffeliken goeden in synder noot moegen
disponeren ende ordineren, den wederseggen van yemande ende
oic den rechten ende coustumen vander voerscreven stad daer
inne ter contrarien onderhouden niet tegenstaende
Behoudelic dien dat alle de voirgenoemde goeden na des
langhstlevende doot vanden voerscreven Matheeus ende
synen wive blivende toecomen ende versterven zelen
haeren gerechten erfgenamen, dien die goeden naden
rechte vander selver stad sculdich zelen syn toe te
comen ende te versterven, oft den ghenen dien sy deselve
goeden samentlic met testamenten oft anderssins
geven ende maken zelen, welke ordinancie wy ende oic
ochst:t;, Voesdonck, Hulst, Cortryke, Keyenoeghe
et uxor onse medescepenen, by crachte vanden
statute tanderen tyden daerop gemaect geconfirmeert
ende geapprobeert hebben ende by onser ordinairder macht
confirmeren ende approberen, alle argelist vutgeschieden
XXIII novembry
Aert vander Donct
et uxore
Idem. Aert vander Donct ende Katheline sWitten syn
wyf seggende dat sy gheen wettige kynderen en hadden
Ende hebben daerom gewilt ende openbaerlic voir ons
geordineert dat de langhstlevende van hen beyden soe lange
die alsdan leven sal paysselic ende vredelic sal gebruyken
alle der haeffeliker ende erffeliker goeden, bynnen ende buyten
der voerscreven stad ende vryheyt van Mechelen wesende ende gelegen
die sy nu tertyt hebben ende hier namaels oic hebben ende
vercrigen zelen, Ende metten selven haeffeliken goeden
Duffender noot moegen disponeren ende ordineren den wederseggen