Blader door transcripties » Stadsarchief Mechelen

archieftoegang 2, inventarisnummer 948, pagina 43

Henrick Coenraerts
et uxore
Lange, Hulst. Peter Goetheyns heeft vercocht Henricken Coenraerts
tot synen live ende oic tot behoef ende ten live van Gheertruyden
Boys synen wive ende tot des langhstlevende live van hen beyden
Eenen scellinge ende sesse penninge groote Brabants gelts jaerliken
lyfpensien, Te heffene altyt opten sesthienden dach van
Januario Op ende aen des voirgenoemde Peters huys metten hove
gronde etcetera gelegen byde Heergracht int Berchstraetken
tusschen Henricx Cranaerts erve aen deen zyde ende Jan
Buytaerts erve aen dander zyde, Ende voertaen op alle des
selfs Peters haeffelike ende erffelike goeden metten gronde etcetera
bynnen der stad ende vryheyt van Mechelen wesende ende gelegen
die hy nu tertyt heeft ende hier namaels oic hebben ende vercrigen
sal. A Domino Mechliniensi, Waranderende. Opte weerde van twee scellingen ende sesse
penningen grooten Brabants gelts vuten voirnoemde huyse metten
hove jaerlix voir vutgaende met alsulker condicien dat de
voerscreven Peter Goetheyns sal moegen lossen ende quyten de voirgenoemde
seven scellinge ende sesse penninge groote Brabants gelts der
voerscreven lyfpensien altyt als hem dat gelieven sal ende elken
penninge daeraf met thien geliker penningen eens ende met
volder lyfpensien
XVI January tempore mile
Jan Caputsteen
Cortryke, Keyenooge, Henrick Willems heeft vercocht Janne
Caputstaen, Een huys metten hove gronde etcetera gelegen tot
Neckerspoele inde Wyngaertstrate tusschen Godevaert
Gebuers erve aen deen zyde ende Jan Gebuers erve aen
Monialibus
dander zyde. A Domino Mechliniensi, Waranderende. Op twee chysguldenen twee
pond payments ende twee scellinge ende sesse penningen groten
Brabants gelts dair jaerlix vutgaende
Assignavit XXIIII Peters eens
XVII January
Dyest, Hulst. Lysbeth vander Beke wedue van wylen Henricken van
Elsschen heeft verreyct
Relicta Willemo de
Laken
Hulst, Cortrike. Jan van Laken wylen Willems van Laken sone, Ende
Willem van Lyest inden name van Kathelinen van Laken synen
wive ende des voerscreven Jans zuster die hy in hem vervingh, hebben
quytgesconden los vry ende ledich, Margrieten vanden Vekene weduen
vanden voirgenoemde wylen Willem van Laken, der selver Jans ende
Kathelinen van Laken stiefmoeder van allen den haeffeliken goeden
der die den selven Janne ende Kathelinen, byder doot vanden
voirgenoemde wylen Willem van Laken haeren vader, die dest:t; ende der
voerscreven weduen man doen hy leefde in eeniger manieren gebleven ende
verstorven moegen syn ende alle andere dies quitancie behoeven
geheelic ende al
XVII novembry
Jan vander Weerd
Hulst, Cortryke. Jan Gelders diemen heet de Beckere woenende tot Putte
heeft gelooft voir hem syn hoir ende nacomelingenst:t; ongevrydt naer
der divisen recht Te geven ende te betalene, Janne vanden Weerde
bruedere, Sessentwintich pond grooten Brabants gelts totten terminen
hier navolgende, Te wetene deen helft daeraf tot Bamisse ende
dander helft tot Kersmisse beyde naestcomende, sonder eenich
wederseggen
XVII novembry tempore simile
Jan Wagen alias
Corthals et uxore
Pot Retro
Hulst, Vos. Laureys Maggel heeft vercocht Jan Waggen, diemen
heet Corthals tot synen ende Kathelinen vander Straten syns wyfs
behoef, Een huys metten hove gronde etcetera gelegen tot Heffene
aende Brugghe, byde Zenne aldaer, tusschen wylen Jans van
Merchteren erve aen deen zyde ende Jans de Cale erve aen
dander zyde. A Domino Mechliniensi, Waranderende. Opte weerde van twee grooten
Brabants gelts ende sesse scellinge payments daer jaerlicx
vutgaende
Assignavit IIII Rinsgulden
XI may tempore mile
Aert van Couwenberge
et uxor
Hulst, Vos. Vinne sRaeymakenst:t; met Janne vander Straten
haeren man heeft Terve gegeven Aedt van Couwenberge
tot synen ende Margrieten sRaeymakers syns wyfs behoef
Een huys metten hove gronde etcetera gelegen opte
Veemarct byden borreputte aldaer, tusschen Henricx
Keldermans erve aen deen zyde ende desselfs Aerts
syns wyfs ander huys aen dander zyde. A Domino Mechliniensi,
Te besittene op eenen erffeliken chys van Sesse gouden
Peters elken van dien tot sessendertich grooten Vlaems
gelts gerekent, Ende die te betalene altyt tot Sinte
Jansmisse daeraf den jersten termyn van betalingen syn sal
tot Sinte Jansmisse naestcomende, Ende opten vorchys vander
helft van twee gelyken Peters vuten voirgenoemde vutgegeven
huyse ende vut der voerscreven Aerts ende syns wyfs anderen huyse
voerscreven jaerlix gaende
VII January tempore simile