Blader door transcripties » Stadsarchief Mechelen

archieftoegang 2, inventarisnummer 948, pagina 45

de selve
die sy in haer vervingh alle als gerechte erfgenamen
van wylen Lysbetten Treyts, hebben Quytgesconden los
vry ende ledich, Henricken woenen, weduere vander
selver wylen Lysbetten Creyts van allen den haeffeliken
goeden, die allen den selven erffgenamen byder doot
vander selve wylen Lysbetten Creys haerer nichter ende
des voerscreven Henricx zoenen wive doen sy leefde in eeniger
manieren gebleven ende verstorven moegen syn ende alle ander
dies quitancie behoeven geheelic ende al
January tempore simile
Joes vanden Vekene
Dale, Hulst. Wouter ende Gielis Gelots gebruederen gebruederenst:t;
inden name van hen selven ende oic deselve Wouter ende Gielis
van svaders wegen, Aert Godevaerts ende Jan Daems de
jonge vander moeder wegen, als momboiren ende inden name
van Jacoppen Gelots wylen Laureys geloots sone onder
syne jaeren van discrecien wesende dien sy in hen vervingen
Wouter de Wilde, Jan Daems doude ende Henrick ende
Wouter Hubrechts gebruederen alle als erfgenamen gerechtst:t;
ende eenige erfgenamen van wylen Janne Gelots hebben
vercocht hebben vercocht Joes vanden Vekene Jans
sone, Een huys metten hove gronde gelegen inde
Peperstrate, tusschen Jan Brants erve aen deen zyde
ende der weduen ende kynderen erve van wylen Jannes vanden
Dycke aen dander zyde. A Domino Mechliniensi, Waranderende. Op twee pond payments
drie chysguldenen endest:t; erffelic ende anderhalven gouden Peters
Te wetene XXXVI groten Vlaems voir elken van dien
gerekent jaerliker lyfpensien daer jaerlix vutgaende
ut supra tempore simile
Jacop ende Aert vanden Hove gebruederen van svaders
wegen, Gielis van Cortbeke ende Gielis van Opstalle vander
moeder wegen, als momboiren ende inden name van Janne ende
Marien vanden Hove Jans vanden Hove kynderen onder haere
jaeren van discrecien wesende die sy in hen vervingen, hebben
quytgesconden los vry ende ledich den voerscreven Janne vanden
hove, den vader weduere van wylen Jehannen van Cortbeke
van allen den haeffeliken goeden, die den voirgenoemde Janne ende
Marien vanden Hove, byder doot vander voirgenoemde wylen
Lysbetten, haerer moeder ende des voerscreven Jans vanden Hove des
vander jersten wive doen sy leefde in eeniger manieren gebleven
ende verstorven moegen syn ende alle andere dies quitancie behoeven
Peter Weens
eens
Lange, Hulst. Jan ende Peter Vlemst:t; gebruederen, wettige kynderen
wee
van Peteren we ende van wylen Lysbetten Hontackers synen
jersten wive hebben Quytgesconden los vry ende ledich, den selven
Peteren haeren vader van allen den haeffeliken goeden die
henlieden byder doot vander voerscreven wylen Lysbetten Hontachters
haerer moeder gebleven ende verstorven mogen syn ende alle andere
dies quitancie behoeven geheelic ende al
XXIII January
Jan vanden Weerde
Hulst, Vos. Gheerdt vanden Dale onse medescepen, heeft
vercocht Janne vanden Weerde onse brueder, achtien scellinge
groote Brabants gelts erffelix chys die hy hadde op een
huys met eender cleynder plaetsen hove gronde etcetera gelegen
inde Coestrate over de ierste brugghe tusschen wylen
Jans Gast erve aen deen zyde ende der Jans Roelants
aen dander zyde. A Beato
Rumoldo, Waranderende etcetera.
Assignavi
XXII January
Claes Smout
Lange, Hulst. Nicasius de Pundere diemen heet van Heyst
heeft Terve gegeven Claes Smout, Een huys metten
hove gronde etcetera gelegen inde Vooghstrate in Sinte Peters
prochie tusschen Wouters de Beere erve, aen deen zyde
ende Jans de Smet erve aen dander zyde
A Domino Mechliniensi. Te besittene op eenen erffeliken chys van vyf
gouden Rynsguldenen elken van dien tot veertich grooten
Vlaems gelts gerekent, Ende die te betalene altyt
tot Sinte Jansmisse daeraf den jersten termyn van betalingen
syn sal van Sinte Jansmisse naestcomende over een jaer
daer na volgende, Ende opten voirchys van twee chysgulden
ende twee pond payments daer jaerlix vutgaende
Assignavit XLVIII Rinsgulden eens
ut supra
Jan de Pelsmakere
Cortryke, Vos. Gielis Van Clare heeft vercocht Janne de
Pelsmakere, Een huys metten hove gronde etcetera gelegen
in Onser Vrouwen prochie inde Corte Penningstrate, tusschen
Mertens van Henegouwe erve aen deen zyde ende
de wylen Machiel Torrekens erve aen dander zyde
A Domino Mechliniensi, Waranderende. Op eenen chysgulden daer jaerlix vutgaende
Assignavit XII Peters eens
XXI January tempore simile