Blader door transcripties » Stadsarchief Mechelen

archieftoegang 2, inventarisnummer 948, pagina 38

een metter
vanden Veken
syn wive
Wouter Tucbake
et uxore
Hulst, Cortryk Dierick vander Moelen, heeft vercocht Wouter
Tucbaeck, Een huys metten hove borreputte gronde etcetera
gelegen buyten der Kerchofpoorten inde Rechtstrate
tusschen Jans vander Voort erve aen deen zyde ende
Henrix vanden Wyere erve aen dander zyde. A Domino Mechliniensi,
Waranderende. Op anderhalven chysgulden ende eenen scellinge
ende sesse penninge groote Brabants gelts dair jaerlix
vutgaende
Assignavit II Peters erffelicx den XVI
XI January tempore simile
Dierick vander Molen
Idem. Henrick de Vydt stroedecker, heeft vercocht
Diericken vander Moelen, Een huys metten hove gronde
etcetera gelegen buyten de Kerchofpoorte byden Pennepoel
in een strate aldaer men gaet te Duffle waert tusschen
Jan Cools erve aen deen zyde ende Jan Vutlaet erve
aen dander zyde. A Domino Mechliniensi, Waranderende. Op vyf scellinge
Loevens ende acht scellinge payments dair jaerlicx
vutgaende
Assignavit XXV Peters eens
ut supra tempore simile
Mensa Rumoldo
Borch, Voesdonc. Jan Machiel ende Gheerdt vandenst:t; Machiels diemen
heet vanden Horst Jan gebruederen ende Jan vanden
Bossche ende Jan vanden Vekene, alle woenende tot Eppegheem
hebben gelooft ende elc van hen besunder ende voir al
gegevene ende te ongevrydt naer der divisen recht de
gevene ende te betalene Aerde Cleynaerts als rentmeester
ende tot behoef vanden taflen des Heylichs Gheests vanden
prochie kerken van Sinte Rommonds bynnen met zelen
Achtenveertich gouden Rynsgulden elken van dien
tot veertich groten Vlaems gelts gerekent, totten terminen
navolgende Te wetene de twaelff Rynsgulden
daeraf opten jersten dach van meye naestcomende ende
soe voertaen tot elken jersten dage van meye
naestcomen alsdan deen na dander ter stont volgende
Twaelff der selve Rynsguldenen de etcetera, Ende dat
vut zaken van neghenentzeventich veertelen Rogs
die sy daer selver taflen des Heylichs Gheests sculdich
ende tachte waren, sonder eenich wederseggen
ut supra
Olivier van Bruele
Cogge, Corttene, Katheline ende Barble Zels gesusteren wylen Wouters
Zels kynderen cum tutore hebben vercocht Olivier van Buedeghem
haerlieder helft ende alle trecht die sy hadden ende hen byder doot
van wylen Lysbetten Zeels haerer zuster gebleven ende verstorven
es in drie chysguldenen erffelix chys op een huys metten
hoefkene gronde etcetera toebehoerende Willeme van Beveren
gelegen inden Vettersham in Sinte Rommonds prochie neven
de Heymeysbrugge, tusschen de poorte oft hof die wylen
toe plach tehoerene
Symoen Zoemans toehoerdest:t; ende die nu den selven Willeme
toehoert aen deen zyde ende wylen Jan Heylens erve aen
dander zyde. A Domino Mechliniensi, Waranderende etcetera.
XIIIsuper:t; marty
tutore Johannes van
dueren
Hulst, Vos. Jan van Dueren wylen Henricx van Dieren soon, heeft
openbaerlic voir ons bekent dat hem Jan van Dueren syn
oem Gielis de Moor Jan van Berckelaer ende Adriaen van
Haesdonck syne momboiren, hen die goede ende rechtverdige
Rekeninge bewys ende betalinge gedaen hebben van allen den
haeffeliken ende erffeliken goeden, bynnen ende buyten der
stad ende vryheyt van Mechelen wesende ende gelegen die
hem byder doot vanden voirgenoemde wylen Henricken synen
vader gebleven ende verstorven syn, Ende daeraf ende oic
van alle der moeyten quellingen sommen van penningen
ende allen anderen dingen, die hy den voerscreven synen vermomboren
vut zaken van dien ende oic om des Regiments ende bewyts
wille dat sy daer af tot desen dage toe in eeniger
manieren gehadt hebben, heeft de voerscreven jerste Jan van
daer quytgesconden los soude moegen doen oft
heysschen, heeft de voirgenoemde jerste Jan van Dueren
Quytgesconden los vry ende ledich den voerscreven synen
momboiren ende alle andere dies quitancie behoeven
geheelic ende al
Ut supra tempore simile
Lodewyck Quarre
Booge, Vos. Lysbeth Roese, wedue wylen Henricx van Zuple
diemen heet van Beringhen, cum tutore, heeft opgedragen
ende overgegeven haer tocht die sy hadde in een
huys metten gronde gelegen in Sinte Kathelinenstrate
tusschen Reyners vanden Weerde erve aen deen zyde
ende der kynderen erve van wylen Clase van Rillaer een
dander zyde, metten rechte van eenen weghe comende
ende hem streckende totter Mylane, ter een oic met