Blader door transcripties » Stadsarchief Mechelen

archieftoegang 2, inventarisnummer 948, pagina 44

tutore ende Braerts
Hulst, Vos. Gielis Bernaerts wylen Jan Bernaerts sone, heeft
openbaerlic voir ons bekent dat hem Jacop Janst:t; Pauwels
Bernaerts Jan Keyenoeghe, Jacop de Beckere ende doude ende
Jacop de Beckere syn sone syne momboiren, hem goede ende
rechtveerdige rekeninge bewys ende betalinge gedaen hebben
van allen den haeffeliken ende erffeliken goeden die hem byder
doot vanden voirgenoemde wylen Janne Bernaerts synen vader
toecomen gebleven ende verstorven syn, Ende daeraf ende
van alle der moeyten quellingen sommen van penningen ende
allen anderen dingen die hy den voerscreven synen momboiren vuten
zaken van dien ende oic om des meestst:t; Regiments ende
bewints wille dat sy daeraf gehadt hebben in eenigen
manieren soude moegen hest:t; doen oft heysschen, heeft de selve
Gielis Quytgesconden los vry ende ledich den voerscreven
Janne Keyenooghe ende Jacoppen de Beckere den vadere tot
haeren ende totter voerscreven Pauwels Bernaerts ende Jacops de
Beckere des soons haerer medemomboiren behoef ende alle
andere dies quitancie behoeven geheelic ende al
XVIII marty
Jan Mathys
Idem. Margriete tSermartens met Janne vander Voort
diemen heet van Molenberch haeren man, heeft vercocht
Jan Mathys huyvetter, de helft van thien chysguldenen
erffelix chys die sy hadde ende haer inder scheydingen ende
deylingen tusschen haer ende haeren bruederen ende zusteren tanderen
tyden geschiet aengescheyden ende aengedeylt is te hebbene
op een huys metten hove gronde etcetera den voerscreven Janne
Mathys toehoerende gelegen inden Vettersham byder
plaetsen geheeten den Blaesbalch, tusschen Henricx
Gheerds erve aen deen zyde ende Gheerds de Wechter
erve aen dander zyde. A Domino Mechliniensi, Waranderende etcetera.
ut supra tempore simile
Jan de Brueke syn
wyf ende haere kynderen
Hulst, Vos. Lysbeth de Roeck met Janne vander Waerde
haeren man ende jouffrou Jehanne de Weck beghyne haer
zuster cum tutore hebben vercocht Janne de Bruekere ende
tocht ende oic tot behoef van Lysbetten Coemans der selver
Kathelinen de Roeck synen wive als tot haerer beyder
Kathelinen dochter die Willem Coeman haer ierste man
van haer vercregen heeft ende van Barblen sBruekers oic
der selver Kathelinen dochter die de voirscreven Jan de Brueke
haer tweede man van haer vercregen heeft ende oic van
allen den anderen haer wettigen kynderen die de selve Jan
de Bruekere ende Katheline de Roeck deen vanden ander
zelen moegen vercrigen, als tot alle der selver kynderen
erffelicheyt, alle de haer recht ende deel dat
de voerscreven Lysbeth ende jouffrou Katheline de Beck hadden
in Een huys metten gronde etcetera gelegen op Neckerspoele
byde Blocpoorte tusschen Willem Lauwaerts erve aen deen
zyde ende der weduen ende kynderen erve van wylen Henricken
de Vettere aen dander zyde. A Domino Mechliniensi, Waranderende etcetera.
X January
^
Jan Cleren et uxore
Hulst, Vos. Henrick Herregot wylen Henricx Herregot sone
ende heeft opgedragen ende overgegeven tot behoef van Janne Cleren
ende van Margrieten van Hanssingen synen wive ende des
voerscreven Henricx moeder alle alsulke haeffelike ende
erffelike goeden als hem byder doot vander voirgenoemde Magrieten
synder moeder zelen toecomen bliven ende versterven zelen
A Domino Mechliniensi, Waranderende etcetera
ut supra tempore simile
Jan van Eyke et
uxore
Langeborcheer Anthoenis vander Aa Ridder ende Jan Mol, doude
als proviseurs vanden beghynhove van Mechelen hebben
inden name vanden Convente geheeten houtappels convent
ende tconvent ter Delen, staende bynnen den selven beghynhove
opgedragen ende overgegeven tot behoef van Janne van Eyken
ende van Kathelinen Storm synen wive Een huys metten
gronde etcetera dat den kynderen van wylen Janne van Eyke
toeplach te hoerene ende dat Jannes Hemelryck als
rentmeester ende tot behoef vanden voerscreven conventen, tanderen
tyden voir achterstelligen chys die deselve conventen
daer op hebben wettelic vutgewonnen ende verreyct heeft
gelegen inde Aedegheemstrate tusschen Wouters van
Battele erve aen deen zyde ende een cleyn straetken aldaer
aen dander zyde. A Domino Mechliniensis, Waranderende. Behoudelic den voerscreven
conventen daer op haeren voirscreven chyse ende allen anderen
dier voer ende na chys op hebben, heer Henrick Storm
priester totter voirscreven Jan van Eyke ende syns wyfs behoef
waerter inne geerft
XIX January tempore simile
zuster
Henrick Zween
Dale, Hulst. Jan ende Valentyn de Wilde gebruederen wylen
Jans de Wilde kynderen Guilleminne de Wilde haerlieder
zuster Robrecht de Vleeschouwere inden name van Lodwic
ende de voerscreven Jans Valents ende Gheraen
de Wilde synen wive die zy hen in hem vervingen, willen
vander wyen inden name van Gertruyden de Wilde synen
wive ende der voerscreven bruederen ende zusteren de Wilde zuster die
zy in hem vervingh, Amant van desen inden name van
Magrieten de Wilde synen wive ende derselver bruederen ende zusteren
de Wilde zuster die hy in hem vervingh, Katheline van
Goerlaken, jouffrou Magriete vander Heyden beghyne ende
Magriete vander Heyden wylen Aerts dochter inden name
van haer selven ende oic inden name van Bouwen vanden
Heyden haeren brueder, absent ende vuyten lants wesende